Apakuk 2:1 - Chuukese Bible

¹ Ngang üpwe feitä won ai lenien mamas o ütä won imwei imw tekia. Üpwe asüküsükü met Kot epwe üreniei pwe üpwe apasa, pwal mine epwe pälüeni ngeni ai siö.

Apakuk 2:1 Iomraidhean Croise

2. Samuel 18:24

Lupwen Tafit a mot lefilen ewe asamalapen lon me ewe asamalapen lükün, ewe chon mamas a feitä won osun ewe asamalap arun tittin ewe telinimw. Nge lupwen a netä, a küna eman mwän a akaleman le sä.

2. King 17:9

Iwe, ekewe aramasen Israel ra föri sokun föför mi ngau ngeni ewe Samol mi Lapalap ar we Kot lemonomon. Ra aüetä fän iter ekewe lenien fel won ekewe leni tekia lon ar kewe telinimw meinisin, lon ekewe sop mi fokun kükün, pwal lon ekewe telinimw mi watte o pöchökül tittir.

2. King 9:17

Iwe, ewe chon mas a ütä won ewe imw tekia lon Jesrel o küna Jehu me an mwich pwe ra feito. A üra, “Üa küna eu mwich a feito.” Joram a üreni, “Oupwe tinala eman chon wawa oris, pwe epwe churiir o aisiniir, ika ra feito fän kinamwe?”

Hiop 31:35

Amwo a wor eman epwe aüselingaei. Iei sainin itei. Ewe mi Unusen Manaman epwe pälüeniei. Amwo epwe wor rei ewe toropwen atutur, ewe chon atipisiei a makei.

Hiop 31:37

Üpwe aiteitä ngeni Kot meinisin mine üa föri lon manauei. Üpwe feila ren fän wenecharen letipei.

Kölfel 5:3

Ai Samol mi Lapalap, ka rongorong mweliei lesosor, lesosorusich üa iotek ngonuk o witiwiti om kopwe pälüeniei.

Kölfel 85:8

Üpwe rongorong ngeni mine Kot a apasa. A pwon pwe epwe awora kinamwe ngeni nöün kewe aramas, ngeni nöün kewe mi pin, are resap chüen liwinsefäl ngeni ar kewe föför mi mwäl.

Kölfel 85:9

Ellet, a kaneto pwe epwe amanaua chokewe mi niuokusiti i, pwe an ling epwe nonom lon fanüach.

Aisea 21:5

Iwe, lon künaei we üa küna pwe eu chepel a molotä, ekewe kieki ra meresila pwe aramas repwe mot won. Ra mongö o ün. Ämi meilapen sounfiu, oupwe ütä o amisi ämi tittin maun.

Aisea 21:6

Mürin, ewe Samol a üreniei, “Kopwe feila o awisa eman chon mas, pwe epwe mamasa ewe leni o asile ngonuk mine a küna.

Aisea 21:8

Iwe, ewe chon mas a leüömong le kökkö, “Ai samol, üa chök ükütä won ai lenien mamas lerän me lepwin.”

Aisea 62:6

Iwe, ngang üa anomu chon mas won tittum, Jerusalem, resap fanafanala lerän me lepwin. Ämi mi achema ngeni ewe Samol mi Lapalap an kewe pwon, ousap asösö.

Jeremaia 12:1

Ai Samol mi Lapalap, lupwen üa uwato ai osukosuk fän mesom, a pwä pwe en ka pwüng. Nge iei üa mochen pwe sipwe kakapasfengen won pwüngün kapwüng. Pwota ekewe aramasangau ra pisekisekila? Pwota chokewe meinisin resap allükülük ra fefeitä?

Jeremaia 6:17

Mürin ewe Samol mi Lapalap a awisa chon mas womi o apasa, “Oupwe aüseling ngeni tikin ewe rappwan asilesil.” Nge ir ra apasa, “Äm aisap mochen aüseling.”

Isikiel 3:17

“Nöün aramas, üa awisa ngonuk ewe wisen chon mas fän iten chon Israel. Iteiten fansoun, lupwen kopwe rongorong eu kapas seniei, kopwe fönöör ren.

Isikiel 33:7

Nge en, nöün aramas, üa awisa ngonuk wisen eman chon mas fän iten chon Israel. Iteiten fansoun, lupwen kopwe rongorong eu kapasen fön seniei, kopwe fönöör ren.

Mika 7:7

Nge ngang üpwe neta ngeni ewe Samol mi Lapalap. Üpwe ösüküsükü Kot ai we Chon Amanau. Ai Kot epwe aüselingaei.

2. Korint 13:3

pun oua kütta och minen pwärätä pwe Kraist a kapas me rei. I esap apwangapwang lon an angang ngenikemi, nge a pwärätä an manaman leimi.

Kalatia 1:16

an epwe pwäri ngeniei Nöün we, pwe üpwe afalafala ewe Pworausen Manau usun i ngeni ekewe chon lükün Israel, ngang üsap angei än eman öüröür ngeniei,