Amos 1:1 - Chuukese Bible

¹ Ikkei ekewe kapas än Am, eman chon masen sip seni Tekoa. Ruu ier mwen ewe chechechin fanü, lupwen Usia a king lon Juta, nge Jeropoam nöün Jehoas we a king lon Israel, Kot a pwäri ngeni Am ekei mettoch fänäsengesin Israel.

Amos 1:1 Iomraidhean Croise

2. Samuel 14:2

Mürin, a titila Tekoa pwe eman fefin mi tipachem epwe feito seni ikenan. Lupwen a war, Joap a üreni, “Kopwe tipin lapalapeni lapalapen eman chon letipeta o üföüf üfen chon letipeta. Kosap epituk noppuk, nge kopwe pwomweni pwomwen eman fefin mi letipeta chomong rän fän iten eman mi mäla.

1. King 19:19

Iwe, Elias a feila seni ikenan o küna Elisa nöün Safat we mwän, a tuw pwül ren engol me ruoman pean ätemwänin kow, nge i a nom ren ewe engol me ruuen pea. Elias a feila ren o noutätä üfan owokot won Elisa.

2. King 14:21

Iwe, ekewe aramasen Juta meinisin ra seikätä Ussia, pwe epwe siwili Amasia saman we lon wisan wisen king. Ussia a ierini engol me wonu, lupwen a seikitä.

2. King 14:23

Iwe, lon engol me limuen ierin mwün Amasia nöün Joas we ewe kingen Juta, Jeropoam nöün Jehoas we a tolong lon wisan wisen king o nemeni Israel. A nom lon Samaria o nemenem lon ükükün faik me eu ier.

2. Kronika 11:6

Petleem, Etam, Tekoa,

2. Kronika 20:20

Iwe, ekewe aramas ra pwätä lesosorusichin sorotän ewe rän o feila lon ewe fanüapön Tekoa. Nge lupwen ra feila, Jehosafat a ütä mwer o üreniir, “Oupwe aüselingaei, ämi chon Juta me chon Jerusalem. Oupwe anomu ämi apilükülük won ewe Samol mi Lapalap ämi we Kot, pwe oupwe üpöchökül, oupwe pwal lükü mine nöün kewe soufos ra ürenikemi, pwe oupwe win.”

Ekistos 3:1

Lon ena fansoun Moses a foleni epwi pwiin sip nöün semen pwülüan we itan Setiro ewe souasoren Mitian. A emwenala folenian sip lotoun ewe fanüapö o tori ewe chukun Kot itan Horep.

Aisea 1:1

Iei künään Aisea nöün Am we mwän usun Juta me Jerusalem, a küna lon mwün ekewe king iter Ussia, Jotam, Ahas me Hiskia.

Jeremaia 1:1

Iei apworausaen Jeremaia nöün Hilkia we mwän, i eman me lein ekewe souasor mi nom lon Anatot lon fanüen Peniamin.

Jeremaia 28:8

Ekewe soufos mi akom mwom me mwei ra osuni seni me lomlom usun maun, lengita me mätter fän äsengesin chomong fanü me mwü mi lap.

Jeremaia 6:1

Ämi chon ewe ainangen Peniamin, oupwe sü seni Jerusalem o sü ngeni anaie oupwe kinamwe me ie. Oupwe ettiki ewe rappwa me lon Tekoa, oupwe aüetä eu asisil won Pet-akerem, pun feiengau me tatakis mi watte epwe feito seni efeng.

Jeremaia 7:27

Iei mine, Jeremaia, kopwe üreniir ekei kapas meinisin, nge ir resap aüseling ngonuk. Kopwe kökköriir, nge ir resap päpälüen.

Osea 1:1

Iei ewe pworaus ewe Samol mi Lapalap a asile ngeni Osea nöün Peri we mwän lon mwün ekewe kingen Juta iter Usia, Jotam, Ahas me Hiskia, pwal lon mwün Jeropoam nöün Joas we mwän ewe kingen Israel.

Amos 7:14

Mürin, Amos a pälüeni Amasia, “Sap ngang eman soufos, sap pwal ngang eman nöün soufos. Ngei ngang chök eman chon masen sip me chon tümwünü ekewe irä sikamor.

Mika 1:1

Iwe, lon mwün Jotam, Ahas me Hiskia ekewe kingen Juta, ewe Samol mi Lapalap a kapas ngeni Mik ewe re Moreset. Iei usun mine a pwäri ngeni Mik fänäsengesin Samaria me Jerusalem:

Sekaraia 14:5

Nge ämi oupwe aleni ewe lemol le sü, pun ewe lemol mi fis lefilen ekewe chuk a tori Asel. Ewer, ämi oupwe sü usun ämi kewe lewo ra sü ren ewe chechechin fanü mi fis lon mwün Usia ewe kingen Juta. Mürin, ewe Samol mi Lapalap ai we Kot epwe feito, nge ekewe chon pin meinisin repwe eti.

Mateus 4:18

Iwe, lupwen Jesus a fetal arun ewe nomun Kalilea, a küna ruoman pwipwi, ir chon attau, Simon, a pwal iteni Petrus me pwiin we Andru, ra aturätiu nöür chew lon ewe noom.

1. Korint 1:27

Nge Kot a filätä ekewe mi umwes me ren fanüfan, pwe epwe asäwa ekewe chon tipachem. Kot a pwal filätä ekewe mi apwangapwang me ren fanüfan, pwe epwe asäwa ekewe chon pöchökül.