Ester 1:12 - Chuukese Bible

¹² Nge lupwen ekewe chon angang ra asile ngeni kiwiin Fasti än ewe king we allük, neminei esap mochen. Ren ei ewe king a wesewesen lingeringer o fokun song.

Ester 1:12 Iomraidhean Croise

Keneses 3:16

Iwe, Kot a üreni ewe fefin, “Üpwe fokun alapala weiresin om pwopwo. Fän cheuch kopwe nöünöü. Kopwe tipeni pwülüom we, nge i epwe nemenuk.”

Ester 1:11

pwe repwe emwenato ren kiwiin Fasti fän mwärin mwärin kiwiin, pun a mochen einga ngeni ekewe aramas me ekewe nöüwis liöchün ewe kiwiin, pokiten a fokun liöch.

Ester 1:13

Iei örünien ewe king pwe epwe angei öüröüran seni ekewe mi silelap allük me pwüng. Iei mine a körato ekewe sousile allük o aisiniir mine epwe föri.

Ester 7:7

Iwe, ewe king a ütä me lon ewe kametip fän an lingeringer o towu lükün lon ewe lenien irä mi amassawa. Nge Haman a nometiu pwe epwe tüngor manauan seni kiwiin Ester, pun a mefi pwe feiengau epwe tori me ren ewe king.

Kölfel 74:1

Ai Samol mi Lapalap, pwota ka pöütikeemila tori feilfeilachök? Pwota ka chök sosong ngeni noum kewe aramas?

Kölfel 79:5

Ai Samol mi Lapalap, ifa ükükün fansoun om kopwe song ngenikem? Epwe tori feilfeilachök? Ifa usun, om lingeringeritikem epwe chök ngetenget usun ekkei?

Ekistos 32:19

Iwe, lupwen Moses a arap ngeni lenien ekewe chon Israel, a küna ewe uluulun kow me ekewe aramas ra pworuk ünükün. Mürin, Moses a fokun lingeringer, pwe a aturätiu me lepöün ekewe rüepek fau o amökküür me fäsonun ewe chuk.

Ekistos 32:22

Nge Aaron a üreni, “Ai samol, kosap fokun song ngeniei. Ka püsin silei usun ekei aramas, pwe ra müttir ngeni le föri mine a ngau.

Än Salomon Fos 19:12

Än eman king lingeringer a usun chök wörüwörün eman laion, nge an ümöümöch a usun chök amurenipwin won ekewe fetil.

Än Salomon Fos 20:2

Än eman king lingeringer a usun chök wörüwörün eman laion, nge eman mi asonga a püsin afeiengaua manauan.

Taniel 2:12

Iei popun ewe king a fokun song o lingeringer, a pwal allük pwe ekewe soutipachem meinisin lon Papilon repwe ninnila.

Taniel 3:13

Mürin, Nepukatnesar a fokun lingeringer o allük pwe repwe emwenato Satrak, Mesak me Apetneko. Iwe, ra emwenireto fän mesen ewe king.

Taniel 3:19

Mürin, Nepukatnesar a fokun lingeringeriti Satrak, Mesak me Apetneko, pwe a wowongau ngeniir. Iwe, a allük pwe repwe sonisefäli ewe ekkei, pwe pwichikaran epwe tori fän fisu seni me mwan.

Nahum 1:6

Iö a tongeni ütä me mwen an song? Iö a tongeni nom fän watten an song? An lingeringer a kü usun ekkei, nge ekewe achau ra mökküfesen me mwan.

Efisos 5:22

Ämi fefin kana, oupwe aleasochisi pwülüemi usun chök ämi oupwe aleasochisi ach Samol.

Efisos 5:24

Iei usun chök pwal ekewe fefin repwe fokun aleasochisi pwülüer kewe lon mettoch meinisin usun chök mwichefel a aleasochisi Kraist.

Tuteronomi 29:20

Iwe, ewe Samol mi Lapalap esap amusala än ätewe tipis. An song me an lukomong epwe küw ewe mwän, nge ekewe anümamau meinisin ra mak lon ei puk repwe nonom won, tori ewe Samol mi Lapalap epwe amoola itan seni won fanüfan.

1. Petrus 3:1

Pwal ina usun ämi fefin kana, oupwe fokun aleasochisi pwülüemi kana, pun ika ekoch me leir resap lükü än Kot kapas, repwe tongeni lükü Jesus ren ämi föför. Ousap wisen apasatä och kapas,