Apakuk 3:8 - Chuukese Bible

⁸ Ai Samol mi Lapalap, ifa usun, ka song ngeni ekewe chanpupu, ika ka lingeringeriti ewe matau? Ka sä won ekewe kuchu, ekewe kuchun asepwäl womw woken, lupwen ka atoto win ngeni noum aramas.

Apakuk 3:8 Iomraidhean Croise

Kölfel 104:3

o aüetä imwom won ekewe koluk. Ka föri ekewe kuchu pwe woom woken, o sai won pöükässin asepwäl.

Kölfel 114:3

Ewe matau a küna mine a fis o süla, ewe chanpupu Jortan a üla.

Kölfel 114:5

Met o sät, pwota ka sü? Met o chanpupu Jortan, pwota ka üla?

Kölfel 18:10

A wawa eman kerop o äs, a müttir feito won pöükässin asepwäl.

Kölfel 45:4

Fän om manaman kopwe fetal ngeni win pwe kopwe peni let, tipefesir me pwüng. Ren om pöchökül kopwe föri föför mi amwarar.

Kölfel 68:17

Ewe Samol a feito seni ewe chuk Sinai ngeni ewe leni mi pin fiti ngeröün wan woken mi pöchökül.

Kölfel 68:4

Oupwe köl ngeni Kot, oupwe kölün mwareiti itan. Oupwe chietä echö köl ngeni ewe mi wawa ekewe kuchu, itan ewe Samol mi Lapalap. Oupwe mwänek me fän mesan.

Kölfel 77:16

Ai Kot, lupwen ekewe koluk ra künok, ra niuokus, nge epin ewe matau a chechech.

Ekistos 14:16

Iwe, en kopwe aitietä wokum o aitiela poum won ewe sät pwe kopwe kinifeseni, pwe ekewe aramasen Israel repwe fetal won pwasapwas epin ewe sät.

Ekistos 7:19

Iwe, ewe Samol mi Lapalap a üreni Moses, “Kopwe kapas ngeni Aaron pwe epwe angei wokun o aitiela pöün won kolukun Isip meinisin, won ekewe chanpupu me warawaren koluk, won ekewe nasen koluk me ekewe pwangen koluk meinisin, pwe repwe wiliti cha. Iwe, epwe chök cha won unusen ewe fanü Isip, pwal lon mwo nge sepi mi för seni mwüch me fau.”

Ekistos 7:20

Iwe, Moses me Aaron ra föri meinisin mine ewe Samol mi Lapalap a allük ngeniir. Aaron a aitiela wokun o wichi kolukun lon ewe chanpupu Nil, pwe kolukun meinisin a wiliti cha. Ei a föri me fän mesen Farao me nöün kewe nöüwis.

Aisea 19:1

Iei än Kot kapas usun Isip: Ewe Samol mi Lapalap a wawa eu kuchu mi müttir le äs, pwe epwe tori Isip. Iwe, ekewe anümwälin Isip repwe chechech me mwan, nge letipen chon Isip epwe kisikisila.

Aisea 50:2

Pwota esap wor eman a nom, lupwen üa feito? Pwota esap wor eman a päpälü, lupwen üa kökkö? Ifa usun, pei a mochomoch pwe üsap tongeni amanauakemi? Ifa usun, esap wor ai tufich pwe üpwe tongeni angasakemi? Üa apwasatä matau ren ai kapasen fön, üa pwal awili chanpupu ngeni fanüapö, pwe ikenen lon ra mäla o pwongau pokiten esap wor koluk.

Aisea 66:15

Nengeni, ewe Samol mi Lapalap epwe feito lon ekkei won wan woken mi usun chök mölümöl. Epwe apwönüetä an song mi fokun pöchökül me an apwüng mi usun chök pulopulen ekkei.

Nahum 1:4

A apwüngü ewe matau o apwasapwasatä, a akotätä ekewe chanpupu meinisin. Ekewe tanipi lon Pasan ra aiolol, irän won ewe chuk Karmel ra oleol lechör, nge ekewe pön irän Lepanon ra aiemämä.

Apakuk 3:15

Ka purätiu ewe matau fän noum kewe oris, iei mine ewe sät a puropur.

Markus 4:39

Iwe, Jesus a ütä o kapas ngeni ewe asepwäl, “Kopwe manasösötiu!” A pwal üreni ekewe no, “Oupwe lüala.” Iwe, ewe asepwäl a söötiu, a pwal fokun lüala won matau.

Pwärätä 16:12

Mürin ewe awonomanün chon läng a ninätiu masouen sepian we lon ewe chanpupu Oifrat mi fokun watte. Iwe, ewe kolukun lon a pwasetä, pwe epwe fis efoch al fän iten ekewe king repwe feito seni ötiu.

Pwärätä 19:11

Mürin üa küna pwe läng a suk, iwe, a wor eman oris mi pwechepwech. Ewe chon wawa a iteni Allükülük me Let, a eäni kapüng fän wenechar o maun fän pwüng.

Pwärätä 19:14

Iwe, ekewe mwichen sounfiu seni läng ra tapwela mürin, ra wawa oris mi pwechepwech, ra pwal üföüf üf mi limöch o pwechepwech.

Pwärätä 6:2

Iwe, üa nenengeni o üa küna eman oris mi pwechepwech, nge ewe mi mot won a amwöchü efoch likapich, a pwal angei epa mwärämwär. Iwe, a feila, a pwora o win.