Ester 10:2 - Chuukese Bible

² Iwe, pworausen meinisin mine ewe king a föri fän an nemenem me an tufich, pwal pworausen än ewe king aitöchü Mortokai ra mak lon puken uruwon ekewe kingen Metia me Persia.

Ester 10:2 Iomraidhean Croise

1. King 11:41

Iwe, lusun pworausen än Salomon föför meinisin, an angang meinisin me an tipachem a mak lon ewe puken uruwon Salomon.

1. King 14:19

Iwe, lusun pworausen än Jeropoam föför meinisin, ekewe maun a eäni me an nemenem, a mak lon puken uruwon ekewe kingen Israel.

1. King 22:39

Iwe, lusun pworausen än Ahap föför meinisin, imwan a aüetä o foute ngeni ngiin äläfan me ekewe telinimw meinisin a aüetä, a mak lon puken uruwon ekewe kingen Israel.

Ester 2:23

Iwe, lupwen ra kütta pwüngün ei pworaus, a pwä pwe a let. Iei mine ra forusi ekewe ruoman mwän won irä. Mürin ra makeelong ei pworaus lon puken uruwon ewe fanü fän mesen ewe king.

Ester 6:1

Lon ei pwin ewe king esap tongeni möür. Iwe, a apasa pwe repwe uwato ewe puken uruwon mwün o aleani me fän mesan.

Ester 8:15

Iwe, Mortokai a towu seni fän mesen ewe king fän üfen king mi arauarau me pwech, a pwal üföüf echö owokot mi parachol o mwärini epa mwärämwär seni kolt. Iwe, chon ewe telinimw Susa ra mweireir fän pwapwa.

Ester 8:2

Iwe, ewe king a üttawu nöün ringen impwang, a fen angei seni Haman, o ngeni Mortokai. Nge Ester a anomu fän nemenien Mortokai meinisin mine Haman a eäni.

Ester 9:4

Pun Mortokai a tekia lon imwen ewe king, nge iteüöchün a chöfetal lon ekewe sop meinisin. Iwe, än Mortokai nemenem a chök fefeitä.

Kölfel 18:35

Ka epeti seniei feiengau o amanauaei, poum a amwöchüei, nge om alilis a atekiaeitä.

Taniel 2:48

Mürin, ewe king a alapätä Taniel, a pwal lifang ngeni chomong pisek mi aüchea. Iwe, a seikätä Taniel pwe epwe wisen nemenem lon unusen ewe sop itan Papilon, epwe pwal sounemenemen soutipachemen Papilon meinisin.