Akai 1:12 - Chuukese Bible

¹² Mürin, Serupapel nöün Sealtiel we me Josua nöün Jehosatak ewe souasor mi lap, pwal ekewe lusun aramas mi chüen manau ra aleasochisi alon ewe Samal mi Lapalap ar we Kot, pwal alon ewe soufos Akai, pun ewe Samol mi Lapalap ar we Kot a tinala rer. Iwe, ekewe aramas meinisin ra meniniti ewe Samol mi Lapalap.

Akai 1:12 Iomraidhean Croise

Keneses 22:12

Nge ewe chon läng a apasa, “Kosap afeiengaua ewe ät. Iei üa silei pwe ka niueiti Kot, pun kosap achika noum aleman seni.”

Esra 10:18

Ikkei iten ekewe mwän seni ekewe souasor mi pwüpwülü ngeni fin ekis: Maseia, Elieser, Jarip me Ketalia seni ewe familien Jesua nöün Jehosatak me pwin kewe.

Esra 5:2

Mürin Serupapel nöün Sealtiel me Jesua nöün Jehosatak ra ütä o popuetä le aüsefälietä ewe imwen Kot lon Jerusalem. Nge nöün Kot kewe soufos ra etiir o alisiir.

Kölfel 112:1

Ousipwe mwareiti ewe Samol mi Lapalap. A feiöch ewe aramas mi niuokusiti ewe Samol mi Lapalap, mi pwapwaiti an epwe aleasochisi an kewe allük.

Än Salomon Fos 1:7

Ach niuokusiti ewe Samol mi Lapalap iei popun silelap. Nge ekewe chon tiparoch ra oput tipachem me ekewe kapasen öüröür.

Än Salomon Afalafal 12:13

Iwe, oupwe rong ei kapasen lesopolan: Oupwe niueiti Kot o alesochisi an kewe allük, pun iei a fichiti aramas meinisin.

Aisea 1:19

Are oupwe achocho le aleasochisiei, oupwe mongö seni öchün uän ewe fanü.

Aisea 50:10

Iö leimi a niueiti ewe Samol mi Lapalap o aleasochisi alon nöün we chon angang? Ätewe mi fetal lon rochopwak, nge esap küna och saram, epwe chök lükü ewe Samol mi Unusen Manaman o apilükülükü an we Kot.

Akai 1:1

Lon aruuen ierin mwün Tarius ewe kingen Persia, lon aeuin ränin ewe awonuen maram, ewe Samol mi Lapalap a kapas ngeni ewe soufos Akai fän iten Serupapel nöün Sealtiel we mwän ewe kepinan Juta, pwal fän iten Josua nöün Jehosatak we mwän ewe souasor mi lap.

Akai 1:14

Iwe, ewe Samol mi Lapalap a apöchökülätä letipen Serupapel ewe kepinan Juta me letipen Josua ewe souasor mi lap, pwal letipen ekewe lusun aramas mi chüen manau, pwe ra feito o angang ngeni Imwenfelin ewe Samol mi Unusen Manaman ar we Kot.

Akai 2:2

A kapas ngeni Akai pwe epwe üreni Serupapel ewe kepinan Juta me Josua ewe souasor mi lap, pwal ekewe lusun aramas meinisin mi chüen manau,

Föför 9:31

Iwe, lon ena fansoun a fis pwe a kinamwela ekewe mwichefel lon unusen Jutea, Kalilea me Samaria. Ra pöchökülela o chochomongola ren än ewe Ngünmifel alilis o ra manau ren ar asamolu ach Samol.

Tuteronomi 31:12

Iwe, oupwe emwichafengeni ekewe aramas, mwän, fefin me semirit, pwal ekewe chon ekis mi nom lon ämi kewe telinimw, pwe meinisin repwe rongorong o kaiö usun ar repwe meniniti ewe Samol mi Lapalap ämi we Kot o tümwünüöchü le apwönüetä kapasen ei allük meinisin.

Tuteronomi 31:13

Iwe, nöür resamwo silei ei allük repwe rong o kaiö usun ar repwe meniniti ewe Samol mi Lapalap ämi we Kot lon ükükün ränin ar nonom lon ewe fanü oupwe le feila lon pekilan ewe chanpupu Jortan, pwe oupwe fanüeni.”

Kolose 1:6

Ei Pworausen Manau a akatoto feiöch, a chöfetal won unusen fanüfan usun a fen fis lefilemi, seni ewe rän oua kärän popuetä le rongorong o weweöchiti än Kot ümöümöch mi wesewesen enlet.

Ipru 12:28

Iei mine ousipwe kilisou, pun sia mwüni eu mwü esap tongeni siwil. Ousipwe kilisou o fel ngeni Kot fän suföl me menin lon eu lapalap i epwe pwapwa ren,