Apakuk 1:2 - Chuukese Bible

² Ai Samol mi Lapalap, ifa ükükün fansoun ai üpwe siö ngonuk pwe kopwe awora om alilis, nge kopwap aüselinga? Ifa ükükün fansoun ai üpwe siö ngonuk fän iten ewe angangen mwänewüs, nge kopwap amanauakem?

Apakuk 1:2 Iomraidhean Croise

Hiop 19:7

Nengeni, üa ü ngeni ei sokun föför mi mwäl ngeniei, nge esap wor eman a pälüeniei. Üa siö pwe eman epwe alisiei, nge esap wor ai pwüng.

Kölfel 22:3

Nge en ka pin. Ka mot won om lenien motun king, en ewe chon Israel ra kölün mwareiti.

Kölfel 94:3

Ai Samol mi Lapalap, ifa ükükün fansoun än ekewe aramasangau repwe tunosikesik?

Jeremaia 14:9

Pwota ka usun chök eman aramas mi rükö, ika usun chök eman sounfiu esap wor an tufichin amanaua aramas. Nge en äm Samol mi Lapalap ka nom rem, itom a föü wom. Kosap likitikeemila.’”

Kölün kechü 3:8

Üa resin leüömong le siö ngeni Kot pwe epwe alisiei, nge esap aüselinga ai iotek.

Sekaraia 1:12

Mürin, nöün ewe Samol mi Lapalap we chon läng a üra, ‘Ai Samol mi Unusen Manaman, inet kopwe eäni ümöümöch ngeni Jerusalem me ekewe telinimwen Juta, pun ka song ngeniir lon ekei fik ier?’

Pwärätä 6:10

Ra kökkö fän mwelier mi leüömong, “Äm Samol mi Unusen Manaman, ka pin o let. Ifa langatamen fansoun tori om kopwe apwüngü ekewe aramas won fanüfan o kopwe ngeniir chappen ar nikeemila?”