Ester 2:19 - Chuukese Bible

¹⁹ Iwe, lupwen ekewe föpwül ra chufengen fän aruuan, Mortokai a fil me ren ewe king pwe epwe eman nöün nöüwis.

Ester 2:19 Iomraidhean Croise

Ester 2:21

Lon ewe fansoun, lupwen Mortokai a föri an angang leasamalapen imwen ewe king, Piktan me Teres, ir nöün ewe king chon angang mi wisen mamasa ewe lenien tolong ngeni imwen ewe king, ra song ngeni ewe king Asuworos o ekiekin niela.

Ester 5:13

Nge ekei mettoch meinisin üsap menemenöch ren, are üa küna Mortokai ewe re Juta, pwe a mot lon asamalapen imwen ewe king.”

Ester 5:9

Iwe, lupwen Haman a feil seni ewe kametip, a fokun pwapwa lelukan. Nge mürin a küna Mortokai lon asamalapen imwen ewe king pwe esap ütä me mwan ika chapetiu ngeni, Haman a fokun lingeringeriti.

Taniel 2:49

Iwe, pokiten Taniel a tüngor, ewe king a seikätä Satrak, Mesak me Apetneko pwe repwe kisin fän Taniel le nemenem lon ewe sop itan Papilon. Nge Taniel a chök nom lon imwen ewe king.