Apakuk 1:6 - Chuukese Bible

⁶ Ngang üpwe äpwächa ekewe chon Papilon, ewe mwü mi rochongau o mwökütükai. Ra feila lemenen unusen fanüfan o liapeni lenien aramas sap lenier.

Apakuk 1:6 Iomraidhean Croise

2. King 24:1

Iwe, lon fansoun än Jehoiakim nemenem, Nepukatnesar ewe kingen Papilon a tolong lon Juta. Jehoiakim a fangatä o nom fän nemeneman lon ükükün ülüngat ier. Mürin, Jehoiakim a ü ngeni Nepukatnesar.

2. King 24:2

Iwe, ewe Samol mi Lapalap a tinala mwichen sounfiu seni Papilon, Siria, Moap me Amon, pwe repwe maun ngeni Jehoiakim o ataela ewe fanü Juta, usun nöün kewe chon angang ekewe soufos ra fen apasa fän alon.

2. Kronika 36:17

Iwe, Kot a tinala ren ekewe chon Juta ewe kingen Papilon, pwe epwe maun ngeniir. Ätei a niela nöür alüal ren ketilas me lon ar imwenfel, nge esap tongei alüal ika föpwül, chinlap mwän ika chon apwangapwang. Kot a atolongeer meinisin fän nemenien Nepukatnesar.

2. Kronika 36:6

Nge Nepukatnesar ewe kingen Papilon a feito o maun ngeni Jehoiakim. Iwe, a föti ngeni selimächä o uwala Papilon.

Aisea 23:13

Nengeni ewe fanü Papilon. Sap chon Asiria, nge chon Papilon ra föri pwe Tirus epwe eu lenien manmwacho. Ra aüetä ar imwen maun mi tekia, ra ataela ekewe imwen maun mi pöchökül a atatakisi unusen ewe telinimw.

Jeremaia 13:20

Jerusalem, kopwe netä o küna chon oputom mi feito seni efeng. Ia ra nom ie ekewe aramas ka wisen tümwünüür, noum kewe aramas ka aingaing wor?

Jeremaia 21:4

“Iei usun mine oupwe üreni Setekia, ‘Iei alon ewe Samol mi Lapalap ewe Koten Israel: Üpwe akufu noum kewe sounfiu mi maun ngeni ewe kingen Papilon me nöün kewe sounfiu. Üpwe ionifengeni än noum kewe sounfiu pisekin maun lukalapen ei telinimw.

Jeremaia 21:7

Mürin, üpwe föri pwe en Setekia ewe kingen Juta fiti noum kewe nöüwis me aramasen ei telinimw, ir ekewe mi chüen manau seni mätter, seni maun me lengita, oupwe sechilong lepöün Nepukatnesar ewe kingen Papilon, pwal lepöün chon oputemi mi mochen angei manauemi. Nepukatnesar epwe nikemiila, nge esap tongeekemi ika achikakemi ika ümöümöch ngenikemi. Ngang ewe Samol mi Lapalap üa kapas.’”

Jeremaia 25:9

üpwe titila ren chon ekewe mwü meinisin mi nom efeng, pwal ren nei chon angang Nepukatnesar ewe kingen Papilon. Üpwe emwenireto pwe repwe maun ngeni ei fanü Juta me aramasan, pwal ngeni chon ekewe mwü meinisin mi nom pwelin ünükün. Üpwe fokun aroserela o föri pwe repwe och minen eniweniw, och minen turunufas me itengau tori feilfeilachök. Ngang ewe Samol mi Lapalap üa kapas.

Jeremaia 30:5

“Üa rongorong eu puchörün rükö me niuokus, nge sap mweireiren kinamwe.

Jeremaia 4:11

Lon ena fansoun eman epwe üreni ekei aramasen Jerusalem, “Eu asepwäl mi pwichikar epwe enito seni won ungen ekewe chuk mi amassawa me lon ewe fanüapö o eniti ekewe aramas. Ei asepwäl esap fän iten an epwe limeti ekewe föün wiich o ässala pöör,

Jeremaia 4:6

Oupwe aüetä eu asisil won ewe al mi ale ngeni Sion, oupwe süla ngeni eu lenien kinamwe, nge ousap mang. Pun ewe Samol mi Lapalap epwe awarato feiengau me watten tatakis seni efeng.

Jeremaia 4:8

Pokiten ei oupwe üföüf üf seni tuk, oupwe kechü o ngüngüres. Pun än ewe Samol mi Lapalap song mi fokun watte esap säp senikemi.”

Jeremaia 5:15

Iei alon ewe Samol mi Lapalap, “Nengeni, üpwe awarato womi ämi chon Israel chon eu mwü mi feito seni toau. Ir chon eu mwü mi pöchökül o nom seni me lomlom, chon eu mwü ämi ousap weweiti ar kapas.

Jeremaia 8:10

Iei mine üpwe fangala pwülüer ngeni chon ekis, pwal fanüer ngeni chokewe mi liapeniir. Pun seni ekewe mi kis tori ekewe mi lap, ir meinisin ra kütta ar win fän pwüngingau, pwal seni ekewe soufos tori ekewe souasor, ir meinisin ra atupu aramas.

Isikiel 16:40

Iwe, repwe amwichafengeni chomong aramas, pwe repwe monei ngonuk fau o atatakisiik ren nöür ketilas.

Isikiel 21:31

Üpwe awarato ai song womi, üpwe wusi ngenikemi choun ai lingeringer o asechikemiilong lepöün aramas mi mwänewüs o silelap le kata.

Isikiel 28:7

üpwe awarato womw chon ekis mi pwora seni aramas meinisin, pwe repwe afeiengauok. Iwe, repwe üttawu nöür ketilas o ataela mettoch meinisin mi mürina a toruk pokiten om tipachem, repwe pwal alimengaua lingom.

Isikiel 31:12

nge chon ekis seni ekewe mwü mi fokun eniwokus ra pöküela o likitala. Palan kewe ra turutiu won ekewe chuk, pwal lon ekewe lemol, nge ülün kewe ra kup o turutiu lepekin chanpupun ewe fanü meinisin. Iwe, aramas meinisin won fanüfan ra towu seni fän nürün o likitala.

Sowel 2:3

Ekkei epwe akom mwer, nge ngetengeten ekkei epwe ngetetä me mürir. Iwe, ewe fanü a usun chök ewe tanipin Eten, lupwen resamwo tori, nge lupwen ra towu seni, a usun chök eu fanüapö. Iwe, mettoch meinisin ra tala rer.