Aisea 1:3 - Chuukese Bible

³ Eman kow a silei an samol, nge eman aas a silei ewe sepi an samol a amongöü lon. Nge ar sile a kon lap seni än chon Israel sile, nei aramas kana esap wor ar wewe.”

Aisea 1:3 Iomraidhean Croise

Kölfel 94:8

Ämi mi fokun tipate me lein ekewe aramas, oupwe weweöch. Ämi mi tiparoch, inet oupwe tipachemela?

Än Salomon Fos 28:5

Aramas mi ngau resap weweiti pwüng, nge chokewe mi niuokusiti ewe Samol mi Lapalap ra unusen weweiti.

Än Salomon Fos 6:6

Kopwe feila ren ekewe molus, en chon chipwang. Kopwe ekieki usun ar angang pwe kopwe tipachemela.

Aisea 27:11

Ekewe aramas ra wewe ngeni palen ekewe irä mi pwas, ra kuputiu. Iwe, fefin repwe feito o rusifengeniir pwe repwe eäniir amüch. Pun ir eu mwichen aramas resap mirit. Iei mine Kot ewe mi föriir esap tongeäsiniir, esap pwal ümöümöch ngeniir.

Aisea 42:20

Israel, ka küna chomong mettoch, nge kosap tümwünü. Ka aü selingom, nge kosap rongorong.”

Aisea 44:18

Iwe, ekei aramas resap silei och, resap pwal wewe ren, pun Kot a achuna meser pwe resap tongeni küna, a pwal apüngü letiper pwe resap tongeni wewe.

Aisea 5:12

A wor nöümi kitar me rappwa, ämi pisekin kaktai me nöümi aangün pwal ünümemi wain, lupwen oua mongöfengen. Nge ousap ekieki usun mine ewe Samol mi Lapalap a föri, ousap pwal ingeiti angangen pöün.

Aisea 5:13

Iei mine oupwe oola won fanü toau mwen ämi oupwe mefi. Iwe, chokewe mi iteüöch me leimi repwe mäla ren ar echik, nge ekewe aramas repwe mäla ren ar kaka.

Aisea 56:11

Iwe, ra usun chök kolak ra mochen mongömong, nge resap fokun möt. Ekei chon mas resap weweiti och, ra chök en me püsin föri letipan o kütta en me winnan.

Jeremaia 10:14

Lupwen aramas ra küna ei, ra mefi pwe ra umwes, esap pwal wor ar mirit. Ekewe chon föri uluulun anümwäl seni kolt ra säw, pun ar kewe uluulun anümwäl ra minen atuputup, esap pwal wor ngasangas lor.

Jeremaia 10:8

Ir meinisin ra tiparoch o umwes. Pun ifa usun, repwe tongeni angei öüröürer seni uluulun anümwäl mi för seni mwüch?

Jeremaia 35:16

Mwirimwirin Jonatap kewe ra aleasochisi ewe allük semelaper we a ngeniir. Nge ämi nei aramas ousap aleasochisiei.

Jeremaia 4:22

Ewe Samol mi Lapalap a apasa, “Nei aramas ra umwes, resap sileei. Ra usun chök semirit mi tiparoch, resap mirit. Ra sipeöch le föri mine a ngau, nge resap silei ar repwe föri föför mi öch.”

Jeremaia 50:6

Nei aramas ra usun chök sip mi malechela. Nöür kewe chon mas ra atokeer o emwenirela won ekewe chuk. Ra feila seni eu chuk tori pwal eu, resap chüen chechemeni ar lenien asösö.

Jeremaia 8:7

Ewe öröpwech mi äs fän läng a silei an fansoun liwinsefäl, pwal ewe lisom, ewe ekiek me ewe kawakaw ra silei fansoun ar repwe ässifeil. Nge ämi nei aramas ousap silei ai kewe allük.

Isikiel 16:30

Iwe, Kot ewe Samol mi Lapalap a apasa, “A wiliwilikis lelukom, pwe ka chök föri ekei sokun föför usun eman mi amömö inisin o fokun säwemang.

Taniel 9:11

Chon Israel meinisin ra puri om allük o kul senuk, pun resap aleasochisi alom. Äm aia tipis ngonuk, iei mine ka atoto wom ekewe anümamau mi fis fän akapel, ekewe mi mak lon ewe puken allük än Moses noum we chon angang.

Osea 2:8

Iwe, esap mochen mefi pwe ngang ätewe mi ngeni ewe wiich, ewe wain me ewe apüra seni föün olif, üa pwal ngeni chomong silifer me kolt. Nge i a aea ekei mettoch le fel ngeni ewe anü Paal.

Mateus 13:19

Chokewe mi rongorong ewe kapas usun Mwün Kot, nge resap weweiti, ra usun chök ekewe pwükil mi mworotiu lepekin al. Ewe Eman mi Ngau a feito o angei seniir mine a mworotiu lon leluker.

Nöün Paulus Toropwe ngeni ekewe Souläng lon Rom 1:28

Pokiten ekei aramas resap fokun mochen amwöchü lon letiper mine ra silei usun Kot, i a asechiirela lon ngauen letiper, pwe ra föri sokun föför esap pwüng.

2. Petrus 3:5

Ra apasa ei pokiten ra mochen manlükala pwe ren än Kot kapas läng me fanüfan ra fis. Fanüfan a fis seni koluk o pwal ren koluk.