Akai 2:6 - Chuukese Bible

⁶ Pun iei alon ewe Samol mi Unusen Manaman, “Mürin fansoun mochomoch üpwe achechasefäli läng me fanüfan, pwal matau me fanüpwas.

Akai 2:6 Iomraidhean Croise

Hiop 9:6

A achecha fanüfan o amwökütü seni lenian, a pwal achecha üran kana.

Kölfel 18:7

Iwe, fanüfan a chechech o mwöükük, nge longolongun ekewe chuk ra pwal chechech o chüngüchüng pokiten än Kot song.

Kölfel 37:10

Lon fansoun mochomoch echök ekewe aramasangau resap chüen nom. Inamwo are kopwe küttafichiir lon lenier, nge resap nom ikenan.

Aisea 10:25

Pun mürin fansoun mochomoch chök ai song ngenikemi epwe wes, nge mürin üpwe song ngeni ekewe chon Asiria pwe repwe feiengau.

Aisea 13:13

Iei mine üpwe achecha läng, nge fanüfan epwe mwöküt seni lenian lon ewe rän, lupwen ngang ewe Samol mi Unusen Manaman üpwe pwärawu ai song mi fokun watte.

Aisea 2:19

Ekewe aramas repwe sülong lon pwangen achau pwal lon pwangen fän pwül me mwen än ewe Samol mi Lapalap song me lingen an manaman, lupwen a feito pwe epwe achecha fanüfan.

Aisea 29:17

Ifa usun, esap fansoun mochomoch chök pwe ewe chuk Lepanon epwe wiliti eu tanipi mi pwülüöch, nge ewe tanipi mi pwülüöch epwe usun chök eu lenien wöllap?

Aisea 34:4

Iwe, akkar me maram me fü kana repwe telila, läng epwe numufengen usun echö toropwe, nge minen läng meinisin repwe turutiu usun chön irän wain ika chön irä fiik ra mworotiu.

Jeremaia 33:14

Iei alon ewe Samol mi Lapalap, “Epwe war ewe fansoun, üpwe apwönüetä ewe pwon üa föri ngeni ekewe chon Israel me chon Juta.

Jeremaia 51:33

Papilon a wewe ngeni eu lenien wichiwich umwun wiich, lupwen fansoun aramas ra puri ewe wiich. Ekis echök fansoun, mürin ewe wiich mi kinikin epwe nom lon ewe leni. Ngang ewe Samol mi Unusen Manaman ewe Koten Israel üa kapas.”

Isikiel 38:19

Pun lon ekimongun letipei, pwal lon watten ai lingeringer üa pwärätä, pwe lon ewe rän epwe fis eu chech mi fokun lapalap lon ewe fanü Israel.

Isikiel 38:20

Ekewe ikenen leset, ekewe machang, ekewe man mi watte me kükün meinisin, pwal aramasen won fanüfan meinisin repwe chechech me mwei. Chuk kana repwe turula, achau repwe mökküla, nge tit kana meinisin repwe turutiu won pwül.

Sowel 3:16

Iwe, ewe Samol mi Lapalap a leüömong le kökkö seni Sion, mwelian a towu seni Jerusalem, iwe, läng me fanüfan ra chechech ren. Nge ewe Samol mi Lapalap epwe eu lenien op fän iten nöün aramas, pwal eu imwen maun mi pöchökül fän iten chon Israel.

Föför 2:19

Üpwe awarato manaman seni läng o föri asisil won fanüfan. Epwe wor cha me ekkei me kuchu mi ötüöt usun ötüötün ekkei.

Ipru 10:37

Pun a mak lon ekewe Toropwe mi Pin, “Ekis chök fansoun mürin ätewe epwe feito epwe war, esap mang.

Pwärätä 11:9

Iwe, lon ükükün ülüngat esop rän aramasen ekewe mwü me ainang me kapas me mwich repwe nenengeni ekewe somä, nge resap mwütätä pwe repwe peias.