Apakuk 3:13 - Chuukese Bible

¹³ Ka feito pwe kopwe amanaua noum aramas, pwe kopwe amanaua noum we king mi kepit. Nge ka atatakisi ewe souemwenin ewe mwichen aramasangau o arosala chokewe meinisin mi tapwela mürin.

Apakuk 3:13 Iomraidhean Croise

2. Samuel 5:20

Iei mine Tafit a feila Paal-perasim o akufu ekewe chon Filistia me ikenan. Iwe, Tafit a apasa, “Ewe Samol mi Lapalap a küütalong ekewe tettelin sounfiu mi oputaei usun puun eu chanpupu a pwangenalong ewe fanü ünükün.” Iei mine ewe leni a iteni Paal-perasim.

Kölfel 105:15

o apasa, “Ousap atapa nei kewe mi fil, ousap afeiengaua nei kewe soufos.”

Kölfel 105:26

Mürin, Kot a tinala Moses nöün we chon angang me Aaron ätewe i a filätä.

Kölfel 110:6

Epwe eäni kapwüng won chon ekewe mwü. Epwe aura ewe lenien maun ren somä o akufu ekewe king won unusen fanüfan.

Kölfel 137:7

Ai Samol mi Lapalap, kopwe chechemeni mine ekewe chon Etom ra föri lon ewe ränin Jerusalem a tala. Kopwe chechemeni usun ar apasa, “Ataela, ataela, aturätiu tori longolongun fan.”

Kölfel 20:6

Iei üa silei pwe ewe Samol mi Lapalap a alisi nöün we king mi kepit, a pälüeni an tüngor seni an we läng mi pin o awinna ren win mi lapalap ren an manaman.

Kölfel 28:8

Ewe Samol mi Lapalap i än nöün aramas pöchökül. I ewe lenien op mi allükülük fän iten nöün we mi kepit ewe king.

Kölfel 68:7

Ai Kot, lupwen ka akom mwen noum aramas, lupwen ka pwerela lon ewe fanüapö,

Kölfel 77:20

Ka emweni noum aramas ren Moses me Aaron usun eman chon mas a emweni eu pwiin sip.

Kölfel 99:6

Iwe, Moses me Aaron ra nom lein nöün kewe souasor, pwal Samuel a nom lein chokewe mi köri itan. Ra iotek ngeni ewe Samol mi Lapalap, nge i a pälüeniir.

Aisea 63:11

Mürin nöün aramas ra chechemeni ewe fansoun lom, ekewe ränin manauen Moses nöün Kot we chon angang. Iwe, ra ais, “Ia a nom ie ewe Samol mi Lapalap, a emwenawu ekewe chon masen nöün mwichen aramas me lon ewe matau? Ia a nom ie ewe Kot a tinato Ngünün mi pin pwe epwe nonom lein nöün aramas,

Aisea 64:1

Amwo kopwe kamwefeseni läng o feitiu rem. Ekewe chuk repwe chechech me mwom,

Isikiel 13:14

Iwe, üpwe atai ewe tit oua apwecha, üpwe pwal aturala won pwül pwe epwe pwä longolongun. Iwe, lupwen epwe turula, oupwe mäla fan. Mürin oupwe silei pwe ngang ewe Samol mi Lapalap.

Amos 9:1

Iwe, üa küna ewe Samol a ütä arun ewe rongen asor, nge a üra, “Kopwe wichi letonen üren ewe imwenfel fän pöchökül, pwe longolongun we epwe chechech. Kopwe atatakisiretiu o atururetiu won möküren ekewe aramas meinisin. Nge ekewe mi chüen manau üpwe nirela lon maun. Esap fokun wor eman leir epwe tongeni süla, esap fokun wor eman epwe tongeni tiwewu.

Josua 10:11

Iwe, lupwen ra sü me mwen ekewe chon Israel o sütiu won ewe al ngeni Pet-horon tori Aseka, ewe Samol mi Lapalap a apüngätiu ütten fau mi watte wor seni läng, pwe ra mäla. Iwe, a wor chomong mi mäla pokiten ewe ütten fau, lap seni chokewe ekewe re Israel ra nirela ren ketilas.

Josua 10:24

Nge lupwen ra emwenireto ren, Josua a körato ekewe re Israel meinisin o üreni ekewe samolun sounfiu mi eti le maun, “Oupwe kanoto o ipwetä won üwen ekei king.” Mürin ra kanoto o ipwetä won üwer.

Josua 10:42

Iwe, Josua a liapeni ekei king meinisin me fanüer fän eu chök, pokiten ewe Samol mi Lapalap ewe Koten Israel a maun fän iten chon Israel.

Josua 11:12

Iwe, Josua a liapeni ekewe telinimw me ar kewe king meinisin, a niela aramasen lor o fokun aroserela, usun Moses nöün ewe Samol mi Lapalap we chon angang a fen allük.

Josua 11:8

Iwe, ewe Samol mi Lapalap a awinna chon Israel, pwe ra akufuur o tapweriir tori Sitonlap me Misrefot-maim, pwal tori ewe lemolun Mispa mi nom ötiu. Iwe, ra nirela meinisin tori esap chüen wor eman mi manau.