Apakuk 2:19 - Chuukese Bible

¹⁹ Feiengauom, en mi apasa ngeni efoch mwüch: Kopwe nennela! ika ngeni eföü fau esap tongeni mwökütüküt: Kopwe pwätä! Ifa usun, eu uluulun anümwäl a tongeni pwäri ngonuk och? A tongeni pwölüpwöl ngeni kolt me silifer, nge esap fokun wor ngasangasen manau lon.

Apakuk 2:19 Iomraidhean Croise

Kölfel 135:15

Än chon ekewe mwü uluulun anümwäl seni silifer me kolt aramas chök ra föri.

Kölfel 135:17

A wor selinger, nge resap tongeni rongorong, resap pwal tongeni ngasangas.

Kölfel 97:7

Aramas meinisin mi fel ngeni ekewe uluulun anümwäl repwe küna säw, pwal chokewe mi aingaing won ekewe anümwäl esap wor aüchear. Ekewe kot meinisin ra chapetiu me mwen ewe Samol mi Lapalap.

Aisea 26:14

Iei ra mäla, nge resap chüen manausefäl. Ra wiliti sotup, nge resap chüen pwätäsefäl. Ka apwüngüür o afeiengaueer, ka föri pwe esap wor eman a chüen chechemeniir.

Aisea 40:19

Esap wewe ngeni eu uluulun anümwäl, eman chon ketel mächä a föri, nge eman chon angang ngeni kolt a pwölüela ren kolt, a pwal foutei ngeni sein seni silifer.

Aisea 41:26

Iö leimi a pwärätä ei me lepopun pwe aipwe silei, nge iö a osuni usun me mwan, pwe aipwe tongeni apasa pwe a pwüng an kapas? Iwe, esap wor eman a pwärätä, esap wor eman a apworausa, esap pwal wor eman a rongorong och kapas senikemi.

Aisea 44:17

Nge seni lusun ewe irä a falei eu uluulun anümwäl fän äsengesin, a chapetiu mwan o fel ngeni, a pwal iotek ngeni o apasa, “Kopwe amanauaei, pun en ai kot.”

Aisea 46:6

Chokewe mi atowu kolt seni ar lenien iseis o kiloni silifer won eu kilo, ra möni eman chon angang ngeni kolt, pwe epwe föri uluulun eman kot ren. Mürin ra chapetiu mwan o fel ngeni.

Aisea 57:6

Oua angei fau mi motoutou seni lon öüwö o fel ngeniir pwe ämi Kot. Oua ninätiu wor asoren ün o uwato wor asoren mongö. Ifa usun, ngang üpwe pwapwaiti ei sokun föför?

Jeremaia 10:14

Lupwen aramas ra küna ei, ra mefi pwe ra umwes, esap pwal wor ar mirit. Ekewe chon föri uluulun anümwäl seni kolt ra säw, pun ar kewe uluulun anümwäl ra minen atuputup, esap pwal wor ngasangas lor.

Jeremaia 10:3

Än chon ekewe mwü lamalam ra mwäl. Ra pökü efoch irä seni lein wöllap, nge eman soufalafal a angang ngeni ren efoch falafal.

Jeremaia 10:4

Iwe, aramas ra afouta ngeni silifer me kolt, ra pwal chüfölü ngeni chüföl, pwe esap tongeni turula.

Jeremaia 10:9

Ra cheni ngeni ar kewe uluulun anümwäl ewe silifer mi nechenech a feito seni Tarsis, ika ewe kolt seni Ufas. Mine ekewe soufalafal me ekewe chon angang ngeni kolt ra föri, ra pwal öüföüfa ngeni üf mi forket me parochol. Meinisin förien aramas mi sipeöch.

Jeremaia 2:27

Oupwe itengau ämi meinisin mi kapas ngeni efoch irä, ‘En semem,’ nge ngeni eföü fau, ‘En ka nöünikeemitiu.’ Pun oua kulu sökürümi ngeniei, nge ousap kulu mesemi ngeniei. Nge lupwen fansoun osukosuk oua apasa, ‘Kopwe feito o amanauakem.’

Jeremaia 2:28

Nge ikafa ir ämi kewe kot oua püsin föri fän itemi? Ir repwe feito o manauakemi lon fansoun ämi osukosuk are ra tongeni. Pun ükükün chomongun ämi kewe telinimw, iei ükükün chomongun ämi kewe kot, ämi chon Juta.”

Jeremaia 51:17

Aramas meinisin ra umwes, esap wor ar mirit. Ekewe chon angang ngeni kolt ra säw ren förier uluulun anümwäl, pun mine ra föri a mwäl, esap wor ngasangas lor.

Jeremaia 51:47

Iei mine epwe war ewe fansoun ai üpwe apwüngü ekewe uluulun anümwälin Papilon. Unusen ewe fanü epwe itengau, nge ekewe mi ninnila repwe chök toropasfeil lon.

Taniel 3:1

Iwe, ewe king Nepukatnesar a föri eu uluulun aramas seni kolt, tekian ükükün tiwe fiit, nge öün tiwu fiit. Iwe, a anomu lon ewe maasiesin Tura lon ewe sop itan Papilon.

Taniel 3:18

Nge are esap amanauakem, en äm king kopwe silei pwe äm aisap fel ngeni om kewe kot, aisap pwal chapetiu ngeni om we uluulun aramas mi för seni kolt ka aüetä.”

Taniel 3:29

Iei mine ngang üa föri eu allük, pwe ika eman aramasen eu fanü me mwü, ika eman aramas mi eäni sokopaten fos epwe eäni kapasen turunufas ngeni än Satrak, Mesak me Apetneko we Kot, pöün me pechen repwe üttüwu seni inisin, nge imwan epwe tala. Pun esap wor eman kot a tongeni amanaua aramas usun ar we Kot.”

Taniel 3:7

Iwe, lupwen ekewe aramasen fanü me mwü pwal aramas mi eäni sokopaten fos ra rong tikin ekewe sokopaten pisekin ettik, ra chapetiu o fel ngeni ewe uluulun aramas mi för seni kolt, ewe king Nepukatnesar a aüetä.

Taniel 5:23

Ka ü ngeni ewe Samolun läng ren om apasa pwe repwe uwato reöm ekewe kapen lon an Imwenfel. Iwe, en me noum kewe samol, pwülüom me ülüpwülüom kana oua pwal aea le ün wain. Iwe, ka mwareiti ekewe uluulun kot mi för seni silifer me kolt, pwal seni piras, mächä, irä me fau, ekewe uluulun kot resap tongeni küna och ika rongorong ika memef. Nge kosap asamolu ewe Kot mi amwöchü manauom o silei om föför meinisin.

Taniel 5:4

Ra pwal mwareiti ar kewe uluulun kot ra för seni kolt, silifer, piras, mächä, irä me fau.

Sona 1:5

Mürin ekewe säla ra fokun niuokus o köri koten en me fanüan pwe repwe alisiir. Iwe, ra pwal aturala leset üttenen war we sip, pwe epwe pänätä. Nge Sona a tötiu leföön ewe sip, a konola o anutochou.

Föför 17:29

Iei mine pokiten sia nöün Kot kana, sisap fokun ekieki pwe lapalapen Kot a wewe ngeni eu uluulun anümwäl seni kolt ika silifer ika fau, förien sousilelap.

Pwärätä 17:4

Ei fefin a üföüf üf mi parachol me parapar, a pwal foute ngeni sokopaten fout seni kolt, fau mi aüchea me föün pwei. A amwöchü lepöün eu kap seni kolt mi ur ren sokopaten mettoch mi anioput me limengauen an föförün lisowu.