Ester 1:13 - Chuukese Bible

¹³ Iei örünien ewe king pwe epwe angei öüröüran seni ekewe mi silelap allük me pwüng. Iei mine a körato ekewe sousile allük o aisiniir mine epwe föri.

Ester 1:13 Iomraidhean Croise

1. Kronika 12:32

Seni ewe ainangen Isakar ükükün rüepükü samol me märärir meinisin mi nom fän nemenier. Ekei mwän ra weweiti fansoun o silei mine chon Israel repwe föri.

1. Kronika 12:33

Seni ewe ainangen Sepulon ükükün limengeröü sounfiu mi sipeöch le maun, a wor ar sokopaten pisekin maun, pwe repwe alisi Tafit fän allükülük.

Ester 1:12

Nge lupwen ekewe chon angang ra asile ngeni kiwiin Fasti än ewe king we allük, neminei esap mochen. Ren ei ewe king a wesewesen lingeringer o fokun song.

Jeremaia 10:7

Ifa usun, iö esap meninituk, en ewe kingen ekewe mwü? A pwüng ngonuk pwe aramas repwe meninituk. Esap wor eman me lein ekewe mi tipachem meinisin me lon ekewe mwü ika me lein ar kewe king a wewe ngonuk.

Taniel 2:12

Iei popun ewe king a fokun song o lingeringer, a pwal allük pwe ekewe soutipachem meinisin lon Papilon repwe ninnila.

Taniel 2:2

Iei mine ewe king a titi ekewe soutipachem me sourong, pwal ekewe soupwe me souürür, pwe repwe feito o awewe ngeni an kewe tan. Iwe, ra tolong o ütä fän mesen ewe king.

Taniel 2:27

Nge Taniel a pälüeni ewe king, “Esap wor eman soutipachem me sourong ika soupwe me souürür epwe tongeni pwäri ngonuk en king ewe monomon ka mochen silei.

Taniel 5:7

Iwe, ewe king a kökkö fän leüömong pwe repwe emwenato ekewe sourong, ekewe souürür me ekewe soupwe. Nge lupwen ra feito, ewe king a üreniir, “Iö leimi epwe tongeni aleani ei mak o awewe ngeniei wewen, üpwe fang ngeni üfen king mi parochol, epwe pwal mwärini epa mwärämwär seni kolt fän üan. Iwe, epwe nampa ülüngat le nemenem lon mwüi.”

Mateus 16:3

Nge lesosorusich oua apasa, ‘Epwe räningau, pun a par o roch fän läng.’ Oua tongeni osuni usun ränöch me räningau ren ämi nenengeni fän läng, nge ousap tongeni awewei ekewe asisilen fansoun ikenai!

Mateus 2:1

Iwe, Jesus a uputiu lon Petleem lon ewe fanü Jutea lon mwün ewe king Herotes. Mürin ekis fansoun, ekoch mwän mi silelapei pekin kaiö ngeni fü seni fanüen ötiu ra feito Jerusalem.