Ester 2:9 - Chuukese Bible

⁹ Iwe, Hekai a tongei Ester o kirikiröch ngeni. A amüttiri pwe repwe föri ewe angangen epit ngeni, a pwal ngeni wisan mongö. Iwe, a awisa füman föpwül seni chon angangen ewe imwen king, pwe repwe angang ngeni o alenieer lon eu leni mi mürina lon ewe imwen fefin.

Ester 2:9 Iomraidhean Croise

Keneses 39:21

Nge ewe Samol mi Lapalap a eti Josef o eäni kirikiröch ngeni, pwe a küna ümöümöch me ren ewe chon nemeni ewe imwen fötek.

Keneses 39:4

Iwe, Potifar a ümöümöch ngeni Josef, iei mine a afili pwe epwe angang ngeni. A seikätä Josef pwe epwe tümwünü imwan me pisekin meinisin.

1. King 8:50

Iwe, kopwe amusala än noum kewe aramas tipis me pupungau ra föri ngonuk. Kopwe pwal awora tong lon leluken chokewe mi uweerela, pwe repwe tongeer.

Esra 7:6

Ei mwän Esra eman soumak mi fokun silei ekewe allük ewe Samol mi Lapalap ewe Koten Israel a ngeni Moses. Iwe, pokiten ewe Samol mi Lapalap an we Kot a ümöümöch ngeni, iei mine ewe king a mwüt ngeni meinisin mine a tüngor.

Nehemia 2:8

Kopwe pwal ngeniei echö toropwe pwe üpwe uwala ren Asaf, ewe mi tümwünü än ewe king lenien wöllap, pwe epwe ngeniei irä pwe üpwe föri pamping seni fän iten asamalapen ewe imw pöchökül mi nom mwen ewe imwenfel, fän iten tittin ewe telinimw, pwal fän iten ewe imw üpwe nonom lon.” Iwe, ewe king a mwüt ngeniei mine üa tüngor, pun ai we Kot a etiei.

Ester 2:12

Iwe, ükükün fansoun än ekewe föpwül amol me mwen ar repwe tolong ren ewe king Asuworos engol me ruu maram. Wonu maram ekewe chon angang ngeniir ra eptiir lö mi pwokus me säfei mi aüchea itan mör, nge wonu maram ra epitiir lökasup me lömis.

Ester 2:3

Kopwe pwal afili nöüwis me lon ekewe sop meinisin mi nom fän nemeniom, pwe repwe achufengeni föpwül meinisin mi fokun liöch resamwo pwüpwülü lon ewe imwen fefin mi nom lon Susa samolun telinimwen ewe fanü. Iwe, repwe nonom fän tümwünüen Hekai nöün ewe king we chon angang mi wisen tümwünü pwülüen ewe king. Iwe, repwe föri ewe angangen epit ngeniir.

Ester 5:2

Nge lupwen ewe king a küna kiwiin Ester pwe a ütä awenewenen rumwan, a eiti ngeni wokun wokun nemenem mi för seni kolt a nom lepöün, pun Ester a küna ümöümöch me ren. Iwe, Ester a kaneto o atapa ülülen ewe wok.

Kölfel 106:46

A föri pwe chokewe meinisin mi liapeniir o uweerela lon ekewe fanü mi toau repwe tongeer.

Än Salomon Fos 16:7

Are än eman aramas föför a apwapwai ewe Samol mi Lapalap, i epwe pwal föri pwe chon oputan repwe kinamwe ngeni.

Taniel 1:9

Iwe, Kot a angang lon leluken Aspenas pwe a eäni ümöümöch me tong ngeni Taniel.

Föför 7:10

o amanaua seni an kewe riaföü meinisin. Iwe, Kot a ngeni Josef mirit o atufichi i pwe epwe küna chen me ren ewe kingen Isip. Iei mine Farao a seikätä i pwe epwe wiseni ewe wisen kepina lon unusen Isip o nemeni imwan kewe meinisin.