Apakuk 3:2 - Chuukese Bible

² Ai Samol mi Lapalap, üa rongorong pworausen mine ka föri, iwe, üa niuokus ren. Ai Samol mi Lapalap, kopwe försefäli om kewe föför mi amwarar lon äm ei fansoun, usun ka föri me lom. Lon om lingeringer kopwe pwal eäni ümöümöch.

Apakuk 3:2 Iomraidhean Croise

Esra 9:8

Nge iei, en Samol mi Lapalap äm Kot, ka ümöümöch ngenikem eu fansoun mochomoch ren om mwüt ngenikem äm ekoch mi chüen manau pwe aipwe liwinto seni äm oola o nonom lon ei leni mi pin fän kinamwe. Ren ei, ka awora ngenikem pöchökül o mwüt ngenikem pwe aipwe ekis ngasala seni än aramas nöünikem amanau.

Hiop 42:5

Me mwan üa rong usum ren selingei, nge iei üa nenengenuk ren mesei.

Kölfel 119:120

Inisi a chechech ren ai niueituk. Üa niuokus ren om kewe kapwüng.

Kölfel 25:6

Ai Samol mi Lapalap, kopwe chechemeni om ümöümöch me om tong ellet, ka pwärätä seni chök lomlom.

Kölfel 38:1

Ai Samol mi Lapalap, kosap apwüngüei lon om song, kosap pwal ninniei lon om lingeringer.

Kölfel 44:1

Ai Kot, äm aia rongorong ren püsin selingem, pun äm kewe lewo ra apworausa ngenikem usun om kewe föför ka föriir lon ränin manauer, lon ekewe fansoun lom.

Kölfel 71:20

En ewe mi öküna ngeniei chomong weires me riaföü, kopwe pwal apöchökülasefäliei, kopwe uweesefälieitä seni epin fanüfan.

Kölfel 78:38

Nge Kot a tongeer, a amusala ar tipis, esap pwal aroserela, Fän chomong a amwöchü an song, nge esap amüchawu an lingeringer ngeniir.

Kölfel 85:6

Kose mochen kopwe amanauasefälikem, pwe äm noum kewe aramas aipwe mwareituk.

Aisea 53:1

Nge iö a lükü ewe pworaus sa aronga? Iö a tongeni küna angangen pöün ewe Samol mi Lapalap?

Aisea 54:8

Lon watten ai song üa aopa senuk won mesei fansoun mochomoch, nge ren ümöümöch esemüch üpwe tongeäsinuk.’ Iei alon ewe Samol mi Lapalap om Chon Amanau.

Aisea 63:15

Äm Samol mi Lapalap, kopwe netiu me läng seni leniom mi pin o ling. Ia a nom ie om tiliken me om manaman? Tipepweteten letipom me om tong resap chüen torikem.

Aisea 66:2

Pun pei a föri ekei mettoch meinisin, iei mine ir meinisin nemeniei.” Pwal iei alon ewe Samol mi Lapalap, “Ngang üpwe chök aücheani eman aramas mi tipetekison o luketatakis, pwal eman mi niuokusiti ai kapas o aleasochis ngeni.

Jeremaia 10:24

Ai Samol mi Lapalap, kopwe apwüngüei fän aüküköch, nge kosap apwüngüei fän om song, pwe ete much manauei.

Jeremaia 10:7

Ifa usun, iö esap meninituk, en ewe kingen ekewe mwü? A pwüng ngonuk pwe aramas repwe meninituk. Esap wor eman me lein ekewe mi tipachem meinisin me lon ekewe mwü ika me lein ar kewe king a wewe ngonuk.

Jeremaia 29:10

Pun iei alon ewe Samol mi Lapalap, ‘Are a wes ekewe fik ier fän iten Papilon, ngang üpwe ämwakemi. Üpwe apwönüetä ai pwon ngenikemi o aliwinikemi ngeni ei leni.

Jeremaia 46:28

Ämi mwirimwirin Jakop nei we chon angang, ousap niuokus, pun ngang üpwe etikemi. Üpwe arosala chon ekewe mwü ia üa asükemiila ie, nge ämi üsap arosakemiila. Üsap tongeni likiti ai üpwe etikemi. Üpwe apwüngükemi fän aüküköch. Ngang ewe Samol mi Lapalap üa kapas.”

Kölün kechü 3:32

Inamwo are a atoto riaföü, nge epwe eäni ümöümöch lon an tong ellet mi fokun lapalap.

Taniel 8:17

Mürin Kapriel a feito o ütä ünüki. Nge ngang üa fokun niuokus pwe üa chapetiu lepwül. Iwe, a üreniei, “Nöün aramas, kopwe weweiti pwe künaom we a pwärätä usun mine epwe fis lesopolan.”

Taniel 9:2

Lon aeuin ierin mwün ngang Taniel üa aleani me lon puk usun mine ewe Samol mi Lapalap a aiti ngeni ewe soufos Jeremaia, pwe Jerusalem epwe tala lon ükükün fik ier.

Apakuk 3:1

Iei än ewe soufos Apakuk iotek:

Apakuk 3:16

Üa rongorong usun ekei mettoch, inisi a chechech o awei a sälepwelep ren ai niuokus. Chüi ra kiroula, nge pechei ra täpäp. Üpwe witiwit fän mosonoson fän iten ewe ränin riaföü epwe feito won ekewe aramas mi mauneekem.

Sekaraia 1:12

Mürin, nöün ewe Samol mi Lapalap we chon läng a üra, ‘Ai Samol mi Unusen Manaman, inet kopwe eäni ümöümöch ngeni Jerusalem me ekewe telinimwen Juta, pun ka song ngeniir lon ekei fik ier?’

Johannes 10:10

Eman chon solä a chök feito pwe epwe sosolä me ninni me akkatai. Ngang üa feito pwe oupwe eäni manau, iei ewe manau mi somwola.

Nöün Paulus Toropwe ngeni ekewe Souläng lon Rom 10:16

Nge sap aramas meinisin ra etiwa ewe Pworausen Manau. Aisea a püsin apasa, “Ai Samol, iö a lükü ewe kapas sia aronga?”

Filipi 1:6

Üa fokun lükü, pwe Kot ewe mi popuetä lomi ei angang mi mürina epwe pwal sopwela tori an epwe wesöchüela lon ewe Ränin än Kraist Jesus epwe liwinsefälito.

Ipru 11:7

Ren än Noa lükü, a rongorong än Kot kapasen fön usun ekewe mettoch repwe fis lon ekewe fansoun repwe feito, nge esamwo tongeni küna. A aleasochisi Kot o föri efoch waimw ia i me chon an famili ra tongeni manau ie. Ren an lükü a pwä pwe fanüfan a tipis. Nge Noa a angei ewe sokun pwüng me ren Kot pokiten an lükü.

Ipru 12:21

Mine ekewe aramas ra küna a fokun eniweniw, pwe Moses a apasa, “Ngang üa chechech ren ai niuokus.”

Pwärätä 15:4

Iö esap niuokusituk o alinga itom, en äm Samol? Pun en chök ka pin. Chon ekewe mwü meinisin repwe feito o fel ngonuk, pun om kewe föför mi pwüng ra pwäpwäla ngeni aramas meinisin.”