Akai 2:22 - Chuukese Bible

²² o aturätiu ekewe mwü. Üpwe awesi nemenemen ekewe king mi nemeni ekewe mwü, üpwe pwal alupala ekewe woken fiti ekewe chon wawa. Ekewe oris me chon wäniir repwe mäla, pun iteiten eman me eman leir epwe niela en me chienan.

Akai 2:22 Iomraidhean Croise

2. Kronika 15:6

Eu mwü a maun ngeni pwal eu mwü, nge eu telinimw a maun ngeni pwal eu telinimw, pun Kot a aweiresiir ren sokopaten riaföü.

2. Kronika 20:22

Nge lupwen ra popuetä le kölün mwareiti Kot, ewe Samol mi Lapalap a awarato niuokus watte won ekewe mwichen sounfiu seni Amon me Moap me Etom mi töki ewe fanü Juta.

2. Kronika 20:23

Iwe, ekewe re Amon me Moap ra maun ngeni ekewe re Etom o wesewesen aroserela. Nge lupwen ra wes le aroserela, ra püsin sapefengen o nifengeniir.

Kölfel 46:9

A aükätiu maun won unusen fanüfan, a kupi ekewe likapich o pwülü ekewe siles, a fisi ngeni ekkei ekewe wokenin maun.

Kölfel 76:6

Ai Kot än Jakop we Kot, ren om apwüngü ekewe chon wawa oris me ekewe oris ra turula o mäla.

Ekistos 14:17

Nge ngang üpwe aföreai letipen chon Isip pwe repwe tapwelong müriir. Iwe, üpwe alingaei won Farao me nöün mwicheichen sounfiu, won wan woken me oris, pwal won nöün sounfiu mi wawa oris.

Ekistos 14:28

Lölön lon a liwinfengen o pwölüela ekewe woken me ekewe sounfiu mi wawa oris, nöün Farao mwichen sounfiu meinisin mi tapweralong chon Israel lon ewe sät. Esap fokun wor eman leir a chüen manau.

Ekistos 15:19

Ekewe aramasen Israel ra fetal won pwasapwasen epin ewe sät. Nge lupwen nöün Farao oris me wan woken pwal nöün sounfiu mi wawa oris ra pwal tolong lon, ewe Samol mi Lapalap a aliwinato lölön ewe sät wor.

Ekistos 15:4

A aturalong leset nöün Farao woken me oris, pwal nöün mwicheichen sounfiu. Nöün meilapen sounfiu mi lipwäköch ra mop lon ewe Setipar.

Aisea 19:2

Iwe, ewe Samol mi Lapalap a üra, “Üpwe afiu chon Isip pwe eman epwe fiufengen me pwin, iteiten eman me eman epwe fiu ngeni chon arun. Eu telinimw epwe ü ngeni pwal eu telinimw, nge eman mi mochen king epwe ü ngeni ewe king.

Aisea 60:12

Nge chon ekewe mwü resap mochen angang ngonuk repwe rosola, fanüer epwe fokun tala.

Aisea 9:19

Pokiten än ewe Samol mi Unusen Manaman song ewe fanü a karala, nge ekewe aramas ra usun chök amüch lon ekkei. Esap wor eman a tongei pwiin.

Isikiel 21:27

Üpwe atai, üpwe atai, üpwe atai ewe telinimw. Esap chüen kaüsefäl tori epwe war ätewe mine wesewesen an. Iwe, ngang üpwe awisa ngeni meinisin.”

Isikiel 26:16

Mürin, samolun ekewe fanüen aroset meinisin repwe tötiu seni ar lenien motun samol, repwe pwilitawu üfer owokot me üfer mi chü. Iwe, repwe mot won pwül fän chechech, repwe pwal fokun rükö ren mine a fis ngonuk, nge resap fokun ükütiu le chechech.

Isikiel 38:21

Üpwe awarato niuokus watte won Kok ren sokopaten feiengau mi fis ngeni. Ngang Kot ewe Samol mi Lapalap üa kapas. Iteiten eman me eman epwe fiu ngeni chiechian fän nöün ketilas.

Isikiel 39:20

Üpwe amötükemi me won ai chepel ren oris me chon wäniir, pwal ren chon pwora me sounfiu mi chomong.’ Ngang Kot ewe Samol mi Lapalap üa kapas.

Taniel 8:25

Pokiten an tipachemsolä an angangen atuputup epwe fisiöch, epwe pwal lamalamtekia lon lelukan. Iwe, epwe arosala chomong aramas mwen resamwo mefi, epwe pwal fiu ngeni ewe Samol mi lap seni samol meinisin. Mürin epwe ninnila, nge sap ren pöün eman aramas.

Amos 2:15

Ekewe chon esefich repwe kuf, ekewe sounfiu mi müttir le sä resap tongeni sü, nge ekewe chon wawa oris resap pwal tongeni püsin amanaueer.

Mika 5:10

Iei alon ewe Samol mi Lapalap, “Lon ena fansoun üpwe angei senikemi nöümi kewe oris o ataela wämi kewe woken.

Mika 5:15

Fän ai song me lingeringer üpwe ngeni chon ekewe mwü resap aleasochis chappen ar föför.”

Mika 5:8

Iwe, chokewe mi chüen manau seni mwirimwirin Jakop repwe nonom lein chon ekewe mwü usun eman laion lein ekewe manmwachon lein wöllap, usun eman nienifön laion mi nom lein epwi pwiin sip, epwe puriretiu o atatakisiir, nge esap wor eman a tongeni amanaueer.

Mika 5:9

Chon Israel repwe akufu chon oputeer meinisin o aroserela.

Mika 7:16

Chon ekewe mwü repwe küna ei o säw, pokiten ar pöchökül meinisin a sü seniir. Repwe pwölüela awer o pinela selinger fän ar mitingau.

Sefanaia 3:8

Iei alon ewe Samol mi Lapalap, “Oupwe chök witiwitiei, oupwe witiwiti ewe rän, lupwen üpwe ütä o atipisi chon ekewe mwü. Pun üa fen apwüngala pwe üpwe achufengeni chon ekewe fanü me mwü, pwe üpwe awarato wor ai chou me ai song mi fokun watte. Pun unusen fanüfan epwe tala ren ekkeiin ai lingeringer.

Sekaraia 10:11

Iwe, repwe pwerela lon ewe matauen riaföü, nge ngang ewe Samol mi Lapalap üpwe aluai ewe matau o apwasatä epilolun ewe chanpupu Nil. Chon Asiria mi lamalamtekia repwe küna tekison, nge än Isip nemenem epwe wesila.

Sekaraia 10:5

Ir meinisin repwe usun chök mwän mi pöchökül lon maun, repwe purätiu chon ü ngeniir lon pwakaken ekewe al. Repwe maun, pun ewe Samol mi Lapalap a etiir, repwe pwal akufu ekewe chon oputer mi wawa oris.

Sekaraia 12:9

Lon ena fansoun üpwe arosala chon ekewe mwü meinisin mi maun ngeni Jerusalem.

Sekaraia 14:3

Mürin, ewe Samol mi Lapalap epwe feito o maun ngeni chon ekewe mwü, usun a fen föri lon fansoun maun.

Sekaraia 4:6

Mürin, ewe chon läng a üreniei, “Iei alon ewe Samol mi Lapalap ngeni Serupapel: Esap fis om angang ren pöchökül, esap pwal fis ren manaman, nge epwe fis ren Ngüni. Ngang ewe Samol mi Unusen Manaman üa kapas.

Sekaraia 9:10

Ewe Samol mi Lapalap a apasa, “Ngang üpwe ärala ekewe wokenin maun seni Israel me ekewe orisin maun seni Jerusalem, nge ekewe esefichin maun repwe ärela. Ämi King epwe awora kinamwe ngeni chon ekewe mwü, nge an nemenem epwe seni eu matau tori pwal eu, pwal seni ewe chanpupu Oifrat tori lesopun fanüfan.”

Mateus 24:7

Fanü me fanü repwe fiufengen o mwü me mwü repwe maunfengen. Epwe wor lengita me chechechin fanü ekis meinisin.

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”

Soukapwüng 7:22

Nge lupwen ekewe re Israel ra ettiki nöür kewe ülüpükü rappwa, ewe Samol mi Lapalap a föri pwe iteiten eman me eman sounfiun Mitian a fiu ngeni püsin chienan. Iwe, ewe mwichen sounfiu a süla tori Petsita sasape ngeni Serera, pwal tori ewe kiännin Apel-mehola arun Tappat.

1. Samuel 14:16

Iwe, nöün Saul chon mas mi nom Kipea lon ewe fanü Peniamin ra küna pwe chomong aramasen Filistia ra säfetal fän ar osukchöü.