Apakuk 1:8 - Chuukese Bible

⁸ Nöür oris ra müttir seni ewe man itan lepart, ra rochongau seni ekewe wolif mi echik. Nöür kewe chon wawa oris ra feito me toau o säpuropur, ra müttir le sä usun müttirin eman ikel a tur won liapan.

Apakuk 1:8 Iomraidhean Croise

Hiop 9:26

Ra säila seniei usun chök müttirin efoch waseres, ra müttirila usun chök müttirin eman ikel mi tur won liapan.

Aisea 11:14

Repwe chufengen le maun ngeni chon Filistia mi nom lotou, o angei fän pöchökül pisekin ekewe aramas mi nom ötiu. Repwe liapeni ekewe chon Etom me chon Moap, nge chon Amon repwe aleasochis ngeniir.

Jeremaia 4:13

Nengeni, ewe chon oput a feito usun kuchu, an kewe wokenin maun ra feito usun eu ewiniär, nge nöün kewe oris ra müttir seni ekewe ikel. Feiengauach, pun sipwe tatakis.

Jeremaia 48:40

Iei alon ewe Samol mi Lapalap, “Nengeni, eu mwü epwe müttir ässitiu won Moap usun eman ikel o ameresala pöükässin won.

Jeremaia 5:6

Iei mine eman laion seni ewe wöllap epwe niirela, eman wolif seni ewe fanüapö epwe afeiengaueer. Eman manmwacho itan lepart a operi ar kewe telinimw, epwe atatakisi ekewe aramas mi towu me lor, pokiten chomongun ar tipis me watten ar tokola seni Kot.

Jeremaia 50:42

Ra uwou esefich me siles, ra fokun ariaföüü aramas, nge resap sile tong. Ngüngür a usun chök ngüngün lematau, lupwen ra sä won nöür kewe oris. Ra wewe ngeni sounfiu mi tettel pwe repwe maun ngeni Papilon.

Kölün kechü 4:19

Ekewe chon tapwerikich ra müttir seni ekewe ikel mi äs fän läng. Ra tapwerikich won ekewe chukuchukutä o operikich lon ewe fanüapö.

Isikiel 17:12

“Kopwe aisini ei täppin aramas mi lükümach o ü ngeniei, ika ra silei wewen ei pworausen awewe. Kopwe üreniir, pwe ewe kingen Papilon a feila Jerusalem, a liapenala ewe king me nöün kewe nöüwis o uweerela ngeni lenian we Papilon.

Isikiel 17:3

Iwe, kopwe üreniir pwe iei aloi ngang Kot ewe Samol mi Lapalap, ‘A wor eman ikel mi watte, pöükässin ra fokun langatam o wenewu, pwal ülöülan ra langatam o sokopat anüanür. Iwe, a ässitä won Lepanon o felei ülülen efoch irä setar.

Isikiel 26:11

Pechen nöün kewe oris repwe puri om kewe al meinisin. Epwe niela noum aramas ren ketilas, nge om kewe ürepin mi pöchökül repwe turula won pwül.

Osea 8:1

Iwe, ewe Samol mi Lapalap a üra, “Kopwe ettiki ewe rappwa. Ekewe chon oputen Israel repwe feito usun eman ikel o maun ngeni nei aramas, pun nei aramas ra atai ai we pwon ngeniir o purätiu ai we allük.

Nahum 2:5

Ewe meilap a körifengeni nöün kewe sounfiu mi pwora. Ra chepetek ren ar niuokus. Ra müttir le säiti ewe tit, ra aüetä ar epetin feiengau.

Sefanaia 3:3

Nöün kewe nöüwis ra usun chök laion mi wörüwör, nöün kewe soukapwüng ra usun chök wolif mi echik, resap likiti och tori lesosor.

Mateus 24:28

Ia a wor ie eman somä, ikenan ekewe machang iter wolcher ra mwichfengen ie.

Lukas 17:37

Iwe, ekewe chon kaiö ra aisini Jesus, “Äm Samol, ia epwe fis ie ei?” Jesus a pölüeniir, “Ia a wor ie eman somä, ikenan ekewe machang iter wolcher ra mwichfengen ie.”

Tuteronomi 28:49

Ewe Samol mi Lapalap epwe pwal awarato womi eu mwü seni toau, seni lesopun fanüfan, chon repwe eäni eu fos ousap wewe ren. Iwe, repwe müttir feito womi usun eman ikel mi äkkäs.