Apakuk 2:10 - Chuukese Bible

¹⁰ Nge om raw a chök awarato säw won chon leimwom. Ren om arosala chomong mwü, ka chök püsin awarato feiengau womw.

Apakuk 2:10 Iomraidhean Croise

1. King 2:23

Mürin, ewe king Salomon a akapel iten ewe Samol mi Lapalap o üra, “Kot epwe fen nieila, are Atonia esap püsin angei chappen an kewe kapas.

2. King 10:7

Iwe, lupwen ewe toropwe a toriir, ra angei nöün ewe king kewe fik mwän o nirela, nge ra anomu mökürer lon chüük o tinirela Jesrel ren Jehu.

2. King 9:26

‘Nänew üa fokun küna chan Napot me nöün kewe mwän mi niiniila. Üpwe ngeni Ahap chappen an föför me won ei chök fanü.’ Iei mine kopwe angei inisin Joram o moneela won ei fanü, pwe epwe pwönüetä mine ewe Samol mi Lapalap a fen eäni pwon.”

Än Salomon Fos 1:18

Nge ekei mwän ra chök op lon lenien op pwe repwe püsin atoto feiengau wor, ra rawangauei püsin manauer.

Än Salomon Fos 20:2

Än eman king lingeringer a usun chök wörüwörün eman laion, nge eman mi asonga a püsin afeiengaua manauan.

Än Salomon Fos 8:36

Nge ätewe esap künaei a püsin afeiengaua inisin. Meinisin mi oputaei ra efich mäla.”

Aisea 33:11

Mine oua ekiekietä esap wor aüchean, nge meinisin mine oua föri esap wor lomotan. Iwe, enienin ngasangasemi eu ekkei mi püsin kenikemiila.

Jeremaia 22:30

“Oupwe makeetiu pwe ei mwän esap wor nöün, i eman mwän esap fefeitä lon ränin manauan. Pun esap wor eman mwirimwirin epwe king o siwili Tafit le nemenem lon Juta. Ngang ewe Samol mi Lapalap üa kapas.”

Jeremaia 26:19

Ifa usun, ewe king Hiskia me chon Juta meinisin ra niela Mik? Ifa usun, Hiskia esap niuokusiti ewe Samol mi Lapalap o kütta an ümöümöch me ren? Ifa usun, ewe Samol mi Lapalap esap siwili an ekiekin afeiengaueer a fen kapas usun? Nge iei kich sipwele awarato feiengau watte woch.”

Jeremaia 36:31

Üpwe apwüngü i me nöün kewe pwal nöün kewe nöüwis pokiten ar föföringau. Üpwe awarato wor pwal won chon Jerusalem me ekewe re Juta ekewe feiengau meinisin üa apwüngala ngeniir pokiten resap aüseling.’”

Jeremaia 44:7

Nge iei usun mine Kot ewe Samol mi Unusen Manaman, ewe Koten Israel a apasa, “Pwota oua awarato ei sokun feiengau ngenikemi ren ämi ärala seni Juta mwän me fefin, mönükol me semirit, nge ousap likiti eman lusun mi chüen manau?

Nahum 1:14

Ewe Samol mi Lapalap a föri eu allük fän itom, Ninifa, o apasa, “Esap chüen wor mwirimwirum repwe sopwela itom. Üpwe ataela ekewe uluulun anümwäl mi fal, pwal ekewe seni mächä me lon imwen om kewe kot. Üpwe tuw peiasom, pun ka fokun manauangau.”

Apakuk 2:16

Iei kopwe pwölüla ren säw, nge sap ren ling. Kopwe püsin ün o taroporopfetal. Ewe Samol mi Lapalap epwe aünü ngonuk püsin om kapen feiengau, nge om ling epwe wiliti säw.

Numperis 16:38

Nge ekewe sepien asoren ötüöt än ekewe mwän mi mäla pokiten ar tipis, repwe nechenech o achöpöp pwe pwölüpwölün ewe rongen asor. Pokiten ra aea le asor me fän mesen ewe Samol mi Lapalap, iei mine ra pin. Iwe, repwe eu asisilen fön ngeni ekewe aramasen Israel.”

Mateus 27:25

Mürin ekewe aramas meinisin ra pölüeni, “Liwinin chaan epwe nonom wom me won nöüm kana!”