Akai 2:3 - Chuukese Bible

³ “Iö me leimi a küna lingen ewe Imwenfel me lom? Met oua küna ikenai? Ifa usun, esap lapalapangau lon ämi nengeni?

Akai 2:3 Iomraidhean Croise

1. Kronika 22:5

Iwe, Tafit a üra, “Nei alüal Salomon a ier kükün, esamwo sip le angang, nge ewe imwenfel epwe aüetä fän iten ewe Samol mi Lapalap epwe fokun amwarar, epwe pwal föüla o ling lein chon ekewe fanü meinisin. Iei mine üpwe amolätä pisek fän itan.” Iei usun Tafit a amolätä chomong pisek me mwen an mäla.

Esra 3:11

Iwe, ra kölün mwareiti ewe Samol mi Lapalap o kilisou ngeni, “Ewe Samol mi Lapalap a kirikiröch, an tong ellet ngeni chon Israel a nonom tori feilfeilachök.” Iwe, ekewe aramas ra leüömong le kökkö, lupwen ra mwareiti ewe Samol mi Lapalap, pun a fis longolongun ewe imwenfel.

Esra 3:12

Nge chomong me lein ekewe souasor me ekewe mwän seni ewe ainangen Lefi, pwal ekewe mwänirelan än semer kewe cho, ir ekewe chinlap mwän mi küna ewe aeuin imwenfel, ra leüömong le kechü, lupwen ra küna pwe a fis longolongun ei imwenfel. Nge pwal chomong me lein ekewe aramas ra fokun leüömong fän ar pwapwa.

Aisea 64:10

Om kewe telinimw mi pin ra wiliti eu fanüapö. Iwe, Jerusalem a wiliti eu lenien tatakis o pön.

Isikiel 7:20

Me lom ra sikesik ren fouter seni kolt mi aüchea. Ra pwal aea ekewe kolt o föri ar kewe uluulun anümwäl mi anioput. Iei mine ewe Samol mi Lapalap a anioputa ekewe mettoch me rer.

Akai 2:9

Iwe, lingen ei Imwenfel epwe lapalap seni lingen ewe Imwenfel me lom. Ngang üpwe fangeto lon ei leni wöü me kinamwe.” Iei alon ewe Samol mi Unusen Manaman.