Akai 2:17 - Chuukese Bible

¹⁷ Iwe, üa afeiengaua meinisin mine oua fotuki ren mwoi me mesenipik me üten fau. Nge ämi ousap kul ngeniei.

Akai 2:17 Iomraidhean Croise

Keneses 42:23

Iwe, resap silei pwe Josef a wewe ren ar fos, pun eman a wisen aföü lefiler.

Keneses 42:27

Nge lupwen eman leir a sukala an we tuk pwe epwe amongöü nöün aas lon ewe leni ia repwe möür ie, a küna nöün moni leawen an we tuk.

Keneses 42:6

Iwe, lon ewe fansoun Josef a kepinan ewe fanü, nge i chök a tongeni amömö ngeni chon fanü meinisin. Iwe, pwin Josef kewe ra pwal feito ren o chapetiu lepwül me mwan.

1. King 8:37

Iwe, are a fis lengita lon ewe fanü, are a wor mätter ika moi ika mesenipik ika lifichimas ika muun, are chon oputer repwe pwelifeili eu lein ar kewe telinimw fän pisekin maun, ese lifilfil meni sokun riaföü ika samau a fis,

2. Kronika 28:22

Nge lon an riaföü, ei king Ahas a fen alapala an tipis ngeni ewe Samol mi Lapalap.

2. Kronika 6:28

Iwe, are a fis lengita lon ewe fanü, are a wor mätter ika moi ika mesenipik ika lifichimas ika muun, are chon oputeer repwe pwelifeili eu lein ar kewe telinimw fän pisekin maun, ese lifilifil met sokun riaföü ika samau a fis,

Hiop 36:13

Iwe, chokewe resap aleasochisi Kot ra chök sossong. Nge lupwen Kot a apwüngüür, resap siö ngeni pwe epwe alisiir.

Kölfel 128:2

Kopwe mongö uän angangen poum, kopwe pwapwa o feiöch.

Kölfel 78:46

A amongöü ngeni ekewe müün fotar irä, nge ekewe lifichimas ra eni uän ar tanipi.

Aisea 28:2

Nengeni, a fen wor eman mi manaman o pöchökül, ewe Samol epwe tinala, a usun chök eu ütten fau mi afeiengau me eu mölümöl, pwal usun chök üt mi püngümong me eu noter. Iwe, i epwe aturala Samaria won pwül fän pöchökül.

Aisea 37:27

Iei mine esap chüen wor pöchökülen chon ekewe telinimw, ra niuokus me rükö. Iwe, ra wewe ngeni fetilin lemäl pwal fetil mi pwüküfö, ra pwal wewe ngeni fetilin won osun imw a pwasala mwen an epwe märitä.

Aisea 42:25

Iei mine Kot a awarato an song won chon Israel o afeiengaueer lon maun. Iwe, an song mi usun ekkei a küriir, nge resap mirit ren, a keniir, nge resap ekieki usun.

Aisea 62:8

Ewe Samol mi Lapalap a pwon fän akapel, nge epwe apwönüetä ren an manaman, “Üsap chüen ngeni chon oputemi enemi mongö, nge chon ekis resap chüen ünümi ünümemi wain oua angang weires ngeni.

Aisea 9:13

Nge ekewe chon Israel resap ekieksefäl. Inamwo ika ewe Samol mi Unusen Manaman a feiengaueer, nge resap kul ngeni.

Jeremaia 3:24

Nge ren äm fel ngeni ewe anü Paal mi ässäw, aia lus won meinisin mine äm kewe lewo ra angang ngeni seni me lom. Aia lus won nöüm pwiin sip me kow, pwal nöüm alüal me föpwül.

Jeremaia 5:3

Ai Samol mi Lapalap, ifa usun, kosap kütta aramas mi wenechar? En ka niir, nge ir resap mefi riaföü. Ka afeiengaueer, nge ir resap mochen miritila ren. Ra tipepöchökül, nge resap fokun mochen ekieksefäl.

Amos 4:6

Iei alon ewe Samol mi Lapalap, “Ngang ewe mi awarato lengita lon ämi kewe telinimw meinisin, pwe esap wor enemi lon leniemi kewe. Iei mwo nge ämi ousap liwinto rei.

Akai 1:11

Iwe, üa awarato eu fansoun pwasapwas won ewe fanü, won ekewe chukuchukutä me ekewe tanipin wiich, won ekewe tanipin wain me ekewe irä olif, pwal won meinisin mine a märitä won ewe fanü. Üa pwal awarato eu fansoun pwasapwas won aramas me man kana, pwal won ar angang meinisin.”

Akai 1:6

Oua fotuki chomong, nge oua kini chokükün. Oua mongö o ün, nge ousap fokun möt ren. Oua aüföüfakemi, nge ousap mefi kinamwe ren, nge ir mi angei liwinin ar angang ra usun chök nge ra iseni liwinir lon eu lenien iseis mi wor pwang lon.”

Akai 1:9

Oua apilükülükü eu räs mi watte, nge oua chök angei chokükün. Lupwen oua iseis resin fanüemi lon ämi imwen iseis, üa ataela. Met popun? Pokiten imwei Imwenfel a tala, nge oua chök ekieki usun en me imwan.

Akai 2:16

ifa usun, met a fis ngenikemi? Lupwen eman a ekieki pwe a wor ren ükükün föpükü paun kinian föün wiich, a chök wor ruupükü, nge lupwen eman a feito lon lenien wüchüch föün iran wain o ekiekin üfi lime kalon, a chök üfi rüe.

Malakai 3:11

Ngang üsap mwüt ngeni ekewe lifichimas pwe repwe atai uän ämi pwül, nge ämi kewe irän wain mi nom lemäl repwe ukua.

Tuteronomi 28:22

Ewe Samol mi Lapalap epwe afeiengaukemi ren fius me pwichikar me pwo. Epwe tinala won fanüemi pwichikar watte me pwasapwas, moi me mesenipik. Ekei feiengau repwe torikemi tori oupwe rosola.

Pwärätä 2:21

Üa ngeni neminei fansoun an epwe aier seni an tipis, nge esap mochen ükütiu seni an föförün lisowu.