Apakuk 2:18 - Chuukese Bible

¹⁸ Met lomoten eu uluulun anümwäl? A chök och mettoch eman aramas a püsin auluulu. Esap tongeni pwäri ngonuk och ngei chofana echök. Met feiöchün ngeni ewe chon föri pwe a lükü eu uluulun anümwäl esap tongeni kapas?

Apakuk 2:18 Iomraidhean Croise

Kölfel 97:7

Aramas meinisin mi fel ngeni ekewe uluulun anümwäl repwe küna säw, pwal chokewe mi aingaing won ekewe anümwäl esap wor aüchear. Ekewe kot meinisin ra chapetiu me mwen ewe Samol mi Lapalap.

Aisea 1:31

Usun pan nü mi pwas a karala ren ngetengeten ekkei, iei usun chokewe mi pöchökül repwe feiengau ren püsin ar föför mi ngau, nge esap wor eman epwe tongeni aükätiu.

Aisea 37:38

Lon eu rän, lupwen a fel lon imwen an we kot Nisrok, Atrammelek me Sareser nöün kewe mwän ra niela ren ketilas o süla lon ewe fanü Ararat. Iwe, Esarhatton pwal eman nöün mwän a siwili lon wisan wisen king.

Aisea 40:19

Esap wewe ngeni eu uluulun anümwäl, eman chon ketel mächä a föri, nge eman chon angang ngeni kolt a pwölüela ren kolt, a pwal foutei ngeni sein seni silifer.

Aisea 41:26

Iö leimi a pwärätä ei me lepopun pwe aipwe silei, nge iö a osuni usun me mwan, pwe aipwe tongeni apasa pwe a pwüng an kapas? Iwe, esap wor eman a pwärätä, esap wor eman a apworausa, esap pwal wor eman a rongorong och kapas senikemi.

Aisea 42:17

Nge chokewe mi lükü uluulun anümwäl mi fal, pwal chokewe mi apasa usun ekewe uluulun anümwäl seni mächä pwe ir ar kot repwe itengau o fokun säw.”

Aisea 44:12

Iwe, eman chon wüsi mächä a apwichi ewe mächä won ekkei o amaani. A angang won ren pöchökülen pöün pwe epwe fis eu uluulun anümwäl mi lapalapöch. Ren an achocho a echik o apwangapwangala, a pwal malülü ren an esap ün koluk.

Aisea 45:16

Ir meinisin mi ü ngonuk repwe küna säw o itengau, nge chokewe mi falei uluulun anümwäl repwe lichipüng.

Aisea 45:20

Ewe Samol mi Lapalap a apasa, “Oupwe feito o mwichefengen, oupwe arapeto, ämi mi chüen manau me lein chon ekewe mwü. Esap wor miritin chokewe ra feilfetal fän ar uluulun anümwäl mi fal o ikiotek ngeni eman kot esap tongeni amanaueer.

Jeremaia 10:8

Ir meinisin ra tiparoch o umwes. Pun ifa usun, repwe tongeni angei öüröürer seni uluulun anümwäl mi för seni mwüch?

Jeremaia 16:19

Ai Samol mi Lapalap, en ai pöchökül me imwei imwen maun, en ai lenien op lon fansoun riaföü. Chon ekewe mwü repwe feito reöm seni lesopun fanüfan o apasa, “Esap wor och äm kewe lewo ra fel ngeni, ngei kot mi mwäl, ekewe uluulun anümwäl mi lomotongau.

Jeremaia 2:8

Ekewe souasor resap ais, ‘Ifa i ewe Samol mi Lapalap?’ Chokewe mi silelap allük resap sileei, ekewe souemwen ra ü ngeniei, nge ekewe soufos ra osuni fän iten ewe anü Paal o fel ngeni ekewe uluulun anümwäl mi lomotongau.

Jeremaia 50:2

“Oupwe asilefeili ekei kapas me lein chon ekewe mwü o arongafeiliir, oupwe aürätä eu asisil o arongafeili ei pworaus. Ousap tükümala, nge oupwe apasa, ‘Papilon a oo. Ewe anü Pel a itengau, ewe anü Merotak a rükö. An kewe uluulun anümwäl ra itengau, an kewe uluulun anümwäl mi anioput ra tatakis.’

Jeremaia 51:17

Aramas meinisin ra umwes, esap wor ar mirit. Ekewe chon angang ngeni kolt ra säw ren förier uluulun anümwäl, pun mine ra föri a mwäl, esap wor ngasangas lor.

Taniel 5:23

Ka ü ngeni ewe Samolun läng ren om apasa pwe repwe uwato reöm ekewe kapen lon an Imwenfel. Iwe, en me noum kewe samol, pwülüom me ülüpwülüom kana oua pwal aea le ün wain. Iwe, ka mwareiti ekewe uluulun kot mi för seni silifer me kolt, pwal seni piras, mächä, irä me fau, ekewe uluulun kot resap tongeni küna och ika rongorong ika memef. Nge kosap asamolu ewe Kot mi amwöchü manauom o silei om föför meinisin.

Amos 2:4

Iei alon ewe Samol mi Lapalap, “Chon Juta ra chök sopwela le föri tipis, iei mine üpwe fokun apwüngüür. Ra pöütala ai kewe allük, nge resap tümwünü ai kewe pwüüng. Ra tokola ren anümwäl, mine ar kewe lewo ra fen angang ngeni.

Sona 2:8

Iwe, chokewe mi fel ngeni uluulun anümwäl mi lomotongau ra likitukela, en echök mi tongeni ümöümöch ngeniir.

Sekaraia 10:2

Ekewe aramas ra kütta ar alilis seni ekewe uluulun anün leimw me ekewe soupwe, nge palüan me rer a chofana o lomotongau. Ekewe soutan ra apworausa tan mi mwäl, nge ar kapasen achipachip ra pön. Iei mine ekewe aramas ra malechfeil usun sip, ra riaföü pokiten esap wor ar chon mas.

Nöün Paulus Toropwe ngeni ekewe Souläng lon Rom 6:21

Met sokun feiöch oua angei seni ekei föför oua föriir me lom? Iei oua säw ren, pun sopolor mäla.

1. Korint 12:2

Oua fen silei, pwe lupwen ousamwo souläng, oua tokola lon chomong sokun lapalap, pwe ämi oupwe fel ngeni ekewe uluulun anümwäl resap manau.

Pwärätä 19:20

Iwe, ewe manmwacho a kuf o oola fitifengen me ewe soufos chofona, ewe mi afisätä manaman me mwen mesan. Ren ekei manaman a atupu chokewe mi eäni asisilen ewe manmwacho me chokewe mi fel ngeni uluulun we. Ewe manmwacho me ewe soufos chofona ra koturmanauolong lon ewe nomun ekkei a küü ren primston.

Soukapwüng 17:4

Mürin, ätewe a aliwini ewe moni ngeni inan, nge neminewe a angei ruupükü föün moni silifer o ngeni eman chon föri pisek seni silifer. Ätewe a falei eu uluulun anümwäl o apachatä silifer won. Iwe, Maika a anomu lon imwan.

1. Samuel 12:21

Ousap angang ngeni ekewe anümwäl mi lomotongau, resap tongeni afeiöchükemi ika amanauakemi, pun ra lomotongau.