Ester 1:3 - Chuukese Bible

³ Iwe, lon aülüngatin ierin an nemenem a föri eu kametip fän iten nöün kewe samol me nöün kewe nöüwis meinisin. Iwe, ekewe samolun sounfiun Persia me Metia, pwal ekewe aramas tekia me kepinan ekewe sop ra nom ren.

Ester 1:3 Iomraidhean Croise

Keneses 40:20

Iwe, ülüngat rän mürin, a fis ränin uputiuen Farao. Iwe, a föri eu kametip mi watte fän iten nöün kewe nöüwis meinisin o echimwätä möküren ewe meilapen chon amolätä ünüman pwal möküren ewe meilapen chon umuni anan pilawa.

1. King 3:15

Iwe, Salomon a nela o mefi pwe Kot a fos ngeni lon an tan. Mürin, a feila Jerusalem, a ütä me mwen än ewe Samol mi Lapalap we pworofel o eäni asoren kek me asoren kinamwe ngeni. Mürin a föri eu kametip fän iten nöün kewe nöüwis meinisin.

Esra 1:2

“Iei aloi ngang Sirus ewe kingen Persia: Ewe Samol mi Lapalap, ewe Koten läng, a ngeniei ekewe mwün fanüfan meinisin. Iwe, a filiei pwe üpwe aüetä eu imwenfel fän itan me lon Jerusalem lon ewe fanü Juta.

Ester 1:14

Ikkei ir ekewe mwän mi nom ren ewe king: Karsina, Setar, Atmata, Tarsis, Meres, Marsena me Memukan. Ir ekewe füman nöüwisen Persia me Metia mi tongeni churi ewe king iteiten fansoun o wiseni wis tekia lon mwün.

Ester 1:4

Lon ükükün ipükü walik rän king Asuworos a aiti ngeniir wöün mwün mi watte, pwal chomong sokun pisekin king mi amwarar o ling.

Ester 2:18

Mürin, ewe king a föri eu kametip mi watte ngeni ekewe samol me nöün kewe nöüwis fän iten Ester. Iwe, ewe king a pwal asilefeili eu ränin asösö lon ekewe fanü meinisin o fangala chomong lifang, usun a fichiti eman king.

Ester 3:7

Iwe, lon engol me ruuen ierin än ewe king Asuworos nemenem, lon ewe aeuin maram itan Nisan, Haman a allük pwe repwe pweei meni rän ika meni maram epwe öch fän iten an we ekiek. Iwe, a pwä pwe ewe engol me ülüngatin rän lon engol me ruuen maram itan Atar a öch. Iten ei sokun pwee Pur.

Aisea 21:2

A wor künaei mi fokun amairü. Ewe chon solä a solä, nge ewe chon kata a atai. Ämi sounfiun Elam, oupwe maun, ämi sounfiun Metia, oupwe pwelifeili ekewe telinimw fän pisekin maun. Pun Kot epwe aükätiu ekewe riaföü meinisin ra pop seni Papilon.

Jeremaia 51:11

Ewe Samol mi Lapalap a äpwächa ekewe kingen Metia, pun a ekiekietä pwe epwe ataela Papilon. Iei usun ewe Samol mi Lapalap epwe ngeniir chappen ar ataela imwan imwenfel. Oupwe seimi nöümi föün esefich o amolätä ämi kewe tittin maun.

Taniel 5:1

Lon eu pwin ewe king Pelsasar a föri eu kametip mi lapalap fän iten nöün kewe engeröü samol. Iwe ra fokun ünüfengen wain.

Taniel 5:28

Peres wewen mwum epwe kinikinfesen, nge chon Metia me chon Persia repwe mwüni.”

Taniel 6:1

Iwe, Tarius a ekieki pwe epwe öch an epwe awisa ipükü rüe kepina, pwe repwe nemenem lon unusen mwün.

Taniel 8:20

Wewen ewe ätemwänin sip ka küna fän ruofoch mächän ekewe kingen mwün Metia me Persia.

Markus 6:21

Nge feilfeil a tori eu fansoun mi fich pwe än Herotias ekiek epwele pwönüetä. Ei a fis lon ränin uputiuen Herotes, lupwen a föri eu kametip fän iten nöün kewe nöüwis, nöün kewe meilapen sounfiu me ekewe aramas tekia lon Kalilea.