Ester 2:23 - Chuukese Bible

²³ Iwe, lupwen ra kütta pwüngün ei pworaus, a pwä pwe a let. Iei mine ra forusi ekewe ruoman mwän won irä. Mürin ra makeelong ei pworaus lon puken uruwon ewe fanü fän mesen ewe king.

Ester 2:23 Iomraidhean Croise

Keneses 40:19

Mürin ülüngat rän Farao epwe echimwätä mökürom, pun epwe pökü üom, nge inisum epwe aitiuätä won efoch irä. Iwe, machang repwe feito o ochei fitukom.”

Keneses 40:22

Nge ewe meilapen chon umuni anan pilawa a aitiuätä won efoch irä, usun Josef a fen aiti ngeniir.

Esra 4:15

pwe kopwe tongeni kütta pworausen ei telinimw lon ekewe puken uruwo än ekewe king ra akom mwom. Iwe, kopwe küna o silei me lon ei puken uruwo pwe ei telinimw eu telinimw mi afitikoko chök, a aosukosuka ekewe king me ekewe fanü, nge seni me lomlom aramasen lon ra chök päpälüeni mwü. Iei popun pwe ei telinimw a tala.

Ester 10:2

Iwe, pworausen meinisin mine ewe king a föri fän an nemenem me an tufich, pwal pworausen än ewe king aitöchü Mortokai ra mak lon puken uruwon ekewe kingen Metia me Persia.

Ester 5:14

Iwe, Seres pwülüan we me chiechian kewe meinisin ra üreni, “Kopwe amolätä efoch irä mi tam, ükükün langataman fik me limu fiit. Nge lesosorun lesor kopwe tüngorei ewe king pwe repwe forusi Mortokai won. Mürin kopwe pwapwa le fiti ewe king lon ewe kametip.” Ei pworaus Haman a sani. Iwe, a apasa pwe repwe aüetä ewe irä mi tam.

Ester 6:1

Lon ei pwin ewe king esap tongeni möür. Iwe, a apasa pwe repwe uwato ewe puken uruwon mwün o aleani me fän mesan.

Ester 7:10

Iwe, ewe king a apasa, “Oupwe forusi Haman won.” Iei mine ra forusi Haman won ewe irä i a fen amolätä fän iten Mortokai. Mürin, än ewe king song a kisikisitiu.

Malakai 3:16

Mürin, chokewe mi niuokusiti ewe Samol mi Lapalap ra kapasfengen lefiler, nge ewe Samol mi Lapalap a afäliir o aüselinga ar kapas. A wor eu puken achechem me fän mesan, a makelong iten chokewe mi niuokusiti i, ewe Samol mi Lapalap, o chechemeni itan.

Josua 8:29

A pwal forusi ewe kingen Ai won efoch irä tori lekuniol. Nge lupwen akkar a tuputiu, Josua a allük pwe repwe apichätiu inisin me won ewe irä. Iwe, ra moneetiu leasamalapen ewe telinimw o achukuchukätä won eu ioien fau mi watte a nom tori ikenai.