Ester 10:1 - Chuukese Bible

¹ Iwe, king Asuworos a allük pwe aramasen lon unusen mwün pwal chon ekewe fanüen lematau repwe takises ngeni.

Ester 10:1 Iomraidhean Croise

Keneses 10:5

Iwe, ekewe aramas mi nonom aroset ra pop seniir. Iei mwirimwirin Jafet lon tettelin fanüer me ar fos, pwal lon tettelin ar famili me ar ainang.

Ester 1:1

Ei pworaus a fis lon ränin manauen Asuworos, i ewe Asuworos mi nemeni ipükü rüe me fisu sop seni Intia tori Itiopia.

Ester 8:9

Iwe, lon rüe me ülüngatin ränin ewe aülüngatin maram a iteni Siwan ra körifengeni nöün ewe king soumak, pwe repwe makei meinisin mine Mortokai epwe allük ngeniir usun mine epwe öchiti ekewe chon Juta. Iwe, ra makei ewe allük ngeni ekewe nöüwis mi tekia me ekewe kepina, pwal samolun ekewe ipükü rüe me fisu sop seni Intia tori Itiopia. Ra makei lon en me maken fanüan me fosun fanüan, ra pwal mak ngeni ekewe chon Juta lon maken fanüer me fosun fanüer.

Kölfel 72:10

Ekewe kingen Tarsis pwal ekewe king seni ekewe fanü mi nom lematau repwe takises ngeni, nge ekewe kingen Shepa me Sepa repwe uwato ar lifang ngeni.

Aisea 11:11

Lon ena fansoun ewe Samol epwe aitiela pöün fän aruuan pwe epwe aliwinato nöün aramas mi chüen manau seni Asiria, Isip, Patros, Itiopia, Elam, Papilon me Hamat, pwal seni lon ekewe fanü mi nom aroset me ekewe fanü mi nom lematau, pwe repwe liwiniti lenier.

Aisea 24:15

nge chokewe mi nom ötiu repwe mwareiti i. Ekewe aramas mi nom aroset repwe mwareiti ewe Samol mi Lapalap, ewe Koten Israel.

Taniel 11:18

Mürin epwe maun ngeni ekewe fanüen aroset o liapeni chomong. Nge eman samolun sounfiu epwe akufu o aükätiu an lamalamtekia, epwe pwal liwini ngeni liwinin an föför.

Lukas 2:1

Iwe, lon ewe fansoun ewe Sisar Aukustus a atowu eu allük pwe epwe wor eu makken it lon ekewe fanü meinisin mi nom fän nemenien Rom.