Akai 1:6 - Chuukese Bible

⁶ Oua fotuki chomong, nge oua kini chokükün. Oua mongö o ün, nge ousap fokun möt ren. Oua aüföüfakemi, nge ousap mefi kinamwe ren, nge ir mi angei liwinin ar angang ra usun chök nge ra iseni liwinir lon eu lenien iseis mi wor pwang lon.”

Akai 1:6 Iomraidhean Croise

2. Samuel 21:1

Iwe, lon mwün Tafit a fis eu lengita lon ükükün ülüngat ier. Iei mine Tafit a churi ewe Samol mi Lapalap ren ei mettoch. Nge ewe Samol mi Lapalap a üra, “Saul me chon leimwan ra tipisin nimanau, pun Saul a niela chon Kipeon.”

1. King 17:12

Iwe, neminewe a üreni, “Mwo manauen ewe Samol mi Lapalap om we Kot, esap mwo nge wor rei pilawa mi um. Mi chök wor ekumwuch pilawa mi amas lon eu sepi me ekis apüra lon eu rume. Iei üa rusi ekoch mwüch, pun üpwe feila o amolätä ewe mongö fän itei me fän iten nei we ät, pwe aipwe mongö. Mürin aipwap mäla ren echik.”

Nehemia 5:2

Pun mi wor ekoch ra apasa, “Äm me nöüm kewe aia chomong. Aia tüngor pwe aipwe angei wiich pwe aipwe mongö o manau.”

Hiop 20:22

Lupwen a fokun wöümong, osupwang epwe tori, nge riaföü mi fokun pöchökül epwe feitiu won.

Hiop 20:28

Aramas repwe angeala pisekin lon imwan, repwe uweala lon ewe ränin än Kot lingeringer.

Kölfel 107:34

A awili eu fanü mi pwülüöch ngeni eu fanüapö mi uren salt, pun chon ewe fanü ra föföringau.

Än Salomon Fos 11:24

Mi wor aramas ra fangafangöch, nge ra chök pisekisekila. Mi pwal wor aramas ra fangangau, nge ra chök wöüngauala.

Aisea 5:10

Eu tanipin wain ükükün langataman me chölapan walik ngaf epwe chök awora limu kalon wain. Nge ren engol tuk föün wiich ra fotuki, repwe chök kini ükükün eu tuk.”

Jeremaia 12:13

Ra amwora föün wiich, nge ra kini iräfölüföl, ra olusumwäliir le angang, nge esap wor lomotan. Repwe säw ren mine ra kini pokiten ai song mi watte.”

Jeremaia 14:4

Ewe pwül a sangang, pun esap püng üt won ewe fanü. Ekewe chon tanipi ra letipeta o pwölüela mökürer.

Jeremaia 44:18

Nge seni ewe fansoun aia ükütiu le keni apach mi pwokus ngeni ewe kiwinen läng o kaüla le ninätiu ngeni asoren ün, aia osupwangen mettoch meinisin, aramas ra mäla lon maun pwal ren lengita.”

Osea 4:10

Repwe mongö, nge resap möt. Repwe föri angangen lisowu, nge resap chomongola, pokiten ra likitieila ngang ewe Samol mi Lapalap, pwe repwe fangala inisir ngeni angangen lisowu.

Osea 8:7

Iwe, ra amorafeili asepwäl, nge repwe kini eu ewiniär. Esap wor föün ekewe irä wiich, iei mine esap wor pilawa mi amas. Nge are epwe fen wor, chon ekis repwe eni.

Lifitikos 26:20

Epwe solapmwälila ämi pöchökül le angang ngeni ewe pwül, pun irän fanüemi resap mämäritä, resap pwal ua.

Lifitikos 26:26

Lupwen üpwe akisikisala enemi mongö, epwe fis pwe engol fefin repwe umuni ener pilawa lon eu chök um. Mürin repwe paunei ewe pilawa o ineti. Iwe, oupwe mongö, nge ousap möt ren.

Akai 1:10

Iei mine läng a amwöchü amurenipwin, nge fanüfan esap amärätä irä mi ua.

Akai 1:5

Iei mine oupwe ekieki usun mine a fis ngenikemi.

Akai 1:7

Iei alon ewe Samol mi Unusen Manaman, “Oupwe ekieki usun mine a fis ngenikemi.

Akai 1:9

Oua apilükülükü eu räs mi watte, nge oua chök angei chokükün. Lupwen oua iseis resin fanüemi lon ämi imwen iseis, üa ataela. Met popun? Pokiten imwei Imwenfel a tala, nge oua chök ekieki usun en me imwan.

Akai 2:16

ifa usun, met a fis ngenikemi? Lupwen eman a ekieki pwe a wor ren ükükün föpükü paun kinian föün wiich, a chök wor ruupükü, nge lupwen eman a feito lon lenien wüchüch föün iran wain o ekiekin üfi lime kalon, a chök üfi rüe.

Akai 2:17

Iwe, üa afeiengaua meinisin mine oua fotuki ren mwoi me mesenipik me üten fau. Nge ämi ousap kul ngeniei.

Sekaraia 5:4

Ewe Samol mi Unusen Manaman a apasa pwe epwe tinato ewe anümamau. Epwe tolong lon imwen ewe chon solä, pwal lon imwen ätewe mi akapelmwäl fän itan. Iwe, epwe nonom lon imwer o ataretiu, epwe ataela ekewe irä me fau.”

Sekaraia 8:10

Pun mwen ekana rän esap wor mön än eman aramas angang ika än eman man angang, esap pwal wor eman a tongeni föri an angang fän kinamwe pokiten chon oputan. Pun üa föri pwe aramas repwe fitikokofengen.

Malakai 2:2

Oupwe asamoluei. Nge are ousap mochen aüselinga mine üa ürenikemi, mürin üpwe awarato anümamau womi o anümamaua feiöchümi kewe. Ellet, üa fen anümamaueer pokiten ousap ekieki ai kewe kapas lon lelukemi.

Tuteronomi 28:17

Epwe anümamaua masouen ämi kewe chük pwe esap wor chomong uän irä lor, epwe pwal anümamaua ewe mongö oua amolätä seni.