Apakuk 2:12 - Chuukese Bible

¹² Feiengauom, en mi aüetä eu telinimw fän nimanau o anüküchara fän föföringau.

Apakuk 2:12 Iomraidhean Croise

1. King 16:34

Iwe, lupwen fansoun än Ahap nemenem, Hiel seni Petel a aüsefälietä ewe telinimw Jeriko. Lupwen a föri longolongun, Apiram nöün we mwänichi a mäla, nge lupwen a förätä asamalapen tittin ewe telinimw, Sekup nöün we setiputur a mäla, usun Josua nöün Nun we mwän a fen apasa fän alon ewe Samol mi Lapalap.

Isikiel 24:9

Iei mine Kot ewe Samol mi Lapalap a apasa, “Feiengauen ewe telinimw, chon ra nimanauei aramas. Ngang üpwe püsin aloppa ewe mwüchen ekkei pwe epwe tekiatä.

Mika 3:10

ämi mi aüetä Sion fän ämi nimanauei aramas, pwal Jerusalem fän föföringau.

Nahum 3:1

Feiengauen ewe telinimw mi chofana o niela aramas, ewe telinimw mi ur ren wöü, pokiten chon ra chök solä o angei pisekin aramas fän pöchökül.

Apakuk 2:6

Iwe, ekewe chon kuf repwe chietä echö kölün ämängau, repwe turunufasei ewe chon akufuur o apasa, “Feiengauom, en mi achukuchukätä mine esap om o pisekisekila ren om eriani seni chon liwinimang mine ra liwinimang ngonuk. Ifa ükükün fansoun än ei lapalap epwe fis?”

2. Korint 1:21

Iwe, püsin Kot a anükücharakem me ämi lon Kraist. I a afilikich

Josua 6:26

Lon ei fansoun Josua a eäni ei pwon fän akapel ngeni chon Israel o apasa, “A anümamau me ren ewe Samol mi Lapalap eman mwän mi aüsefälietä ewe telinimw Jeriko. Iö a föri longolongun ewe telinimw, nöün mwänichi epwe mäla. Nge iö a apachätä asamalapan, nöün setiputur epwe mäla.”

Pwärätä 17:6

Üa küna ewe fefin pwe a puchula ren chaan ekewe chon pin me chaan chokewe mi ninnila pokiten ar allükülük ngeni Jesus. Lupwen üa küna neminewe, üa fokun mairü.