Apakuk 1:16 - Chuukese Bible

¹⁶ Ra mwo nge fel ngeni ar kewe cheew o asor ngeni ar kewe uuk, pun ra manau rer, nge ener mongö a fokun chomong o anö.

Apakuk 1:16 Iomraidhean Croise

Kölfel 22:29

Ewer, ekewe chon lamalamtekia meinisin me won fanüfan repwe chapetiu mwan, chokewe meinisin mi feil ngeni mäla repwe fotopwäsuk me mwan, pwal chokewe resap tongeni püsin amwöchü manauer.

Aisea 37:24

Ren noum kewe chon angang ka turunufaseei ngang ewe Samol mi Lapalap, ka pwal apasa fän om aingaing, “Üa feitä won ungen ekewe chuk tori wochikin ewe chuk Lepanon won wai woken mi chomong. Üa pöküela setaren won mi fokun langatam, pwal saipiresin won mi fokun mürina. Üa tori wochikin o tolong lein wöllapan mi fokun pachefengen.

Jeremaia 44:17

Nge äm aipwe fokun föri meinisin mine aia fen pwon pwe aipwe föri. Äm aipwe keni apach mi pwokus ngeni ewe kiwinen läng o ninätiu ngeni asoren ün usun äm me äm kewe lewo, äm kewe king me nöüm kewe nöüwis aia fen föri me lon ekewe telinimwen Juta, pwal lon ekewe alen Jerusalem. Pun lon ena fansoun a wor chomong enem mongö, aia fefeitä, nge aisap feiengau.

Jeremaia 44:8

Pwota oua asongaei ren ämi fel ngeni ekewe uluulun anümwäl oua föriir, pwal ren ämi keni apach mi pwokus ngeni pwal ekoch kot me lon ewe fanü Isip, ewe ia oua feila ie pwe oupwe nonom? Ren ei oupwe püsin ärikemiila, nge chon ekewe mwü meinisin won fanüfan repwe turunufasekemi o leawenikemi lon ar ottek.

Isikiel 28:3

Mwa met, ka tipachem seni Taniel. Ifa usun, esap wor och mi monomon a monola senuk?

Isikiel 29:3

Iwe, kopwe üreni, pwe iei aloi ngang Kot ewe Samol mi Lapalap: Üpwe ü ngonuk, Farao kingen Isip. En ewe alikitor mi watte, ka kon lon om chanpupu o apasa, ‘Iei ai we chanpupu Nil, ngang üa püsin föri.’

Taniel 4:30

o apasa, “Sap iei Papilon ewe telinimw mi lapalap üa aüetä fän ai tufich me pöchökül pwe ai lenien king, epwe pwal alinga lingen ai nemenem?”

Taniel 5:23

Ka ü ngeni ewe Samolun läng ren om apasa pwe repwe uwato reöm ekewe kapen lon an Imwenfel. Iwe, en me noum kewe samol, pwülüom me ülüpwülüom kana oua pwal aea le ün wain. Iwe, ka mwareiti ekewe uluulun kot mi för seni silifer me kolt, pwal seni piras, mächä, irä me fau, ekewe uluulun kot resap tongeni küna och ika rongorong ika memef. Nge kosap asamolu ewe Kot mi amwöchü manauom o silei om föför meinisin.

Apakuk 1:11

Mürin ra sä seniir usun asepwäl o feila. Ir aramas mi tipis, pun ra eäni kot ar pöchökül.”

Tuteronomi 8:17

Iei mine oupwe afälikemi pwe ousap ekieki lon lelukemi: Äm pöchökül me äm tufich ra atoto äm pisekisek.