Akai 2:4 - Chuukese Bible

⁴ Nge iei oupwe apworachokemi, ämi Serupapel me Josua, pwal ämi aramasen ei fanü meinisin. Oupwe angang, pun ngang üpwe etikemi.

Akai 2:4 Iomraidhean Croise

2. Samuel 5:10

Nge Tafit a pöpöchökülela, pun Kot ewe Samol mi Unusen Manaman a eti.

1. Kronika 22:13

Are kopwe tümwünüöchü le apwönüetä ekewe allük me pwüüng ewe Samol mi Lapalap a allük ngeni Moses fän iten chon Israel, mürin kopwefefeitä. Kopwe pöchökül o tipepwora, kosap niuokus, kosap pwal apilükingau.

1. Kronika 28:20

Mürin, Tafit a üreni Salomon nöün we, “Kopwe pöchökül o tipepwora, pwe kopwe föri ei angang. Kosap niuokus, kosap pwal tipemwaramwar, pun Kot ewe Samol mi Lapalap ai we Kot epwe etuk. I esap tümwününgau ngonuk, esap pwal likituk tori angangen imwan imwenfel epwe wes.

Esra 10:18

Ikkei iten ekewe mwän seni ekewe souasor mi pwüpwülü ngeni fin ekis: Maseia, Elieser, Jarip me Ketalia seni ewe familien Jesua nöün Jehosatak me pwin kewe.

Esra 5:2

Mürin Serupapel nöün Sealtiel me Jesua nöün Jehosatak ra ütä o popuetä le aüsefälietä ewe imwen Kot lon Jerusalem. Nge nöün Kot kewe soufos ra etiir o alisiir.

Ekistos 3:12

Iwe, Kot a pälüeni, “Ngang üpwe etuk. Ei epwe eu asisil ngonuk pwe ngang üa tinuk: Are ka emwenawu ekewe aramas seni lon Isip, epwe fis pwe oupwe fel ngeniei won ei chuk.”

Akai 1:13

Mürin, Akai nöün ewe Samol mi Lapalap we chon künö a asile ngeni ekewe aramas alon ewe Samol mi Lapalap, “Ngang üpwe etikemi.”

Sekaraia 4:6

Mürin, ewe chon läng a üreniei, “Iei alon ewe Samol mi Lapalap ngeni Serupapel: Esap fis om angang ren pöchökül, esap pwal fis ren manaman, nge epwe fis ren Ngüni. Ngang ewe Samol mi Unusen Manaman üa kapas.

Sekaraia 8:9

Iei alon ewe Samol mi Unusen Manaman, “Ämi mi rongorong ekei kapas lon ekei rän seni ekewe soufos mi nom lon ewe rän, lupwen longolongun ewe Imwenfel a för, oupwe apöchökülakemi pwe ewe Imwenfel epwe kaüsefälitä.

Markus 16:20

Iwe, ekewe chon kaiö ra feila o afalafal ekis meinisin. Nge ewe Samol a etiir lon ar angang o anüküchara ar afalafal pwe a let ren ekewe manaman ra föri.]

Föför 7:9

Iwe, nöün Jakop kewe mwän ra lolowo ngeni pwiir we Josef, pwe ra amömöla an epwe eman amanau lon Isip. Nge Kot a eti i

1. Korint 16:13

Oupwe mamasa, oupwe üppos lon ämi lükülük, oupwe eäni sokun mwän, oupwe pöchökülela.

Efisos 6:10

Iwe, iei ai kapasen lesopolan: Oupwe apöchökülakemi lon ach Samol pwal lon pöchökülen an we manaman.

Tuteronomi 31:23

Mürin, ewe Samol mi Lapalap a awisa Josua nöün Nun we mwän ngeni wisan o apasa, “Kopwe apöchökülok o tipepwora, pun en kopwe emwenalong ekewe aramasen Israel lon ewe fanü üa pwon fän akapel pwe üpwe ngeniir. Ngang üpwe etuk.”

2. Timoty 2:1

Iwe, en nei, kopwe pöchökül ren ewe ümöümöch mi nom lon Kraist Jesus.

2. Timoty 4:17

Nge ach Samol a nom rei, a atufichiei pwe üpwe tongeni arongafeili unusen ewe Kapasen Kot, pwe ekewe chon lükün Israel meinisin repwe rongorong. Iwe, üa ngas seni ar apwüngüei ngeni mäla.

Josua 1:6

Kopwe apöchökülok o tipepwora. Pun en kopwe afanüa ekei aramas ngeni ewe fanü üa pwon fän akapel ngeni ar kewe lewo pwe üpwe ngeniir.

Josua 1:9

Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”

Soukapwüng 2:18

Iwe, iteiten fansoun, lupwen ewe Samol mi Lapalap a filätä soukapwüng fän iter, a eti ewe soukapwüng o amanaua ekewe aramas seni chon oputeer lon ükükün ränin manauen ewe soukapwüng. Pun ewe Samol mi Lapalap a tongeäsiniir pokiten ar riaföü ren chokewe mi ariaföüür o aweiresiir.

1. Samuel 16:18

Iwe, eman lein ekewe chon angang a üra, “Üa küna eman mwän nöün Jesi ewe re Petleem, a silelap le ettik. I eman mwän mi pwora, eman soumaun, a pwal silelap le fos o äteöch, nge ewe Samol mi Lapalap a eti.”