Amos 1:5 - Chuukese Bible

⁵ Üpwe ataetiu asamalapen ewe telinimw Tamaskus o ärala chokewe mi imweimw lon ewe lemolun Awen, pwal ätewe mi nemenem lon Peteten. Iwe, ekewe chon Siria repwe oola Kir.” Iei usun mine ewe Samol mi Lapalap a apasa.

Amos 1:5 Iomraidhean Croise

2. King 14:28

Nge lusun pworausen än Jeropoam föför meinisin, an pwora me an maun, pwal usun an aliwinisefäli Tamaskus me Hamat ngeni Israel, a mak lon puken uruwon ekewe kingen Israel.

2. King 16:9

Iwe, ewe kingen Asiria a aüselinga än Ahas tüngor. A feila pwe epwe maun ngeni Tamaskus, a liapeni ewe telinimw o uweela aramasan ngeni Kir, a pwal niela ewe king Resin.

Aisea 22:6

Iwe, ekewe sounfiu seni Elam ra feito won war oris fän nöür likapich me föün esefich, nge ekewe sounfiu seni Kir ra amolätä ar kewe tittin maun.

Aisea 43:14

Iei alon ewe Samol mi Lapalap ämi Chon Amanau, Ewe mi Pin lon Israel, “Üpwe tinala eu mwichen sounfiu Papilon fän itemi, üpwe atekisonätiu ekewe chon Papilon o asüsüfeiliir, pwe ar mweireir epwe wiliti ngüngüres.

Aisea 8:4

Pun mwen än ewe semirit epwe tongeni apasa ‘semei’ ika ‘inei’, ewe kingen Asiria epwe akom le uwala wöün Tamaskus me pisekin Samaria.”

Jeremaia 50:36

Mäla epwe tori ekewe soupwe, pwe repwe wiliti chon umwes. Mäla epwe tori nöür kewe sounfiu, pwe repwe rükö.

Jeremaia 51:30

Ekewe sounfiun Papilon ra ükütiu le maun, ra chök nonom lon ar kewe imwen maun mi pöchökül. A kisikisila letiper, ra wewe ngeni fefin. Asamalapen ewe telinimw Papilon ra tala, nge ekkei a kenala ekewe imw lon.

Kölün kechü 2:9

Ekewe asamalapen Sion ra irela fän ekewe ioien mettoch mi ta. Kot a kupi o atatakisi amwöchür kewe. Än Sion kewe king me ekewe samol ra oola lein chon ekewe mwü. Esap chüen wor eman a aiöü ngeni aramas ewe allük, esap chüen wor künan ekewe soufos me ren ewe Samol mi Lapalap.

Isikiel 27:23

Chon Haran, chon Kanne, chon Eten, ekewe chon amömö seni Sepa, pwal chon Asur me chon Kilmat ra amömö ngonuk.

Isikiel 30:17

Ekewe alüal seni On me Pipeset repwe mäla lon maun, nge chokewe mi chüen nom lon ekei telinimw repwe oola.

Osea 10:8

Ekewe lenien fel won ekewe leni tekia mi nom Awen, ewe ia chon Israel ra tipis me ie, repwe tala. Iräfölüföl me pötöwölingau repwe märitä won ar kewe rongen asor. Mürin ekewe aramas repwe üreni ekewe chukutekia, “Oupwe pwölükeemila,” repwe pwal üreni ekewe chukutekison, “Oupwe turutiu wom.”

Amos 5:5

Ousap küttaei lon Petel, ousap feila Kilkal ika Persepa. Pun chon Kilkal repwe oola, nge Petel epwe tala.”

Amos 9:7

Iwe, ewe Samol mi Lapalap a apasa, “Ämi chon Israel, oua wewefengen me ekewe chon Itiopia me rei. Üa emwenawu ekewe chon Filistia seni Kaftor me ekewe chon Siria seni Kir usun chök üa emwenikemiiwu seni ewe fanü Isip.

Nahum 3:13

Noum kewe sounfiu ra usun chök fefin. Fanüom a suk ngeni chon oputom, nge ekkei epwe kenala amwöchün asamen telinimwom.