Ester 2:18 - Chuukese Bible

¹⁸ Mürin, ewe king a föri eu kametip mi watte ngeni ekewe samol me nöün kewe nöüwis fän iten Ester. Iwe, ewe king a pwal asilefeili eu ränin asösö lon ekewe fanü meinisin o fangala chomong lifang, usun a fichiti eman king.

Ester 2:18 Iomraidhean Croise

Keneses 29:22

Iei mine Lapan a körifengeni ekewe chon Haran meinisin o föri eu kametip mi watte.

Nehemia 8:11

Iei usun ekewe mwän seni ewe ainangen Lefi ra amosonosonala ekewe aramas meinisin o üreniir, “Oupwe chipila, pun ei rän a pin. Ousap letipeta.”

Ester 1:7

Ra ün wain lon chomong sokopaten kap seni kolt, nge ünümer wain me ren ewe king a fokun somwola.

Ester 9:22

pun lon ekei rän chon Juta ra küna ngas seni chon oputeer. Lon ei maram ar riaföü a wili ngeni pwapwa, nge ar letipeta a wili ngeni mwänek. Iwe, Mortokai a pwal allük ngeniir pwe ekewe rän repwe ränin mongöfengen me pwapwafengen, pwal ränin lifangfengen mongö mi annö me lifang ngeni chon wöüngau.

Än Salomon Köl 3:11

Oupwe towu, ämi föpwülün Sion, pwe oupwe nengeni ewe king Salomon mi mwärini ewe mwärämwär inan a amwärämwära ngeni lon ränin an apwüpwülü, lon ewe rän letipan a fokun pwapwa.

Än Salomon Köl 5:1

Kofoti, en mi wor tongom me rei, üa feito ren tanipii we. Üa ionifengeni ai säfei mi aüchea itan mör me ai nofitin mongö, üa neni ai fasen chunen me chönün, üa pwal ünümi ünümei wain me ünümei milik. Oupwe mongö o ün, ämi chienei. Ämi chienei mi achengicheng, oupwe fokun ün.

Mateus 22:2

“Mwün Läng a wewe ngeni eman king mi amolätä eu kametipen apwüpwülü fän iten nöün mwän.

Markus 6:21

Nge feilfeil a tori eu fansoun mi fich pwe än Herotias ekiek epwele pwönüetä. Ei a fis lon ränin uputiuen Herotes, lupwen a föri eu kametip fän iten nöün kewe nöüwis, nöün kewe meilapen sounfiu me ekewe aramas tekia lon Kalilea.

Lukas 14:8

“Lupwen eman a köruk om kopwe fiti eu kametipen apwüpwülü, kosap mottiu won ewe lenien mot än ekewe aramas tekia. Pun a tongeni fis, pwe eman aramas mi tekia senuk a pwal kö ngeni ewe kametip.

Pwärätä 11:10

Iwe, ekewe aramasen fanüfan repwe fokun pwapwa pokiten ekei ruoman soufos ra mäla. Repwe föri apwapwan mine a fis o lifangfengen lefiler, pun ekei ruoman ra atoto watten riaföü won chon fanüfan.

Pwärätä 19:9

Mürin ewe chon läng a üreniei, “Kopwe makkeetiu ekei kapas: Ra feiöch chokewe mi kö ngeni kametipen apwüpwülüen ewe Lam.” Iwe, ewe chon läng a pwal apasa, “Ikkei ekewe kapas mi let seni Kot.”

1. Samuel 25:8

Kopwe püsin aisini noum kewe chon angang, pun ir repwe apworausa ngonuk. Iei mine kopwe eäni ümöümöch ngeni nei kana alüal, pun äm aia feito lon ränin kametip. Kose mochen kopwe fang ngeni noum kewe chon angang, pwal ngeniei ngang noum mwän Tafit mine a nom reöm.”