Ester 1:1 - Chuukese Bible

¹ Ei pworaus a fis lon ränin manauen Asuworos, i ewe Asuworos mi nemeni ipükü rüe me fisu sop seni Intia tori Itiopia.

Ester 1:1 Iomraidhean Croise

Esra 4:6

Iwe, lon mwün Asuworos, lepoputän an nemenem, ekewe chon oputa chon Juta me Jerusalem ra makei echö toropwen atipisiir.

Ester 10:1

Iwe, king Asuworos a allük pwe aramasen lon unusen mwün pwal chon ekewe fanüen lematau repwe takises ngeni.

Ester 2:3

Kopwe pwal afili nöüwis me lon ekewe sop meinisin mi nom fän nemeniom, pwe repwe achufengeni föpwül meinisin mi fokun liöch resamwo pwüpwülü lon ewe imwen fefin mi nom lon Susa samolun telinimwen ewe fanü. Iwe, repwe nonom fän tümwünüen Hekai nöün ewe king we chon angang mi wisen tümwünü pwülüen ewe king. Iwe, repwe föri ewe angangen epit ngeniir.

Ester 8:9

Iwe, lon rüe me ülüngatin ränin ewe aülüngatin maram a iteni Siwan ra körifengeni nöün ewe king soumak, pwe repwe makei meinisin mine Mortokai epwe allük ngeniir usun mine epwe öchiti ekewe chon Juta. Iwe, ra makei ewe allük ngeni ekewe nöüwis mi tekia me ekewe kepina, pwal samolun ekewe ipükü rüe me fisu sop seni Intia tori Itiopia. Ra makei lon en me maken fanüan me fosun fanüan, ra pwal mak ngeni ekewe chon Juta lon maken fanüer me fosun fanüer.

Ester 9:30

Iwe, ra tinala ekewe toropwe ren ekewe chon Juta meinisin ra nom lon ekewe ipükü rüe me fisu sop mi nom fän nemenien Asuworos. Nge lon ekewe toropwe a mak kapasen kinamwe me allükülük.

Aisea 18:1

A wor eu fanü ia a fis ie mwaataaten chomong pöükäs, a nom pekilan ekewe chanpupun Itiopia.

Aisea 37:9

Iwe, eu pworaus a tori ewe kingen Asiria, pwe Tirhaka eman re Itiopia ewe kingen Isip a amolätä an epwe maun ngeni. Nge lupwen a rong ei pworaus, a tinala chon künö ren Hiskia fän echö toropwe.

Taniel 11:2

Iwe, ewe chon läng a üra, “Iei üpwe aiti ngonuk mine a let. Nengeni, pwal ülüman king repwe nemenem lon Persia. Nge ewe afömanün epwe fokun pisekisek seniir meinisin. Iwe, lupwen epwe watte an pöchökül ren an pisekisek, epwe amwökütü mwü meinisin, pwe repwe maun ngeni ewe mwün Kris.

Taniel 6:1

Iwe, Tarius a ekieki pwe epwe öch an epwe awisa ipükü rüe kepina, pwe repwe nemenem lon unusen mwün.

Taniel 9:1

Iwe, Tarius nöün Asuworos ewe re Metia a kingen mwün Papilon.