Ester 3:15 - Chuukese Bible

¹⁵ Fän än ewe king allük ekewe chon künö ra müttir uwala ewe allük ngeni ekewe sop, ra pwal arongafeili ewe allük lon Susa samolun telinimwen ewe fanü. Iwe, ewe king me Haman ra mottiu pwe repwe ün, nge chon ewe telinimw Susa ra fokun rükö.

Ester 3:15 Iomraidhean Croise

Keneses 37:25

Mürin, ra mottiu pwe repwe mongö. Nge lupwen ra chimwetä, ra küna eu mwichen chon Ismael me nöür kewe kamel ra feito me Kiliat. Iwe, ekewe kamel ra uwou sokun apach mi pwokus me säfei mi aüchea itan mör, pwe repwe uwala Isip.

1. King 14:27

Iwe, ewe king Rehopoam a föri tittin maun seni piras akasiwilin ekewe tittin maun seni kolt o ngeni ekewe meilapen chon mas mi mamasa asamalapen imwen ewe king, pwe repwe tümwünü.

Ester 1:10

Iwe, lon afisuen ränin ewe kametip, lupwen ewe king a pwapwa ren an ünümi wain, a allük ngeni Mehuman, Pista, Harpona, Pikta, Apakta, Setar me Karkas, ir nöün ewe king kewe füman chon angang mi angang ngeni,

Ester 4:16

“Kopwe feila o achufengeni ekewe chon Juta mi nom lon Susa o echikefel fän itei. Ousap mongö ika ün lerän me lepwin lon ükükün ülüngat rän. Nge ngang me nei chon angang fefin aipwe pwal echikefel usun ämi. Mürin üpwe feila ren ewe king, inamwo ika üpwe purätiu ewe allük. Iwe, ika üpwe mäla, üpwe chök mäla.”

Ester 8:15

Iwe, Mortokai a towu seni fän mesen ewe king fän üfen king mi arauarau me pwech, a pwal üföüf echö owokot mi parachol o mwärini epa mwärämwär seni kolt. Iwe, chon ewe telinimw Susa ra mweireir fän pwapwa.

Kölfel 37:7

Kopwe fanafanala me fän mesen ewe Samol mi Lapalap o likitü le witiwiti i. Kosap achouuk ren ekewe aramas mi pisekisekila, pwal ren chokewe mi afisätä ar rawangau.

Än Salomon Fos 1:16

Pun ra pwapwaiti le föri föför mi ngau, ra müttir ngeni nimanauei aramas.

Än Salomon Fos 29:2

Lupwen ekewe chon pwüng ra nemenem, ekewe aramas ra mwänek, nge lupwen ekewe aramasangau ra nemenem, ekewe aramas ra ngüngü.

Än Salomon Fos 31:4

En Lemuel, kopwe rongorong: Esap öchiti ekewe king pwe repwe ün wain, esap öchiti ekewe sounemenem pwe repwe moneiti sakau.

Än Salomon Fos 4:16

Pun ekewe aramasangau resap tongeni annut ika resap föri mine a ngau, ra chök nennela ika resap likatupu eman.

Osea 7:5

Lon ränin än ewe king kametip ekewe samol ra puchula ren pwichin ewe wain. Iwe, ewe king a tipeeu ngeni ekewe chon turunufas.

Amos 6:6

Oua ün wain lon sepi o epitikemi lö mi fokun pwokus, nge ousap letipeta pwe Israel a tala.

Johannes 16:20

Enlet, üpwe wesewesen ürenikemi: Ämi oupwe kechü o ngüngüres, nge fanüfan epwe fokun pwapwa. Ämi oupwe lolilen, nge ämi lolilen epwe wiliti pwapwa.

Pwärätä 11:10

Iwe, ekewe aramasen fanüfan repwe fokun pwapwa pokiten ekei ruoman soufos ra mäla. Repwe föri apwapwan mine a fis o lifangfengen lefiler, pun ekei ruoman ra atoto watten riaföü won chon fanüfan.