Akai 1:1 - Chuukese Bible

¹ Lon aruuen ierin mwün Tarius ewe kingen Persia, lon aeuin ränin ewe awonuen maram, ewe Samol mi Lapalap a kapas ngeni ewe soufos Akai fän iten Serupapel nöün Sealtiel we mwän ewe kepinan Juta, pwal fän iten Josua nöün Jehosatak we mwän ewe souasor mi lap.

Akai 1:1 Iomraidhean Croise

1. King 10:15

lükün mine a tolong seni takisesin ekewe chon amömö me winnen ekewe chon amömö, pwal takises seni ekewe kingen Arapia meinisin me ekewe kepinan ewe fanü Israel.

1. King 14:18

Iwe, chon Israel meinisin ra kechüeiti o peiaseni, usun ewe soufos Ahia nöün ewe Samol mi Lapalap we chon angang a apasa fän alon.

2. King 14:25

Jeropoam a angeesefäli ekewe kinikinin fanü chon Israel ra fanüeni me lom seni ewe al mi ale ngeni Hamat a nom efeng tori ewe Setin Mäla a nom ör, usun ewe Samol mi Lapalap ewe Koten Israel a kapas ngeni nöün we chon angang Sona nöün Amitai we mwän, ewe soufos seni Kat-hefer.

1. Kronika 3:17

Ikkei ir mwirimwirin Jehoiachin kewe, ätewe mi oola Papilon. Nöün Jehoiachin kewe mwän: Sealtiel,

1. Kronika 3:19

Nöün Petaia kewe mwän: Serupapel me Shimei. Nge nöün Serupapel kewe mwän: Meshulam me Hanania pwal fefiner we itan Selomit.

Esra 1:8

Iwe, Sirus ewe kingen Persia a atorolong fän nemenien Mitretat ewe chon tümwünü moni. Ätei a aleani ekewe pisek ngeni Sespasar ewe samolun Juta.

Esra 10:18

Ikkei iten ekewe mwän seni ekewe souasor mi pwüpwülü ngeni fin ekis: Maseia, Elieser, Jarip me Ketalia seni ewe familien Jesua nöün Jehosatak me pwin kewe.

Esra 2:2

Iwe, nöür kewe souemwen Serupapel, Jesua, Nehemia, Seraia, Reelaia, Mortekai, Pilsan, Mispar, Pikwai, Reum me Paana. Iei iteiten ekewe mwän seni ekewe aramasen Israel mi liwinsefäl seni ar oola:

Esra 2:63

Iwe, ewe kepina a üreniir pwe resap tongeni mongö seni ewe mongö mi unusen pin, tori epwe wor eman souasor mi tongeni kütta pwüngün ren ewe Urim me Tumim .

Esra 3:2

Mürin, Jesua nöün Jehosatak we mwän fiti chienan kewe souasor me Serupapel nöün Sealtiel we mwän fiti aramasan kewe ra senätä än ewe Koten Israel we rongen asor pwe repwe eäni asoren kek won, usun a mak lon ewe allük än Moses ewe aramasen Kot.

Esra 3:8

Iwe, lon ewe aruuen maramen ewe aruuen ierin ar liwinla ren ewe imwen Kot lon Jerusalem, Serupapel nöün Sealtiel me Jesua nöün Jehosatak ra popuetä ewe angang, nge märärir kewe, ekewe souasor me chon ewe ainangen Lefi, pwal meinisin mi liwinla Jerusalem seni ar oola ra etiir. Iwe, ra awisa ekewe mwän seni ewe ainangen Lefi seni ier rüe feitä pwe repwe nemeni angangen ewe imwenfel.

Esra 4:2

ra feito ren Serupapel me ekewe mwänirelan än semelaper kewe cho o üreniir, “Oupwe mwüt ngenikem pwe aipwe etikemi le aüetä ewe imwenfel. Pun äm aia fel ngeni ewe Kot ämi oua fel ngeni. Äm aia pwal asor ngeni seni fansoun mwün Esar-haton ewe kingen Asiria mi tinikeemito ikei.”

Esra 4:24

Mürin, angangen won ewe imwen Kot lon Jerusalem a kaüla tori aruuen ierin mwün Tarius ewe kingen Persia.

Esra 5:1

Iwe, lon ena fansoun ekewe soufos Akai me Sekaraia eman mwirimwirin Ito ra osuni ngeni ekewe chon Juta mi nom lon Juta me Jerusalem fän iten ewe Koten Israel, pun Ngünün a nonom wor.

Esra 5:3

Iwe, lon ewe chök fansoun Tatenai kepinan ewe fanü lotoun ewe chanpupu Oifrat me Setar-posenai pwal chiechier kewe ra feila rer o aisiniir, “Iö a mwütätä ngenikemi pwe oupwe aüetä ei imwenfel o awesala?

Esra 6:14

Iei mine ekewe souakomwen chon Juta ra sopwela le aüsefälietä ewe imwenfel, nge ar angang a fisiöch, pun ekewe soufos Akai me Sekaraia ra apöchöküla leluker ren ar afalafal. Iwe, ra awesala ar angang ngeni ewe imwenfel fän än ewe Koten Israel allük, pwal fän än Sirus, Tarius me Artaksasta ekewe kingen Persia allük.

Nehemia 12:1

Ikkei ir ekewe souasor me ekewe mwän seni ewe ainangen Lefi mi liwinsefäl seni ar oola, ra etato Serupapel nöün Sealtiel we mwän me Jesua: Ekewe souasor Seraia, Jeremaia, Esra,

Nehemia 12:10

Iwe, Jesua semen Joiakim, Joiakim semen Eliasip, nge Eliasip semen Joiata,

Nehemia 5:14

Iwe, lon ewe fansoun üa fil pwe üpwe kepinan ewe fanü Juta, seni ewe arüeen ierin mwün ewe king Artaksasta tori ilik me ruuen ierin, lon ei ükükün engol me ruu ier äm me aramasei kewe aisap mongö ewe mongö wisen kepina.

Nehemia 7:7

Iwe, nöür kewe souemwen Serupapel, Jesua, Nehemia, Asaria, Ramia, Naamani, Mortekai, Pilsan, Misperet, Pikwai, Nehum me Paana. Iei iteiten ekewe mwän seni ekewe aramasen Israel mi liwinsefäl seni ar oola:

Nehemia 8:9

Iwe, lupwen ekewe aramas ra rongorong kapasen ewe allük, a mwökütüküt letiper pwe ra kechü. Iei mine ewe kepina Nehemia, ewe souasor Esra, i ewe sousile allük, me ekewe mwän seni ewe ainangen Lefi mi aiti ngeni ekewe aramas ewe allük ra üreni ekewe aramas meinisin, “Ei rän a pin fän iten ewe Samol mi Lapalap äm we Kot. Ousap letipeta ika kechü.”

Ekistos 4:13

Nge Moses a üreni, “Ai Samol, kose mochen kopwe tinala eman.”

Akai 1:12

Mürin, Serupapel nöün Sealtiel we me Josua nöün Jehosatak ewe souasor mi lap, pwal ekewe lusun aramas mi chüen manau ra aleasochisi alon ewe Samal mi Lapalap ar we Kot, pwal alon ewe soufos Akai, pun ewe Samol mi Lapalap ar we Kot a tinala rer. Iwe, ekewe aramas meinisin ra meniniti ewe Samol mi Lapalap.

Akai 1:14

Iwe, ewe Samol mi Lapalap a apöchökülätä letipen Serupapel ewe kepinan Juta me letipen Josua ewe souasor mi lap, pwal letipen ekewe lusun aramas mi chüen manau, pwe ra feito o angang ngeni Imwenfelin ewe Samol mi Unusen Manaman ar we Kot.

Akai 1:15

Ei a fis lon rüe me rüanün ränin ewe awonuen maram lon aruuen ierin mwün ewe king Tarius.

Akai 1:2

Ewe Samol mi Unusen Manaman a üreni Akai, “Ekei aramas ra apasa pwe esamwo tori fansoun ar repwe aüsefälieta Imwenfelin ewe Samol mi Lapalap.”

Akai 1:3

Mürin, alon ewe Samol mi Lapalap a tori ekewe aramas ren ewe soufos Akai,

Akai 2:10

Lon aruuen ierin mwün Tarius, lon rüe me rüanün ränin ewe atiuen maram ewe Samol mi Lapalap a kapas ngeni ewe soufos Akai.

Akai 2:20

Iwe, lon rüe me rüanün ränin ewe maram ewe Samol mi Lapalap a kapas ngeni Akai fän aruuan,

Akai 2:21

“Kopwe kapas ngeni Serupapel ewe kepinan Juta, pwe iei üpwe le achecha läng me fanüfan

Akai 2:4

Nge iei oupwe apworachokemi, ämi Serupapel me Josua, pwal ämi aramasen ei fanü meinisin. Oupwe angang, pun ngang üpwe etikemi.

Sekaraia 1:1

Iwe, lon aruuen ierin mwün Tarius, lon ewe awaluen maram, ewe Samol mi Lapalap a kapas ngeni ewe soufos Sekaraia nöün Perekia we mwän, nge Perekia nöün Ito.

Sekaraia 3:1

Mürin, Kot a aküna ngeniei Josua ewe souasor mi lap mi ütä fän mesen nöün ewe Samol mi Lapalap chon läng, nge Satan a ütä lepelifichin Josua pwe epwe atipisi.

Malakai 1:8

Ifa usun, lupwen oua eäni asor ekewe man mi chun, esap ngau? Nge ifa usun, lupwen oua eäni asor ekewe man mi ter ika samau, esap ngau? Are oupwe fang ngeni nöümi kepina ei sokun man, ifa usun, epwe pwapwa ngenikemi ika kirikiröch ngenikemi?

Lukas 3:27

Jota nöün Johanan, Johanan nöün Resa, Resa nöün Serupapel, Serupapel nöün Sealtiel, nge Sealtiel nöün Neri,