Apakuk 2:4 - Chuukese Bible

⁴ Nengeni, ätewe a lamalamtekia, esap wenechar lelukan. Nge ekewe chon pwüng repwe manau ren ar lükü Kot.

Apakuk 2:4 Iomraidhean Croise

Kölfel 49:18

Inamwo are a ekieki pwe a feiöch lupwen an manau, pwal inamwo are aramas ra mwareiti i pokiten an pisekisekila,

Aisea 13:11

Iwe, ewe Samol mi Lapalap a apasa, “Üpwe apwüngü chon fanüfan pokiten ar föföringau, pwal ekewe aramasangau pokiten ar tipis. Üpwe aükätiu lamalamtekian ekewe chon tipetekia o atekisonätiu lamalamtekian chon kirikiringau.

Isikiel 18:9

A apwönüetä ai kewe allük o aleasochisiir fän allükülük. Ei sokun aramas a pwüng, epwe fokun manau,” iei alon Kot ewe Samol mi Lapalap.

Taniel 11:12

Iwe, ewe kingen Isip epwe lamalamtekia, pun a niela chomong ngeröün aramas, nge epwe chök win lon fansoun mochomoch.

Taniel 4:30

o apasa, “Sap iei Papilon ewe telinimw mi lapalap üa aüetä fän ai tufich me pöchökül pwe ai lenien king, epwe pwal alinga lingen ai nemenem?”

Taniel 4:37

Iei mine ngang Nepukatnesar üpwe mwareiti o asamolu ewe Kingen Läng, üpwe pwal alinga i. An föför ra let o pwüng, nge a atekisona chokewe mi eäni lamalamtekia.”

Lukas 18:14

Jesus a apasa, “Üpwe ürenikemi, ei chon ioni takises a küna pwüng fän mesen Kot lupwen a liwinla lon imwan, nge sap ewe Farisi. Pun iö a püsin atekiatä epwe küna tekison, nge iö a püsin atekisonatiu epwe küna tekia.”

Johannes 3:36

Iö a lükü ewe Nau a eäni manau esemüch. Iö a lükümach ngeni ewe Nau esap eäni ewe manau, pwe än Kot song a nonom won.

Nöün Paulus Toropwe ngeni ekewe Souläng lon Rom 1:17

Pun ewe Pworausen Manau a pwärätä usun än Kot akot fän iten än aramas repwe küna pwüng me mwan. Ei a fis ren lükülük seni lepoputän tori lesopolan. Usun ewe toropwe mi pin a apasa, “Ewe aramas mi küna pwüng mwen mesen Kot epwe manau ren an lükülük.”

Kalatia 2:16

Nge sia silei pwe eman aramas a küna pwüng me ren Kot ren an lükü Jesus Kraist chök, nge esap ren an apwönüetä ekewe Allük. Iei usun pwal kich sia lükü Jesus Kraist, pwe sipwe küna pwüng me ren Kot ren ach lükü Kraist, nge sap ren ach apwönüetä ekewe Allük. Pun esap fokun wor eman a küna pwüng me ren Kot ren an apwönüetä ekewe Allük.

2. Tesalonika 2:4

I epwe ü ngeni iteiten mettoch aramas ra aita ngeni Kot o fel ngeni, epwe pwal püsin seikätä wor meinisin. Epwe mwo nge feila lon än Kot we imwenfel o mot won an lenien mot o püsin aita ngeni pwe i Kot.

Ipru 10:38

Ekewe chon pwüng repwe manau ren ar lükü Kot. Nge are eman leir epwe liwinsefäl, ngang üsap pwapwaiti.”

1. Petrus 5:5

Ina usun pwal ämi alüal kana, oupwe aleasochisi ekewe chinlap. Ämi meinisin oupwe fokun eäni tipetekison lon ämi alilisfengen lefilemi. Pun a mak lon ekewe Toropwe mi Pin, “Kot a ü ngeni chon lamalamtekia kana, nge a ümöümöch ngeni chon tipetekison kana.”