Akai 1:2 - Chuukese Bible

² Ewe Samol mi Unusen Manaman a üreni Akai, “Ekei aramas ra apasa pwe esamwo tori fansoun ar repwe aüsefälieta Imwenfelin ewe Samol mi Lapalap.”

Akai 1:2 Iomraidhean Croise

2. King 12:7

Iei mine ewe king Joas a körifengeni ewe souasor Jehoiata me ekewe lusun souasor o üreniir, “Pwota ousap försefäli ewe imwenfel? Iei ousap chüen angei moni seni aramasemi fän itemi, pun ewe moni epwe fän iten försefälin mine a ta me won ewe imwenfel.”

Esra 4:23

Iwe, lupwen ewe toropwe seni ewe king Artaksasta a alea me fän mesen Rehum me Simsai ewe soumak pwal chiechier kewe, ra müttir feila Jerusalem ren ekewe chon Juta o aükätiu ar angang fän pöchökül.

Nehemia 4:10

Lon ei fansoun ekewe chon Juta ra apasa, “Pöchökülen ekewe chon uwouchou a kisikisila, a pwal wor chomong ioien pipi. Äm aisap tongeni awesi ewe angang ngeni ewe tit.”

Än Salomon Fos 22:13

Ewe chon chipwang a apasa, “A wor eman laion lükün imwei, a tongeni fis pwe üpwe mäla won ewe al.”

Än Salomon Fos 29:25

Om niuokusiti aramas, iei eu sär fän itom, nge are ka apilükülükü ewe Samol mi Lapalap, kosap feiengau.

Än Salomon Afalafal 11:4

Eman mi chök nenengeni asepwäl me kuchu, nge esap angang, esap fis an fofot me kinikin.

Än Salomon Afalafal 3:3

A wor fansoun niela pwal fansoun apöchökülätä, a wor fansoun ataela pwal fansoun aüetä.

Än Salomon Afalafal 9:10

Kopwe achocho le angang lon mettoch meinisin ka föri, pun esap wor och angang, ekiek, silelap ika tipachem lon lenien sotup ewe ia kopwe feila ie.

Akai 1:1

Lon aruuen ierin mwün Tarius ewe kingen Persia, lon aeuin ränin ewe awonuen maram, ewe Samol mi Lapalap a kapas ngeni ewe soufos Akai fän iten Serupapel nöün Sealtiel we mwän ewe kepinan Juta, pwal fän iten Josua nöün Jehosatak we mwän ewe souasor mi lap.

Akai 1:3

Mürin, alon ewe Samol mi Lapalap a tori ekewe aramas ren ewe soufos Akai,

Numperis 13:31

Nge chienen Kalep kewe mi eti le feitä ra apasa, “Sisap tongeni fiu ngeni ekewe aramas, pun ra kon pöchökül senikich.”