Amos 1:2 - Chuukese Bible

² Iwe, Am a üra, “Ewe Samol mi Lapalap a leüömong le kökkö seni ewe chuk Sion o aronga mwelian seni Jerusalem. Ekewe lenien enen sip ra pwasala, ewe fetil won ewe chuk Karmel a aiolol.”

Amos 1:2 Iomraidhean Croise

Kölfel 29:4

Möngüngün ewe Samol mi Lapalap a manaman. Möngüngün ewe Samol mi Lapalap a fokun amwarar.

Kölfel 46:6

Chon ekewe mwü ra fokun niuokus, nge mwün ekewe king ra taroporop. Iwe, lupwen Kot a akkapwas, fanüfan a telila.

Än Salomon Fos 20:2

Än eman king lingeringer a usun chök wörüwörün eman laion, nge eman mi asonga a püsin afeiengaua manauan.

Aisea 33:9

Ewe fanü a aiolol o pwasapwas, ewe wöllapen Lepanon a pwasala. Ewe lemolun Saron mi pwülüöch a usun chök eu fanüapö, nge ekewe irä won Pasan me Karmel ra amworala chör.

Aisea 35:2

Epwe fokun ämärätä irä, epwe mwänek fän pwapwa me köl. Iwe, epwe lingeni lingen Lepanon, epwe pwal pwülüöch usun pwülüöchün ekewe tanipi lon Karmel me Saron. Iwe, aramasan meinisin repwe küna lingen ewe Samol mi Lapalap, repwe pwal mefi tekian ach we Kot.

Aisea 42:13

Ewe Samol mi Lapalap a feito usun eman chon pwora, a fokun tiliken le ekiekin maun usun eman sounfiu. Iwe, a eäni ewe arukaken maun o pwärawu an pwora ngeni ekewe chon oputan.

Jeremaia 12:4

Ifa ükükün fansoun än ewe fanü epwe pwasapwas, nge fetilin lon iteiten mälämäl epwe pwasala? Ekewe man me mansüsü ra ärela pokiten ekewe aramas mi nom lon ewe fanü ra föföringau, ir ekewe aramas mi apasa, “Kot esap küna mine sa föri.”

Jeremaia 14:2

“Juta a letipeta, an kewe telinimw ra mwatötö. Ekewe aramasen Juta ra kechü lepwül, nge chon Jerusalem ra siö.

Jeremaia 25:30

Iei mine kopwe osuni ngeniir ekei kapas meinisin o üreniir, ‘Ewe Samol mi Lapalap epwe kökkö fän leüömong seni läng, epwe alapatä mwelian seni lenian mi pin. Epwe fokun kökkö fän leüömong ngeni nöün aramas o mweir usun chokewe mi puri föün wain. Epwe apwas ngeni chon fanüfan meinisin.

Jeremaia 28:8

Ekewe soufos mi akom mwom me mwei ra osuni seni me lomlom usun maun, lengita me mätter fän äsengesin chomong fanü me mwü mi lap.

Jeremaia 50:19

Üpwe aliwinisefäli chon Israel ngeni fanüer. Repwe mongö seni ewe chuk Karmel me ewe fanü Pasan. Repwe fokun mötüla ren ar mongö seni ewe chukun Efraimw me ewe fanü Kiliat.

Osea 11:10

Iwe, nei aramas repwe tapweto müri, lupwen üpwe wörüwör ngeni chon oputeer usun eman laion. Iwe, repwe müttir feito rei seni lotou.

Osea 13:8

Üpwe fiu ngenikemi o atatakisikemi usun mine eman pear a föri, lupwen aramas ra angei seni apanan kana. Ikenan üpwe oromikemiila usun eman laion a oromala liapan, üpwe atatakisikemi usun eman manmwacho a atatakisi liapan.

Sowel 1:19

Ai Samol mi Lapalap, üa siö ngonuk, pun ekewe lenien fetil me ekewe irän lemäl meinisin ra pwasala, ra usun chök nge ekkei a kenirela.

Sowel 2:11

Iwe, ewe Samol mi Lapalap a kökkö fän leüömong me mwen an mwichen sounfiu. Ewer, an mwich a fokun watte, nge iteiter mi aleasochisi an kapas ra pwora. Iwe, ränin ewe Samol mi Lapalap a fokun eniwokus. Iö a tongeni pwäk le nonom lon?

Sowel 3:16

Iwe, ewe Samol mi Lapalap a leüömong le kökkö seni Sion, mwelian a towu seni Jerusalem, iwe, läng me fanüfan ra chechech ren. Nge ewe Samol mi Lapalap epwe eu lenien op fän iten nöün aramas, pwal eu imwen maun mi pöchökül fän iten chon Israel.

Amos 9:3

Inamwo are ra püsin op won ungen ewe chuk Karmel, üpwe kütteer ikenan o turufiir. Inamwo are ra opola seniei fänilolun matau, üpwe allük ngeni eman mönün leset mi fokun watte pwe epwe küür me ikenan.

Nahum 1:4

A apwüngü ewe matau o apwasapwasatä, a akotätä ekewe chanpupu meinisin. Ekewe tanipi lon Pasan ra aiolol, irän won ewe chuk Karmel ra oleol lechör, nge ekewe pön irän Lepanon ra aiemämä.

1. Samuel 25:2

A wor eman mwän lon Maon mi wor fanüan lon Karmel. Ei mwän a fokun pisekisek. A wor ülüngeröü nöün sip me engeröü nöün kuuch. Iwe, a fichi ülöülen nöün sip lon Karmel.