Akai 2:19 - Chuukese Bible

¹⁹ Inamwo ika esap chüen wor föün wiich lon ämi lenien iseis, nge ekewe irän wain me fik me apel me olif resap mwo ua. Nge seni ikenai üpwe afeiöchükemi.”

Akai 2:19 Iomraidhean Croise

Keneses 26:12

Iwe, Isaak a tanipi lon ewe fanü, nge lon ena ier a kinikin fän ipükü lap seni mine a fotuki, pun ewe Samol mi Lapalap a afeiöchü Isaak.

Hiop 39:12

Ifa usun, ka apilükülükü pwe epwe uwato kiniom wiich o ionato ngeni om lenien wichiwich umwun wiich?

Kölfel 133:3

A pwal usun chök amurenipwinin ewe chuk Hermon, a püngütiu won ekewe chukun Sion. Pun ikenan ewe Samol mi Lapalap a anomu an feiöch, ewe manau esemüch.

Kölfel 84:12

Ai Samol mi Unusen Manaman, a feiöch ewe aramas mi lükü en.

Jeremaia 31:12

Iwe, repwe feito o köl fän pwapwa me won ewe chuk Sion, repwe meseik ren ai lifang ngeniir, ren ekewe föün wiich me wain me apüra, pwal ren ekewe nienifön sip me kow. Iwe, repwe usun chök eu tanipi mi atütü ngeni koluk, nge resap chüen aiengau.

Jeremaia 31:14

Üpwe amötü ekewe souasor ren mongö mi annö, nge nei aramas repwe mötüla ren ai kewe lifang mi somwola. Ngang ewe Samol mi Lapalap üa kapas.”

Sowel 1:12

Iwe, ewe irän wain a pwasala, ewe irä fiik a mäla. Ekewe irä palm, ekewe irä apel me ringo, pwal ekewe lusun irän lemäl meinisin ra pwasala. Iwe, esap chüen wor än aramas pwapwa.

Sowel 2:14

Eli ewe Samol mi Lapalap ämi we Kot epwe siwili an ekiek o afeiöchükemi ren chomong uän ämi irä. Mürin, oua tongeni eäni asoren mongö me asoren ün ngeni.

Akai 1:11

Iwe, üa awarato eu fansoun pwasapwas won ewe fanü, won ekewe chukuchukutä me ekewe tanipin wiich, won ekewe tanipin wain me ekewe irä olif, pwal won meinisin mine a märitä won ewe fanü. Üa pwal awarato eu fansoun pwasapwas won aramas me man kana, pwal won ar angang meinisin.”

Malakai 3:10

Oupwe uwato unusen ämi leengol lon ewe imwenfel, pwe epwe wor mongö lon imwei we. Ren ei oupwe sotuniei ika üsap suki ekewe asammwachon läng fän itemi o ninätiu womi chomong sokun feiöch mi somwola.

Mateus 6:33

Nge oupwe chök ekieki lon letipemi ewe Mwün Kot me pwüngün, iwe, i epwe ngenikemi ekei mettoch meinisin.

Tuteronomi 15:10

Iwe, oupwe kichiöch le fang ngeni pwimi we, nge ousap ekipwichi lon lelukemi, lupwen oua fang ngeni och. Pun are oua kichiöch, ewe Samol mi Lapalap ämi we Kot epwe afeiöchükemi lon ämi angang meinisin, pwal lon meinisin mine oua popuetä le föri.

Tuteronomi 28:22

Ewe Samol mi Lapalap epwe afeiengaukemi ren fius me pwichikar me pwo. Epwe tinala won fanüemi pwichikar watte me pwasapwas, moi me mesenipik. Ekei feiengau repwe torikemi tori oupwe rosola.