Amos 1:3 - Chuukese Bible

³ Iei alon ewe Samol mi Lapalap, “Chon Tamaskus ra chök sopwela le föri tipis, iei mine üpwe fokun apwüngüür. Ra wichi chon Kiliat ren pisekin wichiwich seni mächä, usun eman a wichi umwun wiich.

Amos 1:3 Iomraidhean Croise

1. King 19:17

Iö epwe sü pokiten Hasael a ekiekin niela, Jehu epwe niela, nge iö epwe sü pokiten Jehu a ekiekin niela, Elisa epwe niela.

2. King 13:3

Iei mine ewe Samol mi Lapalap a song ngeni chon Israel, pwe fansoun langatam a atolongeer fän nemenien Hasael ewe kingen Siria, pwal fän nemenien Penhatat nöün Hasael we mwän.

2. King 13:7

Iwe, esap chüen wor nöün Jehoahas mwichen sounfiu, chilon chök lime chon wawa oris, engol waan woken me engol ngeröü sounfiu mi fetal. Pun ewe kingen Siria a niela ekewe lusun o ipweriir pwe ra usun chök pwül moromor.

2. King 16:9

Iwe, ewe kingen Asiria a aüselinga än Ahas tüngor. A feila pwe epwe maun ngeni Tamaskus, a liapeni ewe telinimw o uweela aramasan ngeni Kir, a pwal niela ewe king Resin.

2. King 8:12

Nge Hasael a ais, “Ai samol, pwota ka kechü?” Elisa a pälüeni, “Pokiten üa silei ekewe föför mi ngau kopwe föri ngeni ekewe aramasen Israel. Kopwe kenala ar kewe leni mi pöchökül o niela nöür kewe alüal ren ketilas, kopwe pwal apunätiu nöür kewe semirit, pwe repwe tatakis, o tineni luken ekewe fefin mi pwopwo.”

Hiop 19:3

Fän chomong oua esitaei. Ifa usun, ousap säw ren ämi föri ngeniei mine esepwüng?

Hiop 5:19

Kot epwe angasok seni wonu weires, nge lon fisu weires esap wor och feiengau epwe toruk.

Än Salomon Fos 6:16

Mir wor fisu föför ewe Samol mi Lapalap a oput, esap fokun tipeeu ngeni:

Än Salomon Afalafal 11:2

Kopwe inetifeseni woum ngeni chomong, pun kosap silei met sokun feiengau epwe toruk won fanüfan.

Aisea 28:27

Ekewe sokun angangen wichiwich umwun irä resap wewefengen. Ewe chon tanipi esap wichi uän nofitin mongö ren efoch wok mi öümong ika ren pisekin wichiwich mi chou, nge a wichi uän nofitin mongö ren efoch wok mi pwas.

Aisea 41:15

Nengeni, üpwe föri senuk eu pisekin wichiwich umwun wiich, epwe minefö o ken, epwe pwal wor fölün. Kopwe wichi ekewe chukutekia o atatakisiir, kopwe pwal awili ekewe chukutekison ngeni pön wiich.

Aisea 7:16

Nge mwen ewe ät epwe sile pälüeni mine a ngau o filätä mine a öch, fanüen ekewe ruoman king en ka niueitiir epwe tala.

Aisea 7:8

Pun Tamaskus epwe chök samolun telinimwen Siria, Resin epwe chök samolun Tamaskus, nge Israel epwe tatakis mürin wone me limu ier, pwe esap chüen eu mwü.

Aisea 8:4

Pun mwen än ewe semirit epwe tongeni apasa ‘semei’ ika ‘inei’, ewe kingen Asiria epwe akom le uwala wöün Tamaskus me pisekin Samaria.”

Amos 1:11

Iei alon ewe Samol mi Lapalap, “Chon Etom ra chök sopwela le föri tipis, iei mine üpwe fokun apwüngüür. Ra tapweri pwiir kewe chon Israel fän ketilas, nge resap eäni tong ngeniir. Esap wor aükükün ar song, nge ra chök amwöchüfochei.

Amos 1:13

Iei alon ewe Samol mi Lapalap, “Chon Amon ra chök sopwela le föri tipis, iei mine üpwe fokun apwüngüür. Ra tileni luken fefin mi pwopwo me lon Kiliat, lupwen ar maun fän iten ar repwe awatteela kiännin fanüer.

Amos 1:6

Iei alon ewe Samol mi Lapalap, “Chon Kasa ra chök sopwela le föri tipis, iei mine üpwe fokun apwüngüür. Ra liapeni chon eu mwü meinisin o amömörela ngeni chon Etom.

Amos 1:9

Iei alon ewe Samol mi Lapalap, “Chon Tirus ra chök sopwela le föri tipis, iei mine üpwe fokun apwüngüür. Ra liapeni o amömöla chon eu mwü meinisin ngeni Etom, nge resap chechemeni ewe pwonen pwipwi.

Amos 2:1

Iei alon ewe Samol mi Lapalap, “Chon Moap ra chök sopwela le föri tipis, iei mine üpwe fokun apwüngüür. Ra kenala chün ewe kingen Etom tori ra wiliti falang.

Amos 2:4

Iei alon ewe Samol mi Lapalap, “Chon Juta ra chök sopwela le föri tipis, iei mine üpwe fokun apwüngüür. Ra pöütala ai kewe allük, nge resap tümwünü ai kewe pwüüng. Ra tokola ren anümwäl, mine ar kewe lewo ra fen angang ngeni.

Amos 2:6

Iei alon ewe Samol mi Lapalap, “Chon Israel ra chök sopwela le föri tipis, iei mine üpwe fokun apwüngüür. Ra amömöla ekewe chon pwüng ngeni moni pwe repwe amanau, ra pwal amömöla ekewe chon mwelele resap tongeni mwo nge mönätiu liwinimangen eu pea chori.

Sekaraia 9:1

Iei än ewe Samol mi Lapalap kapasen apwüng ngeni ewe fanü Hatrak, a pwal nonom won ewe telinimw Tamaskus. Iwe, mesen ekewe aramas meinisin pwal mesen chon ekewe ainangen Israel meinisin ra netä ngeni ewe Samol mi Lapalap.

Sekaraia 9:2

Kot a pwal eäni kapasen apwüng ngeni Hamat mi nom won kiännin Hatrak, pwal ngeni ekewe telinimw Tirus me Siton, inamwo ika ir ra fokun tipachem.