Apakuk 1:9 - Chuukese Bible

⁹ Ir meinisin ra feito pwe repwe föri angangen mwänewüs, eniweniw a akom mwer. Ra achufengeni chon oola usun föün pi.

Apakuk 1:9 Iomraidhean Croise

Keneses 41:49

Nge Josef a iseis chomong, chomong föün wiich, tori esap chüen tongeni aükük, pun a chomong usun pien aroset.

2. King 12:17

Iwe, lon ewe fansoun Hasael ewe kingen Siria a feito, a maun ngeni ewe telinimw Kat o liapeni. Mürin, Hasael a sap pwe epwe feitä Jerusalem o maun ngeni.

Hiop 29:18

Üa ekieki pwe ränin manauei repwe chomongola usun föün pien aroset, nge üpwe mäla lon püsin imwei.

Kölfel 139:18

Ika ngang üpwe aleaniir, repwe chomong seni föün pi. Lupwen üa pwök, üa chüen nom reöm.

Aisea 27:8

Ewe Samol mi Lapalap a apwüngü nöün aramas ren an mwüt ngeniir pwe repwe oola. A asürela ren an asepwäl mi pöchökül a enito seni ötiu.

Jeremaia 15:8

Üpwe föri pwe ekewe fefin mi mä pwülüer repwe chomong seni ekewe föün pien aroset. Üpwe awarato eman chon kata leoloas, pwe epwe afeiengaua inen ekewe alüal. Üpwe müttir apüngätiu wor riaföü me niuokus watte.

Jeremaia 25:9

üpwe titila ren chon ekewe mwü meinisin mi nom efeng, pwal ren nei chon angang Nepukatnesar ewe kingen Papilon. Üpwe emwenireto pwe repwe maun ngeni ei fanü Juta me aramasan, pwal ngeni chon ekewe mwü meinisin mi nom pwelin ünükün. Üpwe fokun aroserela o föri pwe repwe och minen eniweniw, och minen turunufas me itengau tori feilfeilachök. Ngang ewe Samol mi Lapalap üa kapas.

Jeremaia 34:22

Üpwe allük ngeniir pwe repwe liwiniti ei telinimw, repwe maun ngeni, repwe liapeni o kenala. Üpwe föri pwe ekewe telinimwen Juta repwe pönüla, nge resap chüen so. Ngang ewe Samol mi Lapalap üa kapas.”

Jeremaia 4:11

Lon ena fansoun eman epwe üreni ekei aramasen Jerusalem, “Eu asepwäl mi pwichikar epwe enito seni won ungen ekewe chuk mi amassawa me lon ewe fanüapö o eniti ekewe aramas. Ei asepwäl esap fän iten an epwe limeti ekewe föün wiich o ässala pöör,

Jeremaia 4:7

Usun eman laion a towu seni pwangan, iei usun ewe chon atai mwü a feiliwu. A likitala lenian pwe epwe ataela fanüemi, ämi kewe telinimw repwe tatakisitiu, pwe resap chüen so.

Isikiel 17:10

Ewer, a fen fotetiu. Nge ifa usun, epwe märöch? Esap fokun pwasala, lupwen asepwälin ötiu epwe eniti me lon ewe leni ia a pwükütä ie?’”

Isikiel 19:12

Nge eman a üttätä ewe irän wain fän an song o aturala won pwül. Iwe, asepwälin ötiu a eniti pwe a pwasala, uan ra mworomworotiu, nge palan kewe mi pöchökül ra pwasala o kekila ren ekkei.

Taniel 11:17

Epwe fokun ekiekin feito fän an mwichen sounfiu meinisin, epwe pwal afisätä eu pwonen kinamwe ngeni ewe kingen Isip o apwüpwülüa ngeni nöün fefin, pun a ekiekin ataela mwün. Nge an akot esap fis.

Osea 1:10

Nge iteiten ekewe chon Israel repwe wewe ngeni ekewe föün pien aroset esap tongeni aükük ika lea. Iwe, iei Kot a üreniir, “Ämi ousap nei aramas.” Nge epwe war ewe fansoun epwe üreniir, “Ämi nöün Kot ewe mi Manau.”

Osea 13:15

Inamwo ika Israel epwe mämäritä usun ekewe wowo, üpwe tinato eu asepwälin ötiu, epwe enito seni ewe fanüapö. Epwe amorätä an kewe puächen koluk me an kewe chönüttu. Aramas repwe angei fän pöchökül an kewe pisek aüchea meinisin seni an we lenien iseis.

Apakuk 1:17

Ifa usun, repwe chök nöünöü nöür kewe ketilas tori feilfeilachök o sopwela le niela chon ekewe mwü, nge esap wor ar tong?

Apakuk 1:6

Ngang üpwe äpwächa ekewe chon Papilon, ewe mwü mi rochongau o mwökütükai. Ra feila lemenen unusen fanüfan o liapeni lenien aramas sap lenier.

Nöün Paulus Toropwe ngeni ekewe Souläng lon Rom 9:27

Iwe, Aisea a kökkö fän leüömong usun Israel, “Inamwo ika ekewe chon Israel ra chomong usun pien aroset, ekoch chök me leir repwe küna manau,

Soukapwüng 7:12

Iwe, ekewe chon Mitian me chon Amalek, pwal ekewe aramas meinisin seni ötiu ra nom lon ewe lemol, usun epwi pwiin lifichimas ren chomongur. Nge nöür kamel ese lea, pun ra usun chök föün pien aroset.