Apakuk 3:10 - Chuukese Bible

¹⁰ Ekewe chuk ra künok o chechech, üt a püngümongetiu seni läng. Ewe matau mi alolol a pwotä, nge nonoon kewe ra püngümong.

Apakuk 3:10 Iomraidhean Croise

Nehemia 9:11

Ka kinifeseni ewe matau me mwer pwe ra tongeni pwerelong lukalapan won pwasapwas, nge ka aturalong ekewe chon tapweriir le alololun ewe matau, usun eföü fau a turulong lon eu matau mi öütöüt.

Kölfel 104:32

Lupwen a netiu won fanüfan, fanüfan a chechech. Lupwen a atapa ekewe chuk, ra ötüöt.

Kölfel 148:7

Oupwe mwareiti ewe Samol mi Lapalap seni won fanüfan, ämi kewe mönün lematau mi fokun watte me ämi kewe leni mi alolol,

Kölfel 18:15

Mürin, epin matau a pwä, longolongun fanüfan a lingetä, lupwen ka apwüngü chon oputom o leüömong ngeniir fän om song, ai Samol mi Lapalap.

Kölfel 65:13

Ekewe maasies ra ur ren pwiin sip, nge ekewe lemol ra ur ren wiich. Aramas meinisin ra mweireir o kölfengen fän pwapwa.

Kölfel 66:6

A awili matau ngeni fanüpwas. Äm kewe lewo ra fetal lon ewe chanpupu won pecher. Ikenan äm aia pwapwa ren mine Kot a föri.

Kölfel 93:3

Ai Samol mi Lapalap, ekewe noon lematau ra tekiatä, ekewe no ra atekiatä ngüngür, ekewe no ra atekiatä püngüpüngür.

Aisea 43:20

Iwe, ekewe manmwacho repwe asamoluei, ekewe wolif me kawakaw repwe mwareitiei, lupwen üa apupuolong koluk lon fanüapö, pwal chanpupu lon fanüpwas, pwe nei kewe aramas üa filiir repwe ün.

Aisea 55:12

Iwe, oupwe towu seni Papilon fän pwapwa o feila fän kinamwe. Chukutekia me chukutekison repwe chietä köl me mwemi, nge irän lemäl meinisin repwe alopolop.

Jeremaia 4:24

Üa nengeni ekewe chuk o küna pwe ra chechech, ekewe chukutekison meinisin ra mwarorofeil.

Mika 1:4

Iwe, ekewe chuk repwe telila me fän pechen usun kiris a telila ren ekkei. Ekewe lemol repwe sangfesen usun ekewe pal ra sangfesen ren puun koluk.

Nahum 1:5

Ekewe chuk ra chechech me mwen ewe Samol mi Lapalap, nge ekewe chukutekison ra sönüla, fanüfan me meinisin mine a nom won ra chechech me fän mesan.

Apakuk 3:6

Lupwen Kot a ütä, fanüfan a chechech, lupwen a nenefetal, chon ekewe mwü ra chechech. Ekewe chuk mi nom seni chök lom ra tatakis, ekewe chukutekison minen lomlom ra kokotiu. An kewe al ra nom seni fansoun esepop.

Mateus 27:51

Lon ewe chök otun ewe chechen mangaku lon imwenfel a kam seni won tori fan, pwe a wor ruu kinikin. A fis chechen fanü, ekewe achau ra sangfesen

Mateus 8:24

A müttir fis eu mölümöl mi pöchökül lon ewe noom o ekewe no ra nulong leföön ewe wa, pwe a arapakan ngeni an epwe kokola. Nge Jesus a chök möür.

Ipru 11:29

Ren än ekewe chon Israel lükü, ra tolong o fetalela epek ewe Setipar usun chök ar fetal won fanü mi pwasapwas. Nge lupwen ekewe chon Isip ra sotuni ar repwe föri iei usun, ewe sät a amopuretiu.

Josua 4:18

Iwe, lupwen ekewe souasor mi mwärei än ewe Samol mi Lapalap we pworofel ra towu seni lukalapen ewe chanpupu Jortan o ipwetä won pwül mi pwasapwas, lölön ewe chanpupu a liwiniti lenian o urowu ünükün ekis meinisin usun mesemwan.

Pwärätä 16:12

Mürin ewe awonomanün chon läng a ninätiu masouen sepian we lon ewe chanpupu Oifrat mi fokun watte. Iwe, ewe kolukun lon a pwasetä, pwe epwe fis efoch al fän iten ekewe king repwe feito seni ötiu.

Pwärätä 20:11

Mürin üa küna eu lenien motun king mi watte o pwechepwech me ewe eman mi mot won. Fanüfan me läng ra süla seni mwen mesan, nge esap chüen wor leni fän iter.

Pwärätä 6:14

Läng a numufengen usun chök echö toropwe a numufengen o morola, nge ekewe chuk meinisin me ekewe fanüen leset ra mwöküt seni lenier.