Ester 1:4 - Chuukese Bible

⁴ Lon ükükün ipükü walik rän king Asuworos a aiti ngeniir wöün mwün mi watte, pwal chomong sokun pisekin king mi amwarar o ling.

Ester 1:4 Iomraidhean Croise

1. Kronika 29:25

Iwe, ewe Samol mi Lapalap a fokun atekiatä Salomon me mwen ekewe chon Israel meinisin o anomu won sokopaten lingen king lap seni än ekewe king lon Israel me mwan.

Ester 1:3

Iwe, lon aülüngatin ierin an nemenem a föri eu kametip fän iten nöün kewe samol me nöün kewe nöüwis meinisin. Iwe, ekewe samolun sounfiun Persia me Metia, pwal ekewe aramas tekia me kepinan ekewe sop ra nom ren.

Ester 1:5

Iwe, wesin ekewe rän, ewe king a föri eu kametip ngeni aramas meinisin mi nom lon Susa samolun telinimwen ewe fanü, ngeni aramas tekia me aramas tekison. Ewe kametip a fis lon ükükün fisu rän lon eu leni mi amassawa lükün ewe imwen king.

Hiop 40:10

Mürin kopwe foute ngonuk itetekia me iteföüla o aüföüfa ngonuk ling mi amwarar.

Kölfel 145:5

Repwe kapas usun lingen om tekia, nge ngang üpwe ekinlonei usun amwararen om kewe föför.

Kölfel 21:5

An ling a lapalap, pun ka alisi pwe a win. Ka awora ngeni iteüöch me iteföüla.

Kölfel 45:3

En ewe mi pwora, kopwe rietä noum ketilas won wänükum, ka ling o manaman.

Kölfel 93:1

Ewe Samol mi Lapalap a nemenem, a üföüf ngeni ling me manaman. Ewer, fanüfan a nükünük, esap fokun tongeni mwöküt seni lenian.

Aisea 39:2

Iwe, Hiskia a etiweer fän pwapwa o aküna ngeniir an imwen iseis wöün, an silifer me kolt, an nofitin mongö me epit mi aüchea. A pwal aküna ngeniir unusen an imwen pisekin maun me meinisin mine a nom lon an kewe imwen iseis. Esap fokun wor och mettoch lon imwan ika lon mwün esap aküna ngeniir.

Isikiel 28:5

Ka fokun eäni tipachem lon om angangen sopai o achomonga woum. Iwe, ka lamalamtekia lon lelukom ren.

Taniel 4:30

o apasa, “Sap iei Papilon ewe telinimw mi lapalap üa aüetä fän ai tufich me pöchökül pwe ai lenien king, epwe pwal alinga lingen ai nemenem?”

Taniel 4:36

Lon ewe otun lupwen üa miritsefäl, a pwal torisefäliei iteüöchi me itetekiai me lingen mwüi. Iwe, nei kewe souemwen me samol ra tipenisefäliei, üa pwal tosefälilong lon wisei wisen king, nge ai nemenem a chök lapala.

Taniel 5:18

Ai king, ewe Kot mi Fokun Tekia a ngeni Nepukatnesar semom we mwün me nemenem, pwal iteüöch me ling.

Mateus 4:8

Mürin ewe Tefil a pwal panatä Jesus won eu chuk mi fokun tekia o aküna ngeni mwün fanüfan meinisin me linger.

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

Nöün Paulus Toropwe ngeni ekewe Souläng lon Rom 9:23

A pwal mochen pwärala an ling mi lapalap, a torikich, kich chokewe a ümöümöch ngeni, o a amolakich pwe sipwe angei an we ling.

Efisos 1:18

Üa tüngor pwe mesen letipemi epwe nennela pwe oupwe küna an saram, pwe oupwe silei usun ewe apilükülüköch i a köri ngenikemi, pwal usun watten ekewe feiöch mi amwarar i a pwon ngeni ekewe chon pin,

Kolose 1:27

Kot a mochen pwe epwe pwäri ngeniir an we monomon mi aüchea o ling a amolätä fän iten aramas meinisin. Iei ewe monomon pwe Kraist a nonom lomi, i ach apilükülük pwe sipwe eti lon an ling.

Pwärätä 4:11

“Ach Samol me ach Kot, en ka fich ngeni om kopwe angei ling me iteüöch me manaman. Pun ka föri mettoch meinisin, nge ren letipom ra fis o manau.”