Akai 2:5 - Chuukese Bible

⁵ Lupwen oua towu seni lon Isip, üa fen pwon ngenikemi pwe üpwe etikemi. Ngüni a nonom lefilemi, iei mine ousap niuokus.”

Akai 2:5 Iomraidhean Croise

2. Kronika 20:17

Ämi ousap fiu lon ei maun. Oupwe atettelikemi o ükütä chök. Oupwe nengeni usun än ewe Samol mi Lapalap awinnakemi.’ Ämi chon Juta me chon Jerusalem, ousap niuokus, ousap pwal rükö. Lesor oupwe feila maun ngeniir, nge ewe Samol mi Lapalap epwe etikemi.”

Nehemia 9:20

Ka lifang ngeniir Ngünum mi mürina, pwe epwe öüröüreer, ka pwal amongö ngeniir om mana o aünü ngeniir koluk.

Nehemia 9:30

Chomong ier ka mosonotam ngeniir, ka ngeni noum kewe soufos Ngünum pwe repwe tongeni fönöör, nge resap mochen aüselinga. Iei mine ka atolongeer fän nemenien ekoch mwü.

Ekistos 19:4

‘Oua fen küna mine üa föri ngeni chon Isip, pwal usun üa uweekemi usun eman ikel a uwei nöün won pöükässin o uweekemiito rei.

Ekistos 19:6

pwe oupwe eu mwichen souasor me eu mwü mi pin fan itei.’ Ikkei ekei kapas kopwe asile ngeni ekewe aramasen Israel.”

Ekistos 24:3

Iwe, Moses a feila o üreni ekewe aramas alon ewe Samol mi Lapalap meinisin, pwal ekewe allük meinisin. Nge ekewe aramas meinisin ra pälüenipökü o apasa, “Meinisin mine ewe Samol mi Lapalap a apasa aipwe föri.”

Ekistos 24:8

Iwe, Moses a angei ewe cha lon ekewe sepi, a ütätä won ekewe aramas o apasa, “Iei chan ewe pwon ewe Samol mi Lapalap a föri ngenikemi pwe longolongun ekei kapas meinisin.”

Ekistos 34:10

Mürin, Kot a üreni Moses, “Iei üpwe föri eu pwon lefilei me ekewe chon Israel. Üpwe föri manaman me fän mesen ekei aramas meinisin, sokun manaman resamwo fis won unusen fanüfan ika lon eu mwü. Iwe, ekewe aramas meinisin ka nom leir repwe küna ekewe föför mi eniwokus ngang ewe Samol mi Lapalap üpwe föri fän itom.

Ekistos 34:8

Iwe, Moses a müttir chapetiu lepwül o fel ngeni.

Aisea 41:10

Iwe, kosap niuokus, pun ngang üa etuk, kosap pwal apilüküngau, pun ngang om Kot. Üpwe apöchökülok, üpwe pwal alisuk. Üpwe fokun tümwünuk o amanauok.

Aisea 41:13

Pun ngang om Kot ewe Samol mi Lapalap üa amwöchü pöüifichum, pwal ngang ätewe mi ürenuk, ‘Kosap niuokus, ngang üpwe alisuk.’”

Sekaraia 4:6

Mürin, ewe chon läng a üreniei, “Iei alon ewe Samol mi Lapalap ngeni Serupapel: Esap fis om angang ren pöchökül, esap pwal fis ren manaman, nge epwe fis ren Ngüni. Ngang ewe Samol mi Unusen Manaman üa kapas.

Sekaraia 8:13

Ämi chon Juta me chon Israel, chon ekewe mwü ra piin eänikemi apööpö lon ar kapasen ottek. Nge iei üpwe amanauakemi pwe aramas repwe eänikemi apööpö lon ar kapasen feiöch. Ousap niuokus, nge oupwe apöchökülakemi.”

Sekaraia 8:15

Nge iei üa pwal ekiekietä pwe üpwe afeiöchü Jerusalem me ekewe chon Juta lon ekei rän. Iei mine ousap niuokus.

Mateus 28:5

Nge ewe chon läng a üreni ekewe fefin, “Ousap niuokus. Üa silei pwe oua kütta Jesus ewe mi iräpenges.

Föför 27:24

o üreniei, ‘Kosap niuokus Paulus! Kopwe fokun ütä me mwen ewe Sisar. Nge Kot, lon an kirikiröch epwe pwal amanaua chokewe meinisin mi etuk lon ei sai.’

Josua 1:9

Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”

Josua 8:1

Iwe, ewe Samol mi Lapalap a üreni Josua, “Kosap niuokus ika rükö. Kopwe feila o maun ngeni Ai, nge ekewe sounfiu meinisin repwe etuk. Nengeni, üa atolonga fän nemeniom ewe kingen Ai me nöün aramas, an telinimw me fanüan.

Pwärätä 1:17

Iwe, lupwen üa küna i, üa chapetiu arun pechen, nge üa usun chök eman aramas mi mäla. Mürin a wätä pöüifichin woi o apasa, “Kosap niuokus! Ngang ewe Aemanün me ewe Amüchülan.

1. Samuel 12:20

Iwe, Samuel a üreni ekewe aramas, “Ousap niuokus. Ewer, oua föri ei föför mi ngau, nge ousap chök kul seni ewe Samol mi Lapalap, nge oupwe angang ngeni ren unusen lelukemi.