Akai 1:8 - Chuukese Bible

⁸ Iei oupwe feita won ekewe chukuchukuta o angang irä, pun oupwe aüsefälieta ewe Imwenfel pwe üpwe pwapwa o küna ling ren.

Akai 1:8 Iomraidhean Croise

1. King 6:1

Iwe, lon ewe föpükü waliken ier mürin än ekewe aramasen Israel towu seni ewe fanü Isip, lon arüanün ierin än Salomon nemeni Israel, fän ewe maram Sif, iei aruuen maram, Salomon a popuetä le aüetä imwen ewe Samol mi Lapalap.

1. King 9:3

Iwe, ewe Samol mi Lapalap a üreni, “Üa aüselinga om iotek me om tüngor ka eäni ngeniei. Üa apini ei imwenfel ka aüetä pwe epwe eu leni üpwe imweimw lon tori feilfeilachök. Üpwe mamasa ei leni o tümwünü fansoun meinisin.

1. Kronika 22:19

Iei oupwe anomu lon ämi ekiek pwal lon lelukemi, pwe oupwe angang ngeni ewe Samol mi Lapalap ämi we Kot. Oupwe popuetä le aüetä ewe imw mi pin imwen Kot ewe Samol mi Lapalap, pwe an we pworofel me an kewe sepi mi pin repwe nom lon ewe imwenfel mi kaütä fän itan.”

2. Kronika 7:16

Pun ngang üa filätä ei imw o apini pwe epwe eu leni üpwe imweimw lon tori feilfeilachök. Üpwe mamasa ei leni o tümwünü fansoun meinisin.

Esra 3:7

Mürin ra ngeni ekewe chon ses fau me ekewe taiku moni pwe liwinin ar angang. Ra pwal ngeni ekewe chon Siton me Tirus ener me ünümer me apüra, pwe repwe uwato irä setar seni Lepanon ngeni ewe matau o uweela tori Joppa, usun Sirus ewe kingen Persia a fen mwütätä.

Esra 6:4

Etippan kewe epwe wor ülüngat sässärin fau mi watte me eu sässärin irä, nge liwinin ewe angang epwe towu seni än ewe king lenien iseis moni.

Ekistos 29:43

Eiia üpwe churi chon Israel ie, ei leni epwe pin, pun ai ling epwe nom lon.

Aisea 60:13

Iwe, repwe uwato ekewe irä saipires me asas me pain, ekewe irä mi mürina seni wöllapen Lepanon, pwe repwe eäniir le aüsefäliiketä, en Jerusalem. Repwe eäniir le alinga imwei mi pin, pwal ai telinimw.

Aisea 60:7

Aramas repwe emwenato reöm ekewe pwiin sip seni Ketar, pwal ekewe ätemwänin sip seni Napaiot fän iten asor. Iwe, ewe Samol mi Lapalap epwe etiwa ewe asor ra keni won an rongen asor. Epwe pwal alingöchü imwan mi ling.

Aisea 66:11

Pun oupwe chip ren, usun eman semirit a chip ren oupun inan, oupwe pwal pwapwa o möt ren wöün mi ling o somwola.”

Akai 1:7

Iei alon ewe Samol mi Unusen Manaman, “Oupwe ekieki usun mine a fis ngenikemi.

Akai 2:7

Üpwe amwökütükütü mwün fanüfan meinisin, wöür meinisin epwe tori ei leni, üpwe pwal aurala ei Imwenfel ren ling.

Akai 2:9

Iwe, lingen ei Imwenfel epwe lapalap seni lingen ewe Imwenfel me lom. Ngang üpwe fangeto lon ei leni wöü me kinamwe.” Iei alon ewe Samol mi Unusen Manaman.