Apakuk 2:13 - Chuukese Bible

¹³ Iei fän letipen ewe Samol mi Unusen Manaman, pwe än ekewe aramas angang epwe karala, nge än chon ekewe mwü angang weires epwe solapmwäl.

Apakuk 2:13 Iomraidhean Croise

2. Samuel 15:31

Lupwen eman a asile ngeni Tafit pwe Ahitofel a nom lein chokewe mi fiti Apsalom lon an raw, Tafit a iotek, “Ai Samol mi Lapalap, üa tüngor ngonuk pwe kopwe sorei än Ahitofel öüröür pwe epwe fokun mwäl.”

Kölfel 39:6

Ellet, aramas ra usun chök ngünüen mettoch. Meinisin mine ra anganga esap wor lomotan. Aramas ra achukuchukätä wöür, nge resap silei iö epwe angei me mürin.

Än Salomon Fos 21:30

Än aramas tipachem, mirit me kapasen öüröür resap tongeni üpalü ngeni ewe Samol mi Lapalap.

Aisea 50:11

Nge ämi mi rawangauei chon arumi pwe repwe feiengau, oupwe püsin feiengau ren ämi rawangau. Iei usun mine ewe Samol mi Lapalap epwe föri ngenikemi. Epwe atolongakemi lon riaföü.

Aisea 55:2

Pwota oua mochen püngütiu moni fän iten mettoch ousap tongeni mongö? Pwota oua angang weires fän iten mine ousap möt ren? Oupwe fokun aüselingaei o föri mine üa ürenikemi. Iwe, epwe wor enemi mongö mi annö, oupwe pwal pwapwaiti uän ewe fanü mi fokun chomong.

Jeremaia 51:58

Tittin ewe telinimw Papilon mi chölap epwe tatiu tori pwül, nge asamalapan kewe mi tekia repwe karala. Än ekewe aramas angang a lomotmwäl, än chon ekewe mwü angang a chök mwüchün ekkei. Ngang ewe Samol mi Unusen Manaman üa kapas.”

Jeremaia 51:64

iwe, kopwe üra, ‘Iei usun än Papilon epwe kokotiu, nge esap chüen pisefälitä, pokiten ewe feiengau ewe Samol mi Lapalap epwe awarato won.’” Iei ükükün än Jeremaia kewe kapas.

Malakai 1:4

Are chon Etom repwe apasa, “Äm kewe telinimw ra tatakis, nge äm aipwe aüsefäliretä,” mürin ewe Samol mi Unusen Manaman epwe apasa, “Repwe tongeni aüretä, nge ngang üpwe ataretiu, tori aramas repwe aita ngeni: Ewe fanü mi ngau, pwal eu mwichen aramas ewe Samol mi Lapalap a song ngeniir tori feilfeilachök.”