Apakuk 3:18 - Chuukese Bible

¹⁸ nge ngang üpwe chök meseik ren ewe Samol mi Lapalap, üpwe pwapwa ren Kot ai Chon Amanau.

Apakuk 3:18 Iomraidhean Croise

2. Samuel 6:15

Iei usun Tafit me chon Israel meinisin ra uwala än ewe Samol mi Lapalap we pworofel fän mweireir me tikin rappwa.

Hiop 13:15

Inamwo ika Kot epwe nieila, üpwe chök anomu ai apilükülük won. Nge üpwe fokun alletätä ai kewe föför me fän mesan.

Kölfel 104:34

Amwo ai ekinlon epwe apwapwai letipen ewe Samol mi Lapalap, pun üa meseikeiti i.

Kölfel 149:2

Chon Israel repwe pwapwa ren ewe chon föriir. Ekewe aramasen Sion repwe mwänek ren ar king.

Kölfel 25:5

Kopwe emweniei lon om let o aiöüei, pun en ewe Kot mi amanauaei, üa apilükülükuk fansoun meinisin.

Kölfel 27:1

Ewe Samol mi Lapalap i ai saram me ai Chon Amanau. Üsap niueiti eman. Ewe Samol mi Lapalap a tümwünüei seni feiengau, üsap fokun niuokus.

Kölfel 33:1

Ämi chon pwüng, oupwe köl fän pwapwa ngeni ewe Samol mi Lapalap, A fich ngeni chon wenechar pwe repwe mwareiti i.

Kölfel 85:6

Kose mochen kopwe amanauasefälikem, pwe äm noum kewe aramas aipwe mwareituk.

Kölfel 97:12

Oupwe kilisou ngeni o mwareiti itan mi pin.

Ekistos 15:1

Mürin, Moses me ekewe aramasen Israel ra köl ei köl ngeni ewe Samol mi Lapalap, “Üpwe köl ngeni ewe Samol mi Lapalap, pun an win a fokun amwarar. A aturalong lon ewe sät ewe oris me ewe mi wisen wawa.

Ekistos 15:2

Ewe Samol mi Laplap ai pöchökül me ai köl, i a amanauaei. I ai Kot, üpwe mwareiti, i än semelapei we Kot, üpwe alinga.

Aisea 12:2

Ellet, Kot ai Chon Amanau. Üa lükü, nge üsap niuokus. Kot ewe Samol mi Lapalap a ngeniei pöchökül me manaman. Ewer, i ai Chon Amanau.”

Aisea 25:9

Iwe, lon ena rän aramas repwe apasa, “Ellet, iei i ach Kot sa anomu ach lükülük won pwe epwe amanauakich, iei i ewe Samol mi Lapalap sa anomu ach apilükülük won. Ousipwe pwapwa o mwänek ren an amanauakich.”

Aisea 41:16

Iwe, kopwe söfölüretä pwe asepwäl epwe ässirela, nge mölümöl epwe atoropaseer. Nge en kopwe pwapwa rei, pun ngang om Samol mi Lapalap, kopwe pwal mwareitiei ngang Ewe mi Pin lon Israel.

Aisea 61:10

Üpwe fokun pwapwa ren ewe Samol mi Lapalap, ngüni epwe mwänek ren ai Kot. Pun a aüföüfa ngeniei manau, a pwal pwilitalong woi pwüng pwe ina üfei. Üa wewe ngeni eman mwän apwüpwülü söfö, a foutei ngeni foutan, üa pwal wewe ngeni eman fin apwüpwülü söfö, a mwärämwär mwärin fau aüchea.

Sowel 2:23

Oupwe mwänek, ämi aramasen Sion, oupwe pwapwa ren mine ewe Samol mi Lapalap ämi we Kot a föri. A fang ngenikemi üttomong o apüngätiu womi ütten lefen me ütten leres usun chök me mwan.

Mika 7:7

Nge ngang üpwe neta ngeni ewe Samol mi Lapalap. Üpwe ösüküsükü Kot ai we Chon Amanau. Ai Kot epwe aüselingaei.

Sekaraia 10:7

Mürin, chon Israel repwe usun chök sounfiu mi pöchökül, repwe pwapwa usun aramas mi ün wain. Nöür kewe repwe küna ei o meseik, repwe ingemwareitiei ngang ewe Samol mi Lapalap.

Lukas 2:30

Pun üa küna ren mesei om angangen amanau,

Tuteronomi 12:18

Nge oupwe mongö ekei asor fän mesen ewe Samol mi Lapalap ämi we Kot lon ewe leni a filätä, ämi me nöümi mwän me nöümi fefin, nöümi chon angang mwän me chon angang fefin, pwal ekewe mwän seni ewe ainangen Lefi mi nom lon ämi kewe telinimw. Iwe, oupwe pwapwa fän mesen ewe Samol mi Lapalap ämi we Kot ren meinisin mine oua föri.

Filipi 4:4

Oupwe pwapwa lon ach Samol fansoun meinisin, üpwe apasasefäli: Oupwe pwapwa!

James 1:2

Ämi pwii kana, oupwe fokun ekiekin pwapwa lupwen oupwe tolong lon sokopaten sosot,

1. Petrus 1:8

Ämi oua echeni Jesus, inamwo ika ousap fen küna i, oua lükü i, inamwo ika ousap küna i iei. Iei mine oua fokun pwapwa, ren sokun pwapwa esap naf lon ach kapas ach sipwe pwärätä, pun pwapwa mi ling,

1. Samuel 2:1

Iwe, Hana a pwal iotek o apasa, “Üa pwapwa lon lelukei ren ewe Samol mi Lapalap, üa chimwetä ren ewe Samol mi Lapalap. Üa ämängaua chon oputaei, pun üa pwapwa ren an angasaei.