Apakuk 1:15 - Chuukese Bible

¹⁵ Ekewe chon Papilon ra efiretä meinisin ren eo, ra liapeniir lon ar kewe cheew o achufengeniir lon ar kewe uuk. Mürin, ra mwänek o mweireir ren liaper.

Apakuk 1:15 Iomraidhean Croise

Kölfel 10:9

a witiwit lon an lenien op usun eman laion. A öüröürela pwe epwe turufi ekewe chon wöüngau. A liapeniir me lon an we sär o etekinirela.

Aisea 19:8

Ekewe chon attau repwe lolilen, chon efief repwe kechü, nge chon kotur epilo repwe letipeta.

Jeremaia 16:16

Iei alon ewe Samol mi Lapalap, “Üpwe tinala chomong chon attau, repwe attaua ekei aramas. Mürin, üpwe tinala chomong chon tapweri man, repwe tapweriir won iteiten chukutekia me chukutekison, pwal me lon pwangen ekewe achau.

Jeremaia 5:26

Pun aramasangau ra nom lein nei aramas. Ra op usun aramas ra op lupwen ra eseichi machang. Ra föri eu sär pwe repwe liapeni aramas.

Jeremaia 50:11

Iei alon ewe Samol mi Lapalap, “Ämi chon Papilon, oua angei pisekin lon fanüei fän pöchökül. Oua meseik o pwapwa, oua pwal mwetemwet usun eman nienifön kow mi wichiwich umwun wiich o tikitik usun oris mi pöchökül.

Isikiel 25:6

Pun iei aloi ngang Kot ewe Samol mi Lapalap: Oua alopolop o pupures fän pwapwa, oua pwal takirin ämängau seni letipemi usun feiengauen Israel.

Isikiel 26:2

“Nöün aramas, chon Tirus ra apasa usun Jerusalem, ‘Ää, a tala Jerusalem. An nemeni angangen sopai ngeni chon ekewe mwü a wes. Iei aipwe wöümongola, pun i a tala.’

Isikiel 35:15

Pokiten ka pwapwa pwe ewe fanüen chon Israel a tala, üpwe pwal föri ngonuk mine a fis ngeniir. Iwe, kopwe pwal tala, en chuk Seir me unusen ewe fanü Etom. Mürin aramas meinisin repwe silei pwe ngang ewe Samol mi Lapalap.”

Amos 4:2

Kot ewe Samol mi Lapalap mi pin a eäni eu akapel o üra, “Epwe fokun war ewe fansoun, lupwen repwe efikemiila ren ö, repwe efikemiila meinisin usun ik.

Apakuk 1:14

En ka föri pwe aramas ra usun chök ikenen leset, ika usun chök ekewe mönün leset esap wor ar sounemenem.

Apakuk 2:5

Ellet, wöümong och mi atuputup. Ätekewe mi mochenia ra lamalamtekia o sarawaraw, resap fokun menemen usun mäla. Iei mine ra maun ngeni chomong mwü o liapeniir fän püsin iter.”

Mateus 13:19

Chokewe mi rongorong ewe kapas usun Mwün Kot, nge resap weweiti, ra usun chök ekewe pwükil mi mworotiu lepekin al. Ewe Eman mi Ngau a feito o angei seniir mine a mworotiu lon leluker.

Mateus 17:27

Nge sisap mochen ochou ekei aramas, iei mine kopwe feila efief lon ewe noom. Iwe, ewe aemanün ik kopwe liapeni, kopwe suki awan o angei ena föün moni mi naf fän iten ach takises ngeni ewe imwenfel. Kopwe ngeniir pwe takisesi me takisesum.”

Pwärätä 11:10

Iwe, ekewe aramasen fanüfan repwe fokun pwapwa pokiten ekei ruoman soufos ra mäla. Repwe föri apwapwan mine a fis o lifangfengen lefiler, pun ekei ruoman ra atoto watten riaföü won chon fanüfan.