Apakuk 1:10 - Chuukese Bible

¹⁰ Ra ämängaua ekewe king o urumwotei ekewe samol. Ra takiri ekewe telinimw mi pöchökül tittir, pun ra achukuchukätä pwül ünükür o liapeniir.

Apakuk 1:10 Iomraidhean Croise

2. King 24:12

Iwe, Jehoiachin ewe kingen Juta a fangatä ren ewe kingen Papilon, i me inan, nöün chon angang me ekewe aramas tekia, pwal nöün kewe nöüwis meinisin. Lon awaluen ierin mwün, Nepukatnesar a fötekini Jehoiachin,

2. Kronika 36:10

Iwe, wesin ewe ier, ewe king Nepukatnesar a tinala chon künö pwe repwe uwala Jehoiachin Papilon fiti ekewe pisek aüchea seni lon imwen ewe Samol mi Lapalap. Mürin a seikätä Setekia pwin saman we, pwe epwe kingen Juta me Jerusalem.

2. Kronika 36:6

Nge Nepukatnesar ewe kingen Papilon a feito o maun ngeni Jehoiakim. Iwe, a föti ngeni selimächä o uwala Papilon.

Aisea 10:9

Ifa usun, üsap liapeni Kalno me Karkemis, Hamat me Arpat, pwal Samaria me Tamaskus?

Aisea 14:16

Chokewe mi künok repwe nefochofoch ngonuk o mairü reöm. Iwe, repwe aisfengen lefiler, ‘Ifa usun, iei i ewe mwän a amwöükü fanüfan o föri pwe chon ekewe mwü ra chechech?

Aisea 37:13

Ia ra nom ie kingen ekewe telinimw Hamat, Arpat, Sefarwaim, Hena me Iwa?”

Jeremaia 30:5

“Üa rongorong eu puchörün rükö me niuokus, nge sap mweireiren kinamwe.

Jeremaia 32:24

Ekewe chon Papilon ra senätä ewe ororen maun pwelin ünükün ewe telinimw. Iwe, ra maun ngeni pwe repwe liapeni. Pokiten ewe maun, ewe lengita me ewe mätter, ewe telinimw epwe oolong lepöür. Ka püsin küna pwe a fisitä mine ka kapas usun.

Jeremaia 33:4

Pun iei aloi ngang ewe Samol mi Lapalap, ewe Koten Israel, fänäsengesin ekewe imw lon ei telinimw, pwal fänäsengesin imwen ekewe kingen Juta mi katatiu, pwe ekewe aramas repwe aea le epetiir seni ekewe ororen maun me ewe ketilas:

Isikiel 21:31

Üpwe awarato ai song womi, üpwe wusi ngenikemi choun ai lingeringer o asechikemiilong lepöün aramas mi mwänewüs o silelap le kata.

Isikiel 26:8

Iwe, Nepukatnesar epwe niela chon telinimwom kewe mi nom won ewe fanü watte ren ketilas. Nöün kewe sounfiu repwe aüetä eu tittin maun, repwe senätä eu oror o amolätä ar pisekin epet.

Sefanaia 1:8

Iei alon ewe Samol mi Lapalap, “Lon ewe ränin asor üpwe apwüngü ekewe meilap me nöün ewe king kewe mwän, pwal meinisin mi föri örünien chon ekis.