Aisea 1:4 - Chuukese Bible

⁴ Ämi eu täppin aramas mi tipis, oua fokun föföringau, nau mi lükümach chök. Oua pöütala ewe Samol mi Lapalap, oua turunufasei Ewe mi Pin lon Israel o kul seni.

Aisea 1:4 Iomraidhean Croise

Keneses 13:13

Nge ekewe re Sotom ra fokun föföringau o tipis ngeni ewe Samol mi Lapalap.

2. King 21:22

Amon a likitala ewe Samol mi Lapalap än an kewe lewo we Kot o aleasolap ngeni an kewe allük.

2. Kronika 12:1

Iwe, mürin än Rehopoam anüküchara mwün o pöchökülela lon an nemenem, a pöütala än ewe Samol mi Lapalap allük, nge chon Israel meinisin ra eti le föri iei usun.

2. Kronika 27:2

Jotam a föri mine a pwüng me fän mesen ewe Samol mi Lapalap, usun chök Usia saman we. Nge mine a sokola seni won, pwe esap tomwälilong lon imwenfelin ewe Samol mi Lapalap. Nge ekewe aramas ra chök sopwela le föri föför mi ngau.

Nehemia 1:7

Äm aia föri föför mi ngau o ü ngonuk, äm aisap aleasochisi om kewe allük me pwüüng ka allük ngeni noum chon angang Moses.

Kölfel 58:3

Ekewe aramasangau ra tokola lon unusen manauer, ra chök kapas chofana seni ewe fansoun ra uputiu.

Kölfel 71:22

Ai Kot, ngang üpwe fokun mwareituk ren kitar, pokiten om allükülük, üpwe kölün mwareituk ren ükülele, en Ewe mi Pin me lon Israel.

Kölfel 78:40

Fän chomong ra ü ngeni i me lon ewe fanüapö o achouu me lon ewe fanüpwas.

Kölfel 78:41

Ra sotuni Kot fän chomong o asonga Ewe mi Pin me lon Israel.

Kölfel 78:57

nge ra tokola seni Kot o kirikiringau usun chök semelaper kewe, ra lomotongau usun chök efoch esefich mi pwor.

Kölfel 78:8

pwe resap wewe ngeni ar kewe lewo, ewe täppin aramas mi ülöförea me lükümach, ewe täppin aramas leluker esap pos, resap pwal allükülük ngeni Kot.

Kölfel 89:18

Pun ewe mi tümwünükich nöün ewe Samol mi Lapalap, ach king nöün Ewe mi Pin lon Israel.

Ekistos 32:7

Mürin, ewe Samol mi Lapalap a kapas ngeni Moses, “Kopwe müttiritiu, pun noum kewe aramas ka emwenirewu seni lon ewe fanü Isip ra föri föför mi ngau.

Aisea 1:23

Om kewe souemwen ra wiliti chon pälüeni mwü, ra pwal chiechi ngeni chon solä. Ir meinisin ra sani lifangen amichimich, ra pwal tipemong won lifang. Resap peni chokewe mi mäsen lon kapwüng, resap pwal alisi ekewe fefin mi mä pwülüer.

Aisea 1:28

Nge ekewe chon ü ngeni Kot me chon tipis repwe rosola meinisin, chokewe mi likitala ewe Samol mi Lapalap repwe mola.

Aisea 10:6

Üa tinala chon Asiria ren chon eu mwü resap niueitiei, nge üa allük ngeniir pwe repwe maun ngeni ekewe aramas üa songeitiir. Repwe angei seniir wöür o soläni pisekir, repwe pwal puriir usun chök pwakaken won al.

Aisea 12:6

Oupwe akapwas o köl fän pwapwa, ämi chon Sion, pun Ewe mi Pin lon Israel a tekia me lefilemi.”

Aisea 14:20

Kosap chufengen me rer le peias, pun ka ataela fanüom o niela aramasom. Esap wor eman mwirimwirin ewe chon föföringau epwe chüen manau.

Aisea 29:19

Ekewe chon tipetekison repwe eäni pwapwa me ren ewe Samol mi Lapalap, nge chon wöüngau repwe mwänek ren Ewe mi Pin lon Israel.

Aisea 3:8

Iwe, Jerusalem a fetal ngeni an epwe feiengau, nge Juta epwe turula, pun chor ra pälüeni ewe Samol mi Lapalap ren ar kapas me ar föför, ra pwal ü ngeni ewe Kot mi ling.

Aisea 30:1

Iwe, ewe Samol mi Lapalap a apasa, “Feiengauen nei kana ra chök pälüeniei. Ra föri mochenin letiper, nge resap föri letipei. Ra pwal pwonfengen me chon ekis, nge resap mwir me woi. Ren ei ra chök alapala ar tipis.

Aisea 30:15

Iei alon Kot ewe Samol mi Lapalap, Ewe mi Pin lon Israel, “Oupwe küna manau ren ämi liwinsefäl ngeniei me ämi asösö rei, oupwe pwal küna pöchökül ren ämi mosonotam me ämi lükülük. Nge ämi ousap mochen.

Aisea 30:9

Pun ir eu täppin aramas mi ü ngeniei, nei kana mi chofana, resap mochen aüselinga kapasen amirit me rei ngang ewe Samol mi Lapalap.

Aisea 31:2

Nge Kot a tipachem. Epwe awarato feiengau, nge esap siwili an kapas. I epwe ü ngeni chon föföringau, pwal ngeni chokewe mi alisi chon pwüngingau.

Aisea 37:23

Iö ka urumwotei o turunufasei? Iö ka eäni kapas osomong ngeni? Nge iö ka newenewen ngeni fän lamalamtekia? Ka chök föri ei ngeniei ngang Ewe mi Pin lon Israel.

Aisea 41:14

Ewe Samol mi Lapalap a apasa, “Kosap niuokus, en Israel mi kükün o apwangapwang usun chök eman moso, pun ngang üpwe alisuk. Ngang Ewe mi Pin lon Israel om Chon Amanau.

Aisea 41:16

Iwe, kopwe söfölüretä pwe asepwäl epwe ässirela, nge mölümöl epwe atoropaseer. Nge en kopwe pwapwa rei, pun ngang om Samol mi Lapalap, kopwe pwal mwareitiei ngang Ewe mi Pin lon Israel.

Aisea 41:20

Iwe, aramas repwe küna ei o silei pwe ngang ewe Samol mi Lapalap üa föri ekei föför, repwe pwal ekieki usun o weweiti pwe ngang Ewe mi Pin lon Israel üa afisätä ei.”

Aisea 5:19

ämi mi apasa, “Kot epwe müttir apwönüetä an angangen apwüng pwe sipwe küna. Ewe mi Pin lon Israel epwe awara mine a ekiekin föri pwe sipwe wesewesen silei.”

Aisea 5:24

Iei mine warer repwe pwasala, nge sotur repwe mworotiu usun pipi. Iwe, repwe müükala usun chök pötöwöl mi pwas lon ngetengeten ekkei, pwal usun chök fetilipwas lon characharen um. Pun ra pöütala än ewe Samol mi Unusen Manaman allük o turunufasei än Ewe mi Pin lon Israel kapas.

Aisea 57:17

Iwe, üa song ngeni nei aramas pokiten ar tipisin mochenia, iei mine üa apwüngüür o amona mesei seniir. Nge ir ra chök sopwela le föri letiper.

Aisea 58:2

Ewer, ra küttaei iteiten rän o mochen silei letipei. Nge ra usun chök eu täppin aramas mi pwomweni pwomwen chon pwüng resap pöütala än ar we Kot allük. Iwe, ra tüngor ngeniei pwe üpwe eäni pwüng lon ai apwüng, ra pwal tüngormau ngeniei pwe üpwe kanoto rer.”

Aisea 65:11

Nge ämi oua pöütieila, ousap pwal chüen ekieki chuki mi pin. Iei oua soun asor mongö ngeni ewe kot a iteni ‘Feiöch’, oua pwal alolöü ngeni wain ewe kapen asor än ewe kot itan ‘Akota mine epwap fis me mürin.’

Aisea 65:3

Ir eu mwichen aramas ra afifi lemesei iteiten fansoun, ra föri ar asor ngeni ekewe anümwäl lon ekewe tanipi o keni apach mi pwokus won ekewe rongen asor seni fau mi fal.

Aisea 9:17

Iei popun ewe Samol esap echika nöür alüal, esap pwal tongei chokewe mi mäsen me ekewe fefin mi mä pwülüer. Pun ir meinisin resap niueiti Kot, ra pwal föföringau, nge kapasen awer a ngau. Iwe, lon ekei feiengau än Kot song esap kisikisila, nge pöün a chüen afeiengaueer.

Jeremaia 15:6

Ämi oua likitieila, oua chök sopwela le tokola seniei. Iei mine üa aitiewu pei o afeiengauakemi. Üa chipwangela le pwetete ngenikemi.

Jeremaia 2:13

Pun nei aramas ra föri ruu tipis: Ra likitieila, ngang ewe puächen kolukun manau, nge ra tuw chönüttu fän iter, sokun chönüttu mi sangang, esap tongeni mwöch koluk lor.

Jeremaia 2:17

Ifa usun, sap püsin en Israel ka awarato womw ei feiengau ren om likitieila ngang ewe Samol mi Lapalap, lupwen üa emwenukela won ewe al?

Jeremaia 2:19

Püsin om kewe föföringau repwe apwünguk, nge om kul seniei epwe atipisuk. Kopwe mefi pwe a ingau o weires ngonuk om kopwe likitieila, ngang ewe Samol mi Lapalap om we Kot. Esap wor menini me reöm. Ngang ewe Samol mi Lapalap, ewe Kot mi Unusen Manaman üa kapas.”

Jeremaia 2:31

Ämi aramasen Israel, oupwe aüselinga aloi. Ifa usun, üa wewe ngeni eu fanüapö me remi, ika eu fanüen rochopwak me feiengau? Pwota ämi nei aramas oua apasa, ‘Äm aipwe chök föri letipem, aisap chüen liwinsefälito reöm.’

Jeremaia 2:33

Israel, ka fokun silelap le kütta alen om kamwet. Pwal ekewe fefin mi fokun ingau ra tongeni kaiö senuk.

Jeremaia 2:5

Iei alon ewe Samol mi Lapalap, “Met mwäli ämi kewe lewo ra küna, pwe ra feila toau seniei? Ra fel ngeni ekewe uluulun anümwäl mi lomotongau o wiliti aramas mi lomotongau.

Jeremaia 32:32

pokiten ekewe föföringau meinisin chon Israel me chon Juta ra föri pwe repwe asongaei, ir me ar kewe king, nöür kewe nöüwis, nöür kewe souasor me soufos, ekewe re Juta me ekewe chon Jerusalem.

Jeremaia 50:29

“Oupwe körifengeni ekewe chon esefich, chokewe meinisin mi emeia nöür esefich pwe repwe maun ngeni Papilon. Oupwe nom pwelin ünükün ewe telinimw pwe esap wor eman epwe tongeni sü seni. Oupwe liwini ngeni won ükükün an föför, oupwe föri ngeni usun mine i a föri ngeni aramas, pun a ü ngeniei fän lamalamtekia, ngang ewe Samol mi Lapalap ewe mi Pin lon Israel.

Jeremaia 51:5

Ngang Kot ewe Samol mi Unusen Manaman, üsap pöütala chon Israel me chon Juta, inamwo ika ra tipis ngeniei, ngang ewe mi Pin me lon Israel.”

Jeremaia 7:19

Ifa usun, ngang ewe ra ariaföüü? Apwi, püsin ir, ra pwal püsin atoto säw wor.

Jeremaia 7:26

Nge esap wor eman a aüselingaei ika aü selingan. Oua chök tipepöchökül o föri mine a ngau lap seni ämi kewe lewo.

Isikiel 14:5

Üpwe föri ei, pwe üpwe elliapasefäli letipen ekewe chon Israel mi likitieila pokiten ar uluulun anümwäl.’

Isikiel 16:33

Mwän ra möni ekewe fin lisowu, nge en ka lifang ngeni chokewe ka lisowu ngeniir. Ka ngeniir om kewe lifangen amichimich, pwe repwe feito reöm seni ekis meinisin o kon reöm.

Isikiel 16:45

En wesewesen nöün inom mi pöütala pwülüan me nöün kewe. En ka wesewesen usun chök pwiüm kewe mi pöütala pwülüer me nöür kewe. Inemi eman fin Hit, nge sememi eman re Amor.

Taniel 9:11

Chon Israel meinisin ra puri om allük o kul senuk, pun resap aleasochisi alom. Äm aia tipis ngonuk, iei mine ka atoto wom ekewe anümamau mi fis fän akapel, ekewe mi mak lon ewe puken allük än Moses noum we chon angang.

Sefanaia 1:6

Üpwe ärala chokewe mi kul seni ar tapwela müri, chokewe resap küttaei ika resap angei öüröürer me rei.”

Numperis 32:14

Nge iei ämi oua chök tolong lemürürün sememi kewe, ämi eu täppin aramas mi tipis. Oua chök alapala än ewe Samol mi Lapalap song mi pöchökül ngeni Israel.

Mateus 11:28

Oupwe feito rei ämi meinisin mi weiresikis o uwochou, ngang üpwe asösökemi.

Mateus 23:33

Ämi serepenit me etelien serepenit! Ifa usun, ämi oupwe tongeni sü seni liwiningauen ämi tipis lon hell?

Mateus 3:7

Nge lupwen Johannes a küna chomongun ekewe Farisi me Satusi mi feito ren pwe repwe papatais, a üreniir, “Ämi serepenit! Iö a ürenikemi pwe oupwe sü seni än Kot song epwe awarato womi?

Nöün Paulus Toropwe ngeni ekewe Souläng lon Rom 8:7

Iei mine eman aramas a ü ngeni Kot lupwen a nonom fän nemenien tipis, pun esap aleasochisi än Kot allük, pwüngün esap tongeni aleasochis ngeni.

1. Korint 10:22

Ika sia mochen asonga ach Samol? Ifa usun, sia pöchökül seni i?

Tuteronomi 29:25

Mürin, aramas repwe apasa, ‘Popun a fis ei pwe ekewe chon Israel ra atai ewe pwon ewe Samol mi Lapalap än ar kewe lewo we Kot a föri ngeniir, lupwen a emwenirewu seni ewe fanü Isip.

Tuteronomi 31:16

Iwe, ewe Samol mi Lapalap a üreni Moses, “A arapakan om kopwe le mäla o nom ren om kewe lewo. Mürin, ekei aramas repwe föri usun chök angangen lisowu ren ar fel ngeni pwal ekoch koten ewe fanü ia repwe feila ie. Iwe, repwe likitieila o ataela ai we pwon üa föri ngeniir.

Tuteronomi 32:19

Lupwen ewe Samol mi Lapalap a küna ar föför, a song o pöütala nöün mwän me fefin.

Tuteronomi 32:5

Nge ämi chon Israel oua föri föför mi ngau ngeni Kot. Ousap chüen iteni nöün, pun a wor terimi. Ämi eu täppin aramas mi ngau o rikirik.

Kolose 1:24

Iwe, iei üa pwapwa lon ai riaföü fänäsengesimi, pun ren ai riaföü lon inisi üa alisi le aunusöchüela mine esamwo unus lon än Kraist riaföü fänäsengesin inisin we, iei ewe mwichefel.

Pwärätä 18:5

Pun an kewe tipis ra chukuchukutä tori läng, nge Kot a chechemeni an kewe föför mi ngau.

Soukapwüng 10:10

Mürin, ekewe aramasen Israel ra siö ngeni ewe Samol mi Lapalap o apasa, “Äm aia tipis ngonuk, pun aia likitukela, en äm Kot, o angang ngeni ekewe anü Paal.”