Akai 2:15 - Chuukese Bible

¹⁵ Iei alon ewe Samol mi Lapalap, “Ouse mochen oupwe ekieki mine epwe fis seni ikenai. Mwen oua popueta le aüsefälieta ewe Imwenfel,

Akai 2:15 Iomraidhean Croise

Esra 3:10

Iwe, lupwen ekewe chon kaü imw ra föri longolongun imwenfelin ewe Samol mi Lapalap, ekewe souasor ra ütä rer fän üfer üföüfen souasor, pwal fän nöür kewe rappwa. Nge ekewe mwän seni ewe ainangen Lefi, ekewe mwirimwirin Asaf, ra ütä fän ar pisekin kaktai, pwe repwe mwareiti ewe Samol mi Lapalap usun Tafit ewe kingen Israel a aiti ngeniir me lom.

Esra 4:24

Mürin, angangen won ewe imwen Kot lon Jerusalem a kaüla tori aruuen ierin mwün Tarius ewe kingen Persia.

Kölfel 107:43

Iön mi tipachem epwe iseis ekei mettoch lon lelukan o ekieki usun än ewe Samol mi Lapalap tong ellet.

Aisea 5:12

A wor nöümi kitar me rappwa, ämi pisekin kaktai me nöümi aangün pwal ünümemi wain, lupwen oua mongöfengen. Nge ousap ekieki usun mine ewe Samol mi Lapalap a föri, ousap pwal ingeiti angangen pöün.

Osea 14:9

Iö mi tipachem epwe weweiti mine a mak ikei, iö mi mirit epwe ekieki usun lon lelukan. Pun än ewe Samol mi Lapalap kewe al ra wenechar, ekewe chon pwüng ra fetal wor, nge ekewe chon tipis ra chepetek wor o turula.

Akai 1:5

Iei mine oupwe ekieki usun mine a fis ngenikemi.

Akai 1:7

Iei alon ewe Samol mi Unusen Manaman, “Oupwe ekieki usun mine a fis ngenikemi.

Akai 2:16

ifa usun, met a fis ngenikemi? Lupwen eman a ekieki pwe a wor ren ükükün föpükü paun kinian föün wiich, a chök wor ruupükü, nge lupwen eman a feito lon lenien wüchüch föün iran wain o ekiekin üfi lime kalon, a chök üfi rüe.

Akai 2:18

Iwe, ikenai rüe me rüanün ränin ewe atiuen maram, ewe rän longolongun ewe Imwenfel a wes. Oupwe ekieki usun mine epwe fis seni ikenai.

Sekaraia 8:10

Pun mwen ekana rän esap wor mön än eman aramas angang ika än eman man angang, esap pwal wor eman a tongeni föri an angang fän kinamwe pokiten chon oputan. Pun üa föri pwe aramas repwe fitikokofengen.

Sekaraia 8:11

Nge iei üsap chüen föri ngeni ekei aramas mi chüen manau, usun mine üa piin föri me lom.

Nöün Paulus Toropwe ngeni ekewe Souläng lon Rom 6:21

Met sokun feiöch oua angei seni ekei föför oua föriir me lom? Iei oua säw ren, pun sopolor mäla.

1. Korint 11:31

Nge are sia akomwen atittinakich, Kot esap apwüngükich.